ਗੁਰੂ ਅੰਗਦ ਦੇਵ ਜੀ ਦਾ ਜਦੋਂ ਸ਼੍ਰੀ ਗੁਰੂ ਨਾਨਕ ਸਾਹਿਬ ਜੀ ਨਾਲ ਮਿਲਾਪ ਹੋਇਆ ਸੀ ਉਦੋਂ ਆਪ ਜੀ ਦਾ ਨਾਂਅ ਭਾਈ ਲਹਿਣਾ ਸੀ। ਆਪ ਜੀ ਨੇ ਗੁਰੂ ਨਾਨਕ ਦੇਵ ਜੀ ਦੀ ਬਹੁਤ ਸੇਵਾ ਕੀਤੀ। ਸ਼੍ਰੀ ਗੁਰੂ ਨਾਨਕ ਦੇਵ ਸਾਹਿਬ ਜੀ ਸਵੇਰੇ-ਸਵੇਰੇ ਰਾਵੀ ਦਰਿਆ ਵਿੱਚ ਇਸ਼ਨਾਨ ਕਰਨ ਜਾਂਦੇ ਸੀ ਆਪ ਜੀ ਦੇ ਨਾਲ ਹੋਏ ਵੀ ਕੁੱਝ ਸਿਖ ਚਲ ਪੈਂਦੇ ਸਨ। ਇੱਕ ਦਿਨ ਜਦੋਂ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਅਤੇ ਹੋਰ ਸੰਗਤ ਘਰੋਂ ਤੁਰੀ ਤਾਂ ਕੁੱਝ ਦੂਰ ਚੱਲ ਕੇ ਹਲਕਾ ਹਲਕਾ ਮੀਂਹ ਪੈਣ ਲਗੀਆ ਅਤੇ ਠੰਢੀ ਹਵਾ ਚੱਲ ਪਈ। ਕੁੱਝ ਸਿੱਖ ਤਾਂ ਹਲਕਾ ਮੀਂਹ ਪੈਣ ਕਰ ਕੇ ਹੀ ਵਾਪਸ ਮੁੜ ਗਏ ਅਤੇ ਕੁੱਝ ਸਿੱਖ ਠੰਢੀ ਹਵਾ ਕਰ ਕੇ ਵਾਪਸ ਆ ਗਏ। ਗੁਰੂ ਸਾਹਿਬ ਜੀ ਰਾਵੀ ਤੱਕ ਪਹੁੰਚੇ ਅਤੇ ਇਸ਼ਨਾਨ ਕਰਨ ਲਈ ਦਰਿਆ ਵਿੱਚ ਚਲੇ ਗਏ। ਇਸ ਸਮੇਂ ਆਪ ਜੀ ਦੇ ਨਾਲ ਬਾਬਾ ਬੁੱਢਾ ਜੀ ਅਤੇ ਕੁੱਝ ਹੋਰ ਨਜਦੀਕੀ ਸਿੱਖ ਨਾਲ ਸਨ ਜੋ ਮੀਂਹ ਤੋਂ ਬਚਣ ਲਈ ਦਰੱਖਤ ਥੱਲੇ ਖੜੇ ਹੋ ਗਏ। ਪਰ ਧੰਨ ਧੰਨ ਸ਼੍ਰੀ ਗੁਰੂ ਅੰਗਦ ਦੇਵ ਜੀ ਗੜ੍ਹੇ ਵਰ੍ਹਨ ਦੇ ਬਾਵਜੂਦ ਵੀ ਉੱਥੇ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਬਸਤਰ ਹੱਥ ਵਿੱਚ ਲੈ ਕੇ ਅਡੋਲ ਖੜੇ ਰਹੇ ਤਾਂ ਕਿ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਬਸਤਰ ਦੀ ਸੰਭਾਲ ਕਰ ਸਕਣ। |
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ
