ਅਰਵਿੰਦ ਸ਼ੁਕਲਾ
ਉੱਤਰਪ੍ਰਦੇਸ਼ ਦੇ ਸ਼ਾਹਜਹਾਂਪੁਰ ਜਨਪਦ ਤੋਂ ਲਗਭਗ 30 ਕਿਲੋਮੀਟਰ ਦੂਰ ਸ਼ਾਹਜਹਾਂਪੁਰ - ਫਰੂਰਖਾਬਾਦ ਰੋੜ ਤੇ ਤਹਿਸੀਲ ਜਲਾਲਾਬਾਦ ਵਿੱਚ ਭਗਵਾਨ ਪਰਸ਼ੂਰਾਮ ਦੀ ਜਨਮਸਥਲੀ ਦੱਸੀ ਜਾਂਦੀ ਹੈ। ਇਸ ਸਥਾਨ ਨੂੰ ਹਜਾਰਾਂ ਸਾਲਾਂ ਤੋਂ ਲੋਕ ਖੇੜਾ ਪਰਸ਼ੂਰਾਮਪੁਰੀ ਕਹਿੰਦੇ ਆਏ ਹਨ। ਮੁਗਲਕਾਲ ਵਿੱਚ ਰੂਹੇਲਾ ਸਰਦਾਰ ਨਜੀਬ ਖਾਂ ਦੇ ਪੁੱਤਰ ਰਹਮਤ ਖਾਂ ਨੇ ਇਸਦਾ ਨਾਮ ਬਦਲ ਕੇ ਆਪਣੇ ਵਿਚਕਾਰਲੇ ਪੁੱਤਰ ਜਲਾਲੂਦੀਨ ਦੇ ਨਾਮ ਤੇ ਜਲਾਲਾਬਾਦ ਕਰ ਦਿੱਤਾ ਸੀ। ਪਰ ਅਨੇਕ ਸਥਾਨਾਂ ਤੇ ਅਜੇ ਵੀ ਪਰਸ਼ੂਰਾਮਪੁਰੀ ਲਿਖਿਆ ਹੋਇਆ ਹੈ। ਲੋਕਾਂ ਦੀ ਦ੍ਰਿੜ ਧਾਰਨਾ ਹੈ ਕਿ ਪਰਸ਼ੂਰਾਮ ਇੱਥੇ ਹੀ ਜਨਮੇ ਸਨ।
ਸਥਾਨੀ ਕਾਂਗਰਸੀ ਸਾਂਸਦ ਅਤੇ ਵਰਤਮਾਨ ਵਿੱਚ ਕੇਂਦਰੀ ਰਾਜਮੰਤਰੀ ਜਿਤਿਨ ਪ੍ਰਸਾਦ ਨੇ ਬਕਾਇਦਾ ਕੇਂਦਰੀ ਸੈਰ-ਸਪਾਟਾ ਮੰਤਰੀ ਨੂੰ ਪੱਤਰ ਲਿਖ ਕੇ ਇਸ ਮੰਦਿਰ ਨੂੰ ਸੈਰ-ਸਪਾਟਾ ਸਥਾਨ ਘੋਸ਼ਿਤ ਕਰਨ ਦੀ ਮੰਗ ਕਰੀ ਹੈ। ਸਥਾਨੀ ਲੋਕਾਂ ਦੀ ਰਾਜ ਸਰਕਾਰ ਤੋਂ ਮੰਗ ਹੈ ਕਿ ਪਰਸ਼ੂਰਾਮ ਜਨਮ ਸਥਲੀ ਦੇ ਇਸ ਪਰਸ਼ੂਰਾਮ ਮੰਦਿਰ ਨੂੰ ਸੈਰ-ਸਪਾਟਾ ਸਥਾਨ ਘੋਸ਼ਿਤ ਕਰ ਕੇ ਇਸਦਾ ਵਿਕਾਸ ਕੀਤਾ ਜਾਵੇ।
ਇੱਧਰ ਉੱਤਰ ਪ੍ਰਦੇਸ਼ ਦੀ ਰਾਜਨੀਤੀ ਵਿੱਚ ਭਗਵਾਨ ਪਰਸ਼ੂਰਾਮ ਮਹੱਤਵਪੂਰਨ ਹੋ ਗਏ ਹਨ। ਪਰਸ਼ੂਰਾਮ ਬ੍ਰਾਹਮਣਾਂ ਦੇ ਸਵੈਮਾਣ ਅਤੇ ਗੌਰਵ ਦੇ ਪ੍ਰਤੀਕ ਬਣ ਗਏ ਹਨ। ਸੋਸ਼ਲ ਇੰਜੀਨਿਰਿੰਗ ਦੇ ਕਾਰਨ ਸੱਤਾ ਹੜੱਪਣ ਲਈ ਬ੍ਰਾਹਮਣਾਂ ਦਾ ਸਹਿਯੋਗ ਪ੍ਰਾਪਤ ਕਰਨ ਲਈ ਸਾਰੇ ਦਲ ਉਹਨਾਂ ਨੂੰ ਖੁਸ਼ ਕਰ ਰਹੇ ਹਨ। ਬ੍ਰਾਹਮਣਾਂ ਨੇ ਵੀ ਇੱਧਰ ਤੇਜੀ ਨਾਲ ਭਗਵਾਨ ਭਗਵਾਨ ਪਰਸ਼ੂਰਾਮ ਨੂੰ ਭਗਵਾਨ ਦਾ ਦਰਜਾ ਦੇ ਕੇ ਉਹਨਾਂ ਦੀ ਪੂਜਾ-ਅਰਾਧਨਾ ਸ਼ੁਰੂ ਕਰ ਦਿੱਤੀ ਹੈ ਅਤੇ ਇਸੇ ਕਰਕੇ ਉਹ ਆਪਣੇ ਭਗਵਾਨ ਪਰਸ਼ੂਰਾਮ ਦੀ ਜਨਮਸਥਲੀ ਜਲਾਲਾਬਾਦ ਵਿੱਚ ਸਥਿਤ ਪਰਸ਼ੂਰਾਮ ਦੇ ਮੰਦਿਰ ਦਾ ਪੁਨਰਨਿਰਮਾਣ ਕਰ ਕੇ ਵਿਸ਼ਾਲ ਮੰਦਿਰ ਬਣਾਉਣ ਦਾ ਸੰਕਲਪ ਲੈ ਰਹੇ ਹਨ। ਇਸੇ ਬਹਾਨੇ ਬ੍ਰਾਹਮਣਾਂ ਨੇ ਆਪਣੇ ਸਮਾਜ ਨੂੰ ਇੱਕ ਰੱਖਣ ਦੀ ਠਾਣੀ ਹੈ।
ਪਿਛਲੀ ਇੱਕ ਫਰਵਰੀ ਨੂੰ ਬ੍ਰਹਾਰ ਸਮਾਜ ਏਕਤਾ ਸੰਘਰਸ਼ ਸਮਿਤੀ ਦੇ ਦੁਆਰਾ ਭਗਵਾਨ ਪਰਸ਼ੂਰਾਮ ਦੀ ਜਨਮਸਥਲੀ ਦੇ ਜਲਾਲਾਬਾਦ ਵਿੱਚ ਸਥਿਤ ਪਰਸ਼ੂਰਾਮ ਮੰਦਿਰ ਦੇ ਪੁਨਰਨਿਰਮਾਣ ਲਈ ਭੂਮੀ ਪੂਜਾ ਤੇ ਸ਼ਿਲਾਦਾਨ ਦਾ ਆਯੋਜਨ ਕੀਤਾ ਗਿਆ। ਇਸ ਆਯੋਜਨ ਵਿੱਚ ਨੈਮਿਸ਼ ਵਿਆਸ ਪੀਠਾਧੀਸ਼ਵਰ ਜਗਦਾਚਾਰਿਆ ਸਵਾਮੀ ਉਪੇਂਦਰਾਨਾਥ ਸਰਸਵਤੀ ਜੀ ਮਹਾਰਾਜ ਅਤੇ ਜੋਤੀਸ਼ਪੀਠਾਧੀਸ਼ਵਰ ਜਗਦੁਰਰੂ ਸ਼ੰਕਰਾਚਾਰਿਆ ਸ਼੍ਰੀਮਦ ਸਵਾਮੀ ਵਾਸੁਦੇਵਾਨੰਦ ਸਰਸਵਤੀ ਜੀ ਮਹਾਰਾਜ ਆਏ।
ਜਿਸ ਸਥਾਨ ਤੇ ਅੱਜ ਪਰਸ਼ੂਰਾਮਪੁਰੀ ਸਥਿਤ ਹੈ ਤ੍ਰੇਤਾਯੁਗ ਵਿੱਚ ਉਹ ਖੇਤਰ ਕਾਨਿਯਕੁੰਜ ਰਾਜ ਵਿੱਚ ਸੀ। ਰੂਹੇਲਾ ਸਰਦਾਰ ਨਜੀਬ ਖਾਂ ਦੇ ਪੁੱਤਰ ਹਾਫਿਜ ਖਾਂ ਨੇ ਇਸ ਖੇਤਰ ਵਿੱਚ ਇੱਕ ਕਿਲਾ ਬਣਵਾਇਆ ਸੀ। ਅੱਜ ਉਸੇ ਕਿਲੇ ਦੇ ਅਵਸ਼ੇਸ਼ ਤੇ ਤਹਿਸੀਲ ਦਾ ਭਵਨ ਬਣਿਆ ਹੋਇਆ ਹੈ। ਉਸਨੇ ਆਪਣੇ ਵਿਚਕਾਰਲੇ ਪੁੱਤਰ ਜਲਾਲੂਦੀਨ ਦਾ ਵਿਆਹ ਉੱਥੇ ਆ ਕੇ ਵਸ ਜਾਣ ਵਾਲੇ ਅਫਗਾਨ ਕਬੀਲੇ ਵਿੱਚ ਕਰਿਆ ਸੀ ਅਤੇ ਇਹ ਇਲਾਕਾ ਆਪਣੀ ਨੂੰਹ ਨੂੰ ਮਿਹਰ ਵਿੱਚ ਦਿੱਤਾ ਸੀ ਉਦੋਂ ਤੋਂ ਹੀ ਇਸ ਨਗਰ ਦਾ ਨਾਮ ਪਰਸ਼ੂਰਾਮਪੁਰੀ ਤੋਂ ਬਦਲ ਕੇ ਜਲਾਲਾਬਾਦ ਰੱਖਿਆ ਗਿਆ ਸੀ।
