ਤਿਰੂਪਤੀ ਬਾਲਾਜੀ ਮੰਦਰ ਵੇਂਕਟਰਮਨਾ....ਗੋਵਿੰਦਾ....ਗੋਵਿੰਦਾ!!

WD WD ਆਈ ਵੇਂਕਟੇਸ਼ਵਰ ਰਾਵ ਤਿਰੂਮਾਲਾ ਪਰਬਤ ਤੇ ਸਥਿਤ ਭਗਵਾਨ ਬਾਲਾਜੀ ਦੇ ਮੰਦਰ ਦਾ ਮਹੱਤਵ ਕੌਣ ਨਹੀਂ ਜਾਣਦਾ. ਇਸ ਵਾਰੀ ਧਰਮਯਾਤਰਾ ਵਿੱਚ ਵੇਬਦੁਨੀਆ ਤੁਹਾਡੇ ਲਈ ਲੈਕੇ ਆਇਆ ਹੈ ਤਿਰੂਪਤੀ ਬਾਲਾਜੀ ਮੰਦਰ. ਹਰ ਵਰ੍ਹੇ ਕਰੋੜਾਂ ਲੋਕ ਇਸ ਮੰਦਰ ਦੇ ਦਰਸ਼ਨ ਲਈ ਆਉਂਦੇ ਹਨ. ਸਾਲ ਦੇ ਬਾਰ੍ਹਾਂ ਮਹੀਨੇ ਵਿੱਚ ਇੱਕ ਵੀ ਦਿਨ ਅਜੀਹਾ ਨਹੀਂ ਹੁੰਦਾ ਜਦ ਇੱਥੇ ਵੇਂਕਟੇਸ਼ਵਰਸਵਾਮੀ ਦੇ ਦਰਸ਼ਨ ਕਰਨ ਲਈ ਭਗਤਾ ਦਾ ਹਜੂਮ ਨਾ ਉੱਮੜਦਾ ਹੋਵੇ. ਅਜੀਹਾ ਮੰਨਿਆ ਜਾਂਦਾ ਹੈ ਕਿ ਇਹ ਥਾਂ ਭਾਰਤ ਦੇ ਸਭ ਤੋਂ ਜਿਆਦਾ ਤੀਰਥਯਾਤਰੀਆਂ ਦੇ ਆਕਰਸ਼ਣ ਦਾ ਕੇਂਦਰ ਹੈ. ਇਸਦੇ ਨਾਲ ਹੀ ਇਸਨੂੰ ਵਿਸ਼ਵ ਦੇ ਸਭ ਤੋਂ ਜਿਆਦਾ ਧਨੀ ਧਾਰਮਿਕ ਸਥਾਨਾਂ ਵਿੱਚੋਂ ਵੀ ਇੱਕ ਮੰਨਿਆ ਜਾਂਦਾ ਹੈ. WD WD ਮੰਦਰ ਦੇ ਬਾਰੇ ਵਿੱਚ ਦੰਤ ਕਥਾਵਾਂ ਪ੍ਰਭੂ ਵੇਂਕਟੇਸ਼ਵਰ ਜਾਂ ਬਾਲਾਜੀ ਨੂੰ ਭਗਵਾਨ ਵਿਸ਼ਨੂ ਦਾ ਅਵਤਾਰ ਮੰਨਿਆ ਜਾਂਦਾ ਹੈ. ਅਜੀਹਾ ਮੰਨਿਆ ਜਾਂਦਾ ਹੈ ਕਿ ਪ੍ਰਭੂ ਵਿਸ਼ਨੂ ਨੇ ਕੁਝ ਸਮਾਂ ਸਵਾਮੀ ਪੁਸ਼ਕਰਣੀ ਨਾਂ ਦੇ ਤਲਾਬ ਦੇ ਕੰਢੇ ਬਿਤਾਇਆ ਸੀ. ਇਹ ਤਲਾਬ ਤਿਰੂਮਾਲਾ ਦੇ ਨੇੜੇ ਹੀ ਸਥਿਤ ਹੈ. ਤਿਰੂਮਾਲਾ-ਤਿਰੂਪਤੀ ਦੇ ਚਾਰੇ ਪਾਸੇ ਸਥਿਤ ਪਹਾੜੀਆਂ, ਸ਼ੇਸ਼ਨਾਗ ਦੇ ਸੱਤ ਫਨਾਂ ਦੇ ਅਧਾਰ ਤੇ ਬਨੀ 'ਸਪਤਗਿਰੀ' ਕਹਾਉਂਦੀਆਂ ਹੈ. ਸ਼੍ਰੀ ਵੇਂਕਟੇਸ਼ਵਰਇਆ ਦਾ ਇਹ ਮੰਦਰ ਸਪਤਗਿਰੀ ਦੀ ਸੱਤਵੀ ਪਹਾੜੀ ਤੇ ਸਥਿਤ ਹੈ, ਜੋ ਵੇਂਕਟਾਦ੍ਰੀ ਨਾਂ ਤੋਂ ਪ੍ਰਸਿੱਧ ਹੈ. ਉੱਥੇ ਦੂਜੀ ਕਥਾ ਮੁਤਾਬਿਕ, 11ਵੀਂ ਸ਼ਤਾਬਦੀ ਵਿੱਚ ਸੰਤ ਰਾਮਾਨੁਜ ਨੇ ਤਿਰੂਪਤੀ ਦੀ ਇਸ ਸੱਤਵੀ ਪਹਾੜੀ ਤੇ ਚੜਾਈ ਕੀਤੀ ਸੀ. ਪ੍ਰਭੂ ਸ਼੍ਰੀਨਿਵਾਸ (ਵੇਂਕਟੇਸ਼ਵਰ ਦਾ ਦੂਜਾ ਨਾਂ) ਉਨ੍ਹਾਂ ਦੇ ਸਾਹਮਣੇ ਪ੍ਰਗਟ ਹੋਏ ਅਤੇ ਉਨ੍ਹਾਂ ਨੂੰ ਆਸ਼ੀਰਵਾਦ ਦਿੱਤਾ. ਅਜੀਹਾ ਮੰਨਿਆ ਜਾਂਦਾ ਹੈ ਕਿ ਪ੍ਰਭੂ ਦਾ ਆਸ਼ੀਰਵਾਦ ਪ੍ਰਾਪਤ ਕਰਨ ਮਗਰੋਂ ਉਹ 120 ਵਰ੍ਹਿਆਂ ਤਕ ਜੀਵਤ ਰਹੇ ਅਤੇ ਥਾਂ-ਥਾਂ ਘੁੰਮਕੇ ਵੇਂਕਟਸ਼ੇਵਰ ਭਗਵਾਨ ਦੀ ਪ੍ਰਸਿੱਧੀ ਕੀਤੀ. ਵੈਕੁੰਠ ਏਕਾਦਸ਼ੀ ਦੇ ਮੌਕੇ ਤੇ ਲੋਕ ਇੱਥੇ ਪ੍ਰਭੂ ਦੇ ਦਰਸ਼ਨਾਂ ਲਈ ਆਉਂਦੇ ਹਨ. ਮੰਨਿਆ ਜਾਂਦਾ ਹੈ ਇੱਥੇ ਆਉਣ ਨਾਲ ਉਨ੍ਹਾਂ ਦੇ ਸਾਰੇ ਪਾਪ ਧੁਲ ਜਾਂਦੇ ਹਨ ਅਤੇ ਮਨੁੱਖ ਨੂੰ ਜਨਮ-ਮੌਤ ਦੇ ਬੰਧਨ ਤੋਂ ਮੁਕਤੀ ਮਿਲ ਜਾਂਦੀ ਹੈ. WD WD ਮੰਦਰ ਦਾ ਇਤਿਹਾਸ ਇਸ ਮੰਦਰ ਦਾ ਇਤਿਹਾਸ 9ਵੀਂ ਸ਼ਤਾਬਦੀ ਤੋਂ ਸ਼ੁਰੂ ਹੁੰਦਾ ਹੈ, ਜਦ ਕਾਂਚੀਪੁਰਮ ਦੇ ਸ਼ਾਸਕ ਵੰਸ਼ ਪੱਲਵਾਂ ਨੇ ਇਸ ਥਾਂ ਤੇ ਆਪਣਾ ਅਧਿਕਾਰ ਸਥਾਪਿਤ ਕੀਤਾ ਸੀ, ਪਰੰਤੂ 15ਵੀਂ ਸਦੀ ਦੇ ਵਿਜੈਨਗਰ ਵੰਸ਼ ਦੇ ਸ਼ਾਸਨ ਸਮੇਂ ਇਸਦੀ ਪ੍ਰਸਿੱਧੀ ਹੋਈ. 1843 ਤੋਂ 1933 ਈਸਵੀ ਤਕ ਅੰਗਰੇਜਾਂ ਦੇ ਸ਼ਾਸਨ ਦੌਰਾਨ ਇਸ ਮੰਦਰ ਦਾ ਪ੍ਰਬੰਧਨ ਹਾਤੀਰਾਮਜੀ ਮਠ ਦੇ ਮਹੰਤ ਨੇ ਸੰਭਾਲੀ. 