ਆਸਥਾ ਅਤੇ ਅੰਧਵਿਸ਼ਵਾਸ ਵਿੱਚ ਇਸ ਵਾਰ ਸਾਡੇ ਨਾਲ ਯਾਤਰਾ ਕਰੋ ਦੇਵਾਸ ਦੇ ਮਾਤਾ ਦੇ ਮੰਦਿਰ ਦੀ। ਇਸ ਮੰਦਿਰ ਬਾਰੇ ਲੋਕਾਂ ਦੀ ਵੱਖ ਵੱਖ ਮਾਨਤਾ ਹੈ। ਕਿਸੀ ਦੇ ਲਈ ਇਹ ਮੰਦਿਰ ਜਿਉਂਦਾ ਹੈ ਤੇ ਕੁੱਝ ਦਾ ਦਾਅਵਾ ਹੈ ਕਿ ਇਸ ਮੰਦਿਰ ਨੂੰ ਸ਼ਰਾਪ ਲਗਿਆ ਹੋਇਆ ਹੈ। ਕਿਸੇ ਦਾ ਦਾਅਵਾ ਹੈ ਕਿ ਇਥੇ ਦੀ ਦੇਵੀ ਭੋਗ 'ਚ ਬਲਿ ਲੈਂਦੀ ਹੈ ਤਾਂ ਕੁੱਝ ਕਹਿੰਦੇ ਹਨ ਕਿ ਇਥੇ ਇਕ ਔਰਤ ਦੀ ਆਤਮਾ ਭਟਕਦੀ ਹੈ। ਜੀ ਹਾਂ ਜਿੰਨੇ ਮੂੰਹ ਉਨੀਆਂ ਗੱਲਾਂ। ਮੱਧਪ੍ਰਦੇਸ਼ ਦੇ ਦੇਵਾਸ ਜਿਲੇ ਵਿੱਚ ਸਥਿਤ ਇਸ ਇਤਿਹਾਸਿਕ ਦੁਰਗਾ ਮੰਦਿਰ ਦੇ ਨਾਲ ਇੱਕ ਕਿੱਸਾ ਜੁੜਿਆ ਹੋਇਆ ਹੈ।
ਕਿਹਾ ਜਾਂਦਾ ਹੈ ਕਿ ਦੇਵਾਸ ਦੇ ਮਹਾਰਾਜਾ ਨੇ ਇਸ ਮੰਦਿਰ ਦਾ ਨਿਰਮਾਣ ਕਰਾਇਆ ਸੀ ਪਰ ਮੰਦਿਰ ਨਿਰਮਾਣ ਦੇ ਬਾਅਦ ਤੋਂ ਹੀ ਰਾਜਘਰਾਣੇ ਵਿੱਚ ਅਸ਼ੁਭ ਘਟਨਾਵਾਂ ਘਟਣ ਲੱਗੀਆਂ। ਪਰਿਵਾਰ ਵਿੱਚ ਕਲੇਸ਼ ਹੋਣ ਲੱਗੇ। ਸਥਾਨੀ ਲੋਕ ਦੱਸਦੇ ਹਨ ਕਿ ਇੱਥੋਂ ਦੀ ਰਾਜਕੁਮਾਰੀ ਦੇ ਰਾਜ ਦੇ ਸੈਨਾਪਤੀ ਨਾਲ ਪ੍ਰੇਮ ਸਬੰਧ ਸਨ ਜੋ ਰਾਜਾ ਨੂੰ ਮਨਜੂਰ ਨਹੀਂ ਸਨ। ਉਸਦੇ ਬਾਅਦ ਰਹੱਸਮਈ ਪਰਿਸਥਿਤੀਆਂ ਵਿੱਚ ਰਾਜਕੁਮਾਰੀ ਦੀ ਮੌਤ ਹੋ ਗਈ ਅਤੇ ਸੈਨਾਪਤੀ ਨੇ ਵੀ ਮੰਦਿਰ ਪਰਿਸਰ ਵਿੱਚ ਆਤਮਹੱਤਿਆ ਕਰ ਲਈ।
