ਰਾਡਿਕ ਨੇ ਨਾਂ ਵਾਪਸ ਲਿਆ

ਸ਼ਨਿਵਾਰ, 7 ਨਵੰਬਰ 2009( 15:21 IST )
ਗੋਡੇ ਦੀ ਸੱਟ ਨਾਲ ਜੂਝ ਰਹੇ ਦੁਨੀਆ ਦੇ ਛੇਵੇਂ ਨੰਬਰ ਦੇ ਖਿਡਾਰੀ ਅਮਰੀਕਾ ਦੇ ਐਂਡੀ ਰਾਡਿਕ ਨੇ ਐਤਵਾਰ ਤੋਂ ਇੱਥੇ ਸ਼ੁਰੂ ਹੋ ਰਹੇ ਪੈਰਿਸ ਮਾਸਟਰਸ ਟੂਰਨਾਮੈਂਟ ਤੋਂ ਆਪਣਾ ਨਾਂ ਵਾਪਸ ਲੈ ਲਿਆ ਹੈ।
ਟੂਰਨਾਮੈਂਟ ਲਈ ਸ਼ੁੱਕਰਵਾਰ ਨੂੰ ਕੱਢੇ ਗਏ ਡ੍ਰਾਅ ਵਿਚ ਰਾਡਿਕ ਦਾ ਨਾਂ ਨਹੀਂ ਸੀ।ਗੋਡੇ ਦੀ ਸੱਟ ਕਾਰਣ ਇਸ ਅਮਰੀਕੀ ਖਿਡਾਰੀ ਨੂੰ ਬੀਤੇ ਮਹੀਨੇ ਸ਼ੰਘਾਈ ਮਾਸਟਰਸ ਵਿਚ ਮੈਚ ਦੇ ਵਿਚਕਾਰੋਂ ਹੀ ਹਟਣਾ ਪਿਆ ਸੀ।
ਜ਼ਿਕਰਯੋਗ ਹੈ ਕਿ ਰਾਡਿਕ 22 ਤੋਂ 29 ਨਵੰਬਰ ਤੱਕ ਲੰਦਨ ਵਿਚ ਹੋਣ ਵਾਲੇ ਵਿਸ਼ਵ ਟੂਰ ਫਾਇਨਲ ਵਿਚ ਪਹਿਲਾਂ ਹੀ ਆਪਣੀ ਥਾਂ ਪੱਕੀ ਕਰ ਚੁੱਕੇ ਹਨ ਜਿਸ ਵਿਚ ਦੁਨੀਆ ਦੇ ਮੁੱਢਲੇ 8 ਖਿਡਾਰੀ ਭਾਗ ਲੈਂਦੇ ਹਨ।