ਸ਼ਕਤੀ ਦੇਵੀ ਤੁਲਜਾਭਵਾਨੀ ਮਹੇਸ਼ ਜੋਸ਼ੀ

WD WD ਮਹਾਂਰਾਸ਼ਟਰ ਦੇ ਔਸਮਾਨਾਬਾਦ ਜ਼ਿਲ੍ਹੇ ਵਿੱਚ ਸਥਿਤ ਤੁਲਜਾਪੁਰ. ਇੱਕ ਅਜਿਹਾ ਸਥਾਨ ਜਿੱਥੇ ਛਤਰਪਤੀ ਸ਼ਿਵਾਜੀ ਦੀ ਕੁਲਦੇਵੀ ਮਾਂ ਤੁਲਜਾਭਵਾਨੀ ਸਥਾਪਿਤ ਹਨ, ਜੋ ਅੱਜ ਵੀ ਮਹਾਂਰਾਸ਼ਟਰ ਅਤੇ ਹੋਰ ਰਾਜਾਂ ਦੇ ਕਈ ਨਿਵਾਸੀਆਂ ਦੀ ਕੁਲਦੇਵੀ ਦੇ ਰੂਪ ਵਿੱਚ ਪ੍ਰਚਲਿਤ ਹਨ. ਤੁਲਜਾਭਵਾਨੀ ਮਹਾਂਰਾਸ਼ਟਰ ਦੇ ਪ੍ਰਮੁੱਖ ਸਾਢੇ ਤਿੰਨ ਸ਼ਕਤੀਪੀਠਾਂ ਵਿੱਚੋਂ ਇੱਕ ਹੈ ਅਤੇ ਭਾਰਤ ਦੇ ਪ੍ਰਮੁੱਖ ਪੰਜਾਹ ਸ਼ਕਤੀਪੀਠਾਂ ਵਿੱਚੋਂ ਇੱਕ ਮੰਨੀ ਜਾਂਦੀ ਹੈ. ਮਾਨਤਾ ਹੈ ਕਿ ਸ਼ਿਵਜੀ ਦੀ ਤਲਵਾਰ ਖੁਦ ਉਹਨਾਂ ਨੂੰ ਦੇਵੀ ਮਾਂ ਨੇ ਪ੍ਰਦਾਨ ਕਰੀ ਸੀ. ਹੁਣ ਇਹ ਤਲਵਾਰ ਲੰਡਨ ਦੇ ਅਜਾਇਬ ਘਰ ਵਿੱਚ ਰੱਖੀ ਹੋਈ ਹੈ. ਇਹ ਮੰਦਿਰ ਮਹਾਂਰਾਸ਼ਟਰ ਦੇ ਪ੍ਰਾਚੀਨ ਦੰਡਕਾਰਣ ਵਣ ਖੇਤਰ ਵਿੱਚ ਸਥਿਤ ਯਮੁਨਾਂਚਲ ਪਰਬਤ ਤੇ ਸਥਿਤ ਹੈ. ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਵਿੱਚ ਸਥਿਤ ਤੁਲਜਾਭਵਾਨੀ ਮਾਤਾ ਦੀ ਮੂਰਤੀ ਆਪਣੇ ਆਪ ਬਣੀ ਹੋਈ ਹੈ. ਇਸ ਮੂਰਤੀ ਦੀ ਇੱਕ ਹੋਰ ਖਾਸ ਗੱਲ ਇਹ ਵੀ ਹੈ ਕਿ ਇਹ ਮੰਦਿਰ ਵਿੱਚ ਸਥਾਈ ਰੂਪ ਵਿੱਚ ਸਥਾਪਿਤ ਨਾ ਹੋ ਕੇ 'ਚਲਾਏਮਾਨ' ਹੈ. ਸਾਲ ਵਿੱਚ ਤਿੰਨ ਵਾਰ ਇਸ ਪ੍ਰਤਿਮਾ ਦੇ ਮੰਦਿਰ ਦੇ ਆਲੇ-ਦੁਆਲੇ ਪਰਿਕਰਮਾ ਕਰਵਾਈ ਜਾਂਦੀ ਹੈ, ਜਿਸ ਵਿੱਚ ਇਸ ਪ੍ਰਤਿਮਾ ਦੇ ਨਾਲ ਪ੍ਰਭੂ ਮਹਾਦੇਵ, ਸ਼੍ਰੀ ਯੰਤਰ ਅਤੇ ਖੰਡਰਦੇਵ ਦੀ ਵੀ ਪਰਿਕਰਮਾ ਕਰਵਾਈ ਜਾਂਦੀ ਹੈ. ਤੁਲਜਾਭਵਾਨੀ ਦਾ ਮੰਦਿਰ WD WD ਇਸ ਮੰਦਿਰ ਦਾ ਭਵਨ ਮੂਲ ਰੂਪ ਵਿੱਚ ਹੇਮਦਪੰਥੀ ਸ਼ੈਲੀ ਤੋਂ ਪ੍ਰਭਾਵਿਤ ਹੈ. ਇਸ ਵਿੱਚ ਪ੍ਰਵੇਸ਼ ਕਰਦੇ ਦੋ ਵਿਸ਼ਾਲ ਮਹਾਦੁਆਰ ਨਜ਼ਰ ਆਉਂਦੇ ਹਨ. ਇਹਨਾਂ ਤੋਂ ਬਾਅਦ ਸਭ ਤੋਂ ਪਹਿਲਾਂ ਕਲੋਲ ਤੀਰਥ ਸਥਿਤ ਹੈ, ਜਿਸ ਵਿੱਚ 108 