1933 ਵਿੱਚ ਇਸ ਮੰਦਰ ਦਾ ਪ੍ਰਬੰਧਨ ਮਦ੍ਰਾਸ ਸਰਕਾਰ ਨੇ ਆਪਣੇ ਹੱਥਾਂ ਵਿੱਚ ਲੈ ਲਿਆ ਅਤੇ ਇੱਕ ਸੁਤੰਤਰ ਪ੍ਰਬੰਧਨ ਸਮੀਤੀ 'ਤਿਰੂਮਾਲਾ-ਤਿਰੂਪਤੀ' ਦੇ ਹੱਥ ਵਿੱਚ ਇਸ ਮੰਦਰ ਦਾ ਪ੍ਰਬੰਧਨ ਦੇ ਦਿੱਤਾ. ਆਂਧਰਪ੍ਰਦੇਸ਼ ਦੇ ਰਾਜ ਬਣ ਦੇ ਬਾਅਦ ਇਸ ਸਮੀਤੀ ਦੀ ਮੁੜ ਬਣਤਰ ਹੋਈ ਅਤੇ ਇੱਕ ਪ੍ਰਸ਼ਾਸਨਿਕ ਅਧਿਕਾਰੀ ਨੂੰ ਆਂਧਰਪ੍ਰਦੇਸ਼ ਸਰਕਾਰ ਦੇ ਪ੍ਰਤਿਨਿਧੀ ਦੇ ਰੂਪ ਵਿੱਚ ਨਿਯੁਕਤ ਕੀਤਾ ਗਿਆ. ਮੁੱਖ ਮੰਦਰ- ਸ਼੍ਰੀ ਵੇਂਕਟੇਸ਼ਵਰ ਦਾ ਇਹ ਪਵਿੱਤਰ ਅਤੇ ਪ੍ਰਾਚੀਨ ਮੰਦਰ ਪਰਬਤ ਦੇ ਵੇਂਕਟਾਦਰੀ ਨਾਂ ਦੇ ਸੱਤਵੇ ਸਿਖਰ ਤੇ ਬਣਿਆ ਹੈ, ਜੋ ਸ਼੍ਰੀ ਸਵਾਮੀ ਪੁਸ਼ਕਰਣੀ ਨਾਂ ਦੇ ਤਲਾਬ ਕੰਢੇ ਹੈ. ਇਸੇ ਕਾਰਨ ਇੱਥੇ ਬਾਲਾਜੀ ਨੂੰ ਭਗਵਾਨ ਵੇਂਕਟੇਸ਼ਵਰ ਦੇ ਨਾਂ ਤੋਂ ਵੀ ਜਾਣਿਆ ਜਾਂਦਾ ਹੈ. ਇਹ ਭਾਰਤ ਦੇ ਉਨ੍ਹਾਂ ਚੁਣਿੰਦਾ ਮੰਦਰਾਂ ਵਿੱਚੋਂ ਇੱਕ ਹੈ, ਜਿੱਥੇ ਦੇ ਦਰਵਾਜੇ ਸਾਰੇ ਧਰਮਾਂ ਦੇ ਸ਼ਰਧਾਲੂਆਂ ਲਈ ਖੁੱਲੇ ਹਨ. ਪੁਰਾਣ ਅਤੇ ਅਲਵਰ ਦੇ ਲੇਖ ਵਰਗੇ ਪ੍ਰਾਚੀਨ ਸਾਹਿਤ ਸਰੋਤਾਂ ਮੁਤਾਬਿਕ ਕਲਯੁਗ ਵਿੱਚ ਭਗਵਾਨ ਵੇਂਕਟੇਸ਼ਵਰ ਦਾ ਆਸ਼ੀਰਵਾਦ ਪ੍ਰਾਪਤ ਕਰਨ ਮਗਰੋਂ ਹੀ ਮੁਕਤੀ ਮੁਮਕਿਨ ਹੁੰਦੀ ਹੈ. ਇਹੀ ਵਜਹ ਹੈ ਕਿ ਪਜਾਹ ਹਜਾਰ ਤੋਂ ਵੀ ਜਿਆਦਾ ਸ਼ਰਧਾਲੂ ਇਸ ਮੰਦਰ ਵਿੱਚ ਰੋਜਾਨਾ ਦਰਸ਼ਨ ਲਈ ਆਉਂਦੇ ਹਨ. ਇਨ੍ਹਾਂ ਸ਼ਰਧਾਲੂਆਂ ਦੀ ਦੇਖ-ਰੇਖ ਪੂਰੀ ਤਰ੍ਹਾਂ ਟੀਟੀਡੀ ਵੱਲੋਂ ਕੀਤੀ ਜਾਂਦੀ ਹੈ.