ਇਸਦੇ ਬਾਅਦ ਰਾਜਪੁਰੋਹਿਤ ਨੇ ਰਾਜਾ ਨੂੰ ਸਲਾਹ ਦਿੱਤੀ ਕਿ ਮੰਦਿਰ ਅਪਵਿੱਤਰ ਹੋ ਚੁੱਕਿਆ ਹੈ। ਮੰਦਿਰ ਦੀ ਮੂਰਤੀ ਨੂੰ ਇੱਥੋਂ ਹਟਾ ਕੇ ਕਿਤੇ ਹੋਰ ਸਥਾਪਿਤ ਕਰ ਦਿੱਤਾ ਜਾਵੇ। ਇਸਦੇ ਬਾਅਦ ਰਾਜਾ ਨੇ ਮਾਂ ਦੀ ਮੂਰਤੀ ਨੂੰ ਪੂਰੇ ਸੰਨਮਾਨ ਨਾਲ ਉਜੈਨ ਦੇ ਵੱਡੇ ਗਣੇਸ਼ ਮੰਦਿਰ ਵਿੱਚ ਸਥਾਪਿਤ ਕਰਵਾ ਦਿੱਤਾ ਅਤੇ ਮਾਂ ਦੀ ਇੱਕ ਪ੍ਰਤੀਮੂਰਤੀ ਨੂੰ ਖਾਲੀ ਸਥਾਨ ਤੇ ਰੱਖ ਦਿੱਤਾ ਗਿਆ। ਪਰ ਇਸਦੇ ਬਾਅਦ ਵੀ ਇਸ ਮੰਦਿਰ ਵਿੱਚ ਹੋਣ ਵਾਲੀਆਂ ਅਜੀਬੋਗਰੀਬ ਘਟਨਾਵਾਂ ਵਿੱਚ ਕਿਸੇ ਤਰ੍ਹਾਂ ਦੀ ਕੋਈ ਕਮੀ ਨਹੀਂ ਆਈ।
ਇੱਥੋਂ ਦੇ ਸਥਾਨੀ ਰਹਿਵਾਸੀਆਂ ਦਾ ਕਹਿਣਾ ਹੈ ਕਿ ਇਸ ਮੰਦਿਰ ਵਿੱਚ ਅਜੀਬੋਗਰੀਬ ਤਰ੍ਹਾਂ ਦੀਆਂ ਅਵਾਜਾਂ ਆਉਂਦੀਆਂ ਹਨ। ਕਦੇ ਸ਼ੇਰ ਦੇ ਦਹਾੜਨ ਦੀਆਂ ਅਵਾਜਾਂ ਆਉਂਦੀਆਂ ਹਨ ਤਾਂ ਕਦੇ ਘੰਟਿਆਂ ਦੀ ਅਵਾਜ ਸੁਣਦੀ ਹੈ। ਕਦੇ ਚਿੱਟੇ ਕੱਪੜਿਆਂ ਵਿੱਚ ਲਿਪਟੀ ਔਰਤ ਦੀ ਛਾਂ ਨਜ਼ਰ ਆਉਂਦੀ ਹੈ। ਇੱਥੋਂ ਦੇ ਲੋਕ ਦਿਨ ਢਲਣ ਦੇ ਬਾਅਦ ਇਸ ਮੰਦਿਰ ਵੱਲ ਜਾਣ ਤੋਂ ਡਰਦੇ ਹਨ।
ਮੰਦਿਰ ਵਿੱਚ ਲਗਾਤਾਰ ਦਰਸ਼ਨ ਕਰਨ ਆਉਣ ਵਾਲੇ ਸ਼ਰਧਾਲੂਆਂ ਵਿੱਚੋਂ ਇੱਕ ਸੰਜੇ ਸ਼ਲਗਾਵਕਰ ਨੇ ਸਾਨੂੰ ਦੱਸਿਆ ਕਿ ਇਸ ਮੰਦਿਰ ਵਿੱਚ ਗਲਤ ਇਰਾਦੇ ਨਾਲ ਆਉਣ ਵਾਲੇ ਵਿਅਕਤੀਆਂ ਦਾ ਹਮੇਸ਼ਾ ਬੁਰਾ ਹੁੰਦਾ ਹੈ। ਕੁਝ ਲੋਕਾਂ ਨੇ ਮੰਦਿਰ ਦੀ ਜਮੀਨ ਨੂੰ ਦੂਜੇ ਉਪਯੋਗ ਵਿੱਚ ਲਿਆਉਣ ਲਈ ਮੰਦਿਰ ਨੂੰ ਢਾਹੁਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਕਾਮਯਾਬ ਨਹੀਂ ਹੋ ਸਕੇ। ਮੰਦਿਰ ਨੂੰ ਢਾਹੁਣ ਵਿੱਚ ਲੱਗੇ ਲੋਕਾਂ ਦੇ ਨਾਲ ਅਜੀਬੋਗਰੀਬ ਘਟਨਾਵਾਂ ਹੋਈਆਂ। ਇਸਦੇ ਬਾਅਦ ਮੰਦਿਰ ਨੂੰ ਤੋੜਨ ਦਾ ਕੰਮ ਵਿੱਚ ਹੀ ਰੋਕ ਦਿੱਤਾ ਗਿਆ। ਹੁਣ ਇਹ ਮੰਦਿਰ ਸੁੰਨਸਾਨ ਪਿਆ ਰਹਿੰਦਾ ਹੈ। ਸੰਜੇ ਦੱਸਦੇ ਹਨ ਕਿ ਮੰਦਿਰ ਦਾ ਇਕਾਂਤ ਦੇਖ ਕੇ ਜੇ ਕੋਈ ਵਿਅਕਤੀ ਇੱਥੇ ਅਨੈਤਿਕ ਕੰਮ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਉਸ ਨੂੰ ਸਰੀਰਿਕ ਕਸ਼ਟ ਉਠਾਉਣੇ ਹੀ ਪੈਂਦੇ ਹਨ। ਸਾਡੇ ਸਾਹਮਣੇ ਅਜਿਹਾ ਅਨੇਕ ਵਾਰ ਹੋਇਆ ਹੈ।
ਹੁਣ ਇਹ ਕਿੱਸੇ ਸੱਚ ਹਨ ਜਾਂ ਅਫਵਾਹ! ਇਸ ਬਾਰੇ ਦਾਅਵੇ ਨਾਲ ਕੁਝ ਨਹੀਂ ਕਿਹਾ ਜਾ ਸਕਦਾ। ਪਰ ਮੰਦਿਰ ਨਾਲ ਜੁੜੇ ਅਜੀਬੋਗਰੀਬ ਕਿੱਸਿਆਂ ਦੇ ਕਰਕੇ ਇਸ ਮੰਦਿਰ ਵੱਲ ਕੋਈ ਧਿਆਨ ਨਹੀਂ ਦਿੰਦਾ। ਮੰਦਿਰ ਦੇ ਵਾਸਤੁ ਨੂੰ ਦੇਖ ਕੇ ਲੱਗਦਾ ਹੈ ਕਿ ਇਹ ਮੰਦਿਰ ਕਦੇ ਕਾਫੀ ਖੂਬਸੂਰਤ ਰਿਹਾ ਹੋਵੇਗਾ ਪਰ ਹੁਣ ਇਹ ਖੰਡਰ ਵਿੱਚ ਬਦਲਦਾ ਜਾ ਰਿਹਾ ਹੈ। ਕੁਝ ਲੋਕ ਆਸਥਾ ਨਾਲ ਇੱਥੇ ਦਰਸ਼ਨ ਲਈ ਆਉਂਦੇ ਹਨ ਪਰ ਇੱਕ ਡਰ ਦੇ ਕਰਕੇ ਉਹ ਵੀ ਦਿਨ ਢਲਣ ਤੋਂ ਪਹਿਲਾਂ ਮੰਦਿਰ ਦੀ ਸੀਮਾ ਤੋਂ ਬਾਹਰ ਨਿੱਕਲ ਜਾਂਦੇ ਹਨ। ਤੁਸੀਂ ਇਸ ਸਬੰਧ ਵਿੱਚ ਕੀ ਸੋਚਦੇ ਹੋ