ਤੀਰਥਾਂ ਦਾ ਪਵਿੱਤਰ ਜਲ ਦਾ ਸੰਮਿਸ਼ਰਣ ਹੈ. ਇਸ ਵਿੱਚ ਉਤਰਣ ਦੇ ਬਾਅਦ ਥੋੜ੍ਹੀ ਹੀ ਦੂਰੀ ਤੇ ਗੋਮੁੱਖ ਤੀਰਥ ਸਥਿਤ ਹੈ ਜਿੱਥੇ ਜਲ ਤੇਜ ਪ੍ਰਵਾਹ ਨਾਲ ਵਹਿੰਦਾ ਹੈ. ਉਸ ਤੋਂ ਬਾਅਦ ਸਿੱਧੀਵਿਨਾਯਕ ਭਗਵਾਨ ਦਾ ਮੰਦਿਰ ਸਥਾਪਿਤ ਹੈ. ਉਸ ਤੋਂ ਬਾਅਦ ਇੱਕ ਸਜੇ ਹੋਏ ਦਰਵਾਜੇ ਵਿੱਚ ਪ੍ਰਵੇਸ਼ ਕਰਨ ਤੋਂ ਬਾਅਦ ਮੁੱਖ ਕਮਰੇ (ਗਰਵ ਗ੍ਰ੍ਹਹਿ) ਵਿੱਚ ਮਾਤਾ ਦੀ ਪ੍ਰਤਿਭਾ ਸਥਾਪਿਤ ਹੈ. ਗਰਵ ਗ੍ਰਹਿ ਦੇ ਕੋਲ ਹੀ ਇੱਕ ਚਾਂਦੀ ਦੀ ਪਲੰਘ ਸਥਿਤ ਹੈ, ਜੋ ਮਾਤਾ ਦੇ ਸੌਣ ਲਈ ਹੈ. ਇਸ ਪਲੰਘ ਦੇ ਉਲਟੇ ਪਾਸੇ ਮਹਾਦੇਵ ਦਾ ਲਿੰਗ ਸਥਾਪਿਤ ਹੈ ਜਿਸ ਨੂੰ ਦੂਰ ਤੋਂ ਦੇਖਣ ਤੇ ਅਜਿਹਾ ਪ੍ਰਤੀਤ ਹੁੰਦਾ ਹੈ ਕਿ ਮਾਂ ਭਵਾਨੀ ਅਤੇ ਸ਼ਿਵ ਸ਼ੰਕਰ ਆਹਮਣੇ-ਸਾਹਮਣੇ ਬੈਠੇ ਹਨ. ਇੱਥੇ ਸਥਿਤ ਚਾਂਦੀ ਦੇ ਛੱਲੇ ਵਾਲੇ ਸਤੰਭਾਂ ਦੇ ਵਿਸ਼ੇ ਵਿੱਚ ਮੰਨਿਆ ਜਾਂਦਾ ਹੈ ਕਿ ਜੇ ਤੁਹਾਨੂੰ ਸਰੀਰ ਦੇ ਕਿਸੇ ਵੀ ਭਾਗ ਵਿੱਚ ਦਰਦ ਹੈ, ਤਾਂ ਸੱਤ ਦਿਨ ਲਗਾਤਾਰ ਇਸ ਛੱਲੇ ਨੂੰ ਛੂਹਣ ਨਾਲ ਉਹ ਦਰਦ ਸਮਾਪਤ ਹੋ ਜਾਂਦਾ ਹੈ. ਇੱਥੇ ਸਥਿਤ ਇਸ ਮੰਦਿਰ ਨਾਲ ਜੁੜੀ ਇੱਕ ਮੰਨਤ ਇਹ ਵੀ ਹੈ ਕਿ ਇੱਥੇ ਇੱਕ ਅਜਿਹਾ ਚਮਤਕਾਰੀ ਪੱਥਰ ਹੈ, ਜਿਸ ਦੇ ਵਿਸ਼ੇ ਵਿੱਚ ਇਹ ਮੰਨਿਆ ਜਾਂਦਾ ਹੈ ਕਿ ਇਹ ਤੁਹਾਡੇ ਸਾਰੇ ਪ੍ਰਸ਼ਨਾਂ ਦਾ ਉੱਤਰ ਸੰਕੇਤਾਂ ਦੇ ਰੂਪ ਵਿੱਚ 'ਹਾਂ' ਜਾਂ 'ਨਾਂਹ' ਵਿੱਚ ਦਿੰਦਾ ਹੈ. ਜੇ ਤੁਹਾਡੇ ਪ੍ਰਸ਼ਨ ਦਾ ਉੱਤਰ 'ਹਾਂ' ਹੈ ਤਾਂ ਇਹ ਆਪਣੇ ਆਪ ਸੱਜੇ ਪਾਸੇ ਵੱਲ ਮੁੜ ਜਾਂਦਾ ਹੈ ਅਤੇ ਜੇ 'ਨਹੀਂ' ਹੈ ਤਾਂ ਇਹ ਖੱਬੀ ਦਿਸ਼ਾ ਵਿੱਚ ਮੁੜ ਜਾਂਦਾ ਹੈ. ਮੰਨਿਆ ਜਾਂਦਾ ਹੈ ਕਿ ਛਤਰਪਤੀ ਸ਼ਿਵਾਜੀ ਵੀ ਯੁੱਧ ਤੋਂ ਪਹਿਲਾਂ ਚਿੰਤਾਮਣੀ ਨਾਮਕ ਇਸ ਪੱਥਰ ਦੇ ਕੋਲ ਆਪਣੇ ਪ੍ਰਸ਼ਨਾਂ ਦੇ ਉੱਤਰ ਲਈ ਆਉਂਦੇ ਸਨ. ਫੋਟੋ ਗੈਲਰੀ ਦੇ ਲਈ ਇੱਥੇ ਕਲੀਕ ਕਰੋ....