ਭਾਰਤ ਦੇ ਸਾਬਕਾ ਕਪਤਾਨ ਸੌਰਵ ਗਾਂਗੁਲੀ ਨੇ ਇੱਥੇ ਮਹਿੰਦਰ ਸਿੰਘ ਧੋਨੀ ਨਾਲ ਸਹਿਮਤੀ ਜ਼ਾਹਰ ਕਰਦਿਆਂ ਕਿਹਾ ਕਿ ਟੀ-20 ਵਿਸ਼ਵ ਕੱਪ ਵਿਚ ਟੀਮ ਦੇ ਖਰਾਬ ਪ੍ਰਦਰਸ਼ਨ ਦਾ ਕਾਰਣ ਥਕਾਨ ਨਹੀਂ ਸੀ।
ਉਹਨਾਂ ਨੇ ਕ੍ਰਿਕਟ ਪ੍ਰੇਮੀਆ ਨੂੰ ਟੀਮ ਦੀ ਆਲੋਚਨਾ ਕਰਨ ਦੀ ਬਜਾਏ ਉਸ ਦਾ ਸਾਥ ਦੇਣ ਦੀ ਅਪੀਲ ਵੀ ਕੀਤੀ।ਉਹਨਾਂ ਕਿਹਾ ਕਿ ਕ੍ਰਿਕਟ ਪ੍ਰੇਮੀ ਟੀਮ ਦਾ ਸਾਥ ਦੇਣ ਕਿਉਂ ਜੋ ਬੀਤੇ ਡੇੜ ਸਾਲ ਵਿਚ ਟੀਮ ਨੇ ਬਿਹਤਰੀਨ ਪ੍ਰਦਰਸ਼ਨ ਕੀਤਾ ਹੈ ਅਤੇ ਸਿਰਫ ਇੱਕ ਟੂਰਨਾਮੈਂਟ ਵਿਚ ਹੀ ਉਹ ਨਾਕਾਮ ਹੋਈ ਹੈ।ਖਿਡਾਰੀ ਵਿਚ ਅਸੀਮ ਪ੍ਰਤਿਭਾ ਅਤੇ ਸਮਰੱਥਾ ਹੈ ਅਤੇ ਉਹ ਮੁੜ ਤੋਂ ਜਿੱਤਣਗੇ।
ਇਹ ਪੁੱਛਣ 'ਤੇ ਕਿ ਕੀ ਹਰ ਟੀਮ ਚੰਗੇ ਅਤੇ ਖਰਾਬ ਦੌਰ ਤੋਂ ਲੰਘਦੀ ਹੈ ਤਾਂ ਗਾਂਗੁਲੀ ਨੇ ਕਿਹਾ ਬਿਲਕੁਲ।ਇਹ ਤਾਂ ਹੋਣਾ ਹੀ ਹੈ।ਆਸ ਹੈ ਕਿ ਉਹ ਜਲਦੀ ਇਸ ਤੋਂ ਉਬਰਦੇ ਹੋਏ ਚੰਗਾ ਪ੍ਰਦਰਸ਼ਨ ਕਰਨਗੇ।
ਗਾਂਗੁਲੀ ਦਾ ਮੰਨਣਾ ਹੈ ਕਿ ਸਲਾਮੀ ਬੱਲੇਬਾਜ ਵਰਿੰਦਰ ਸਹਿਵਾਗ ਦਾ ਮੋਢੇ ਦੀ ਸੱਟ ਤੋਂ ਜਲਦੀ ਉਬਰਨਾ ਭਾਰਤੀ ਟੀਮ ਲਈ ਲੋੜੀਂਦਾ ਹੈ।ਉਹਨਾਂ ਕਿਹਾ ਕਿ ਖੇਡ ਵਿਚ ਸੱਟ ਵੱਜਦੀ ਰਹਿੰਦੀ ਹੈ ਅਤੇ ਜਿਆਦਾ ਕ੍ਰਿਕਟ ਖੇਡਣ ਨਾਲ ਅਜਿਹਾ ਹੁੰਦਾ ਹੈ।
ਆਸ ਹੈ ਕਿ ਉਹ ਜਲਦੀ ਠੀਕ ਹੋਵੇਗਾ ਕਿਉਂ ਜੋ ਇਹ ਭਾਰਤੀ ਟੀਮ ਲਈ ਬਹੁਤ ਲੋੜੀਂਦਾ ਹੈ।ਕ੍ਰਿਕਟ ਖਿਡਾਰੀ ਤੋਂ ਕਮੈਂਟੇਟਰ ਬਣੇ ਗਾਂਗੁਲੀ ਨੇ ਕਿਹਾ ਕਿ ਉਹ ਟੀ-20 ਵਿਸ਼ਵ ਕੱਪ ਫਾਇਨਲ ਵਿਚ ਉਹ ਪਾਕਿਸਤਾਨ ਖਿਲਾਫ ਸ਼੍ਰੀਲੰਕਾ ਦਾ ਸਮਰਥਨ ਕਰਨਗੇ। | 
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