ਪਰਸ਼ੂਰਾਮਪੁਰੀ ਜਲਾਲਾਬਾਦ ਵਿੱਚ ਭਗਵਾਨ ਪਰਸ਼ੂਰਾਮ ਦਾ ਬਹੁਤ ਪ੍ਰਾਚੀਨ ਮੰਦਿਰ ਹੈ। ਮੰਦਿਰ ਦੇ ਮੱਧ ਵਿੱਚ ਸ਼ਿਵਲਿੰਗ ਹੈ। ਸਾਹਮਣੇ ਭਗਵਾਨ ਪਰਸ਼ੂਰਾਮ ਦੀ ਪ੍ਰਾਚੀਨ ਮੂਰਤੀ ਹੈ। ਅਜਿਹਾ ਵਿਸ਼ਵਾਸ ਕੀਤਾ ਜਾਂਦਾ ਹੈ ਕਿ ਭਗਵਾਨ ਪਰਸ਼ੂਰਾਮ ਦੇ ਹੱਥਾਂ ਤੋਂ ਇੱਥੇ ਸ਼ਿਵਲਿੰਗ ਦੀ ਸਥਾਪਨਾ ਕੀਤੀ ਗਈ ਸੀ ਜਿਸ ਤੇ ਬਾਅਦ ਵਿੱਚ ਭਗਤਾਂ ਨੇ ਮੰਦਿਰ ਦਾ ਨਿਰਮਾਣ ਕਰਵਾਇਆ ਹੋਵੇਗਾ।
ਪਰਸ਼ੂਰਾਮਪੁਰੀ ਵਿੱਚ ਮੰਦਿਰ ਲਗਭਗ 20 ਫੁਟ ਉੱਚੇ ਸਥਾਨ ਤੇ ਬਣਿਆ ਹੈ। ਮੰਦਿਰ ਦੀ ਉਚਾਈ ਇਸਦੀ ਬਹੁਤ ਪ੍ਰਾਚੀਨਤਾ ਦਾ ਪ੍ਰਮਾਣ ਹੈ। ਯਵਨਾਂ ਦੁਆਰਾ ਪਰਸ਼ੂਰਾਮ ਮੰਦਿਰ ਅਨੇਕ ਵਾਰ ਤੋੜਿਆ ਗਿਆ ਅਤੇ ਪਰਸ਼ੂਰਾਮ ਦੇ ਭਗਤਾਂ ਦੁਆਰਾ ਫਿਰ ਤੋਂ ਇਸ ਦਾ ਨਿਰਮਾਣ ਕਰਵਾਇਆ ਗਿਆ। ਪੁਨਰ ਨਿਰਮਾਣ ਦੇ ਸਮੇਂ ਮਲਬੇ ਦੇ ਹੇਠਾਂ ਤੋਂ ਪਰਸ਼ੂਰਾਮ ਨਾਲ ਸਬੰਧਿਤ ਅਨੇਕ ਪ੍ਰਾਚੀਨ ਵਸਤੂਆਂ ਉਪਲਬਧ ਹੋਈਆਂ। ਇੱਕ ਵਾਰ ਮੰਦਿਰ ਦੇ ਮਲਬੇ ਦੇ ਹੇਠਾਂ ਤੋਂ ਲਗਭਗ 8 ਫੁਟ ਉੱਚਾ ਅਤੇ ਢਾਈ ਫੁਟ ਫਲਕ ਦਾ ਪਰਸ਼ੂ ਨਿੱਕਲਿਆ ਸੀ। ਪ੍ਰਾਚੀਨ ਪਰਸ਼ੂ ਹੁਣ ਨਹੀਂ ਹੈ ਪਰ ਉਸੇ ਆਕਾਰ ਦਾ ਪਰਸ਼ੂ ਮੰਦਿਰ ਤੇ ਲੱਗਿਆ ਹੈ ਜੋ ਅੱਜ ਵੀ ਮੰਦਿਰ ਦੇ ਦਰਵਾਜੇ ਦੇ ਸੱਜੇ ਪਾਸੇ ਲੱਗਿਆ ਹੈ।
|
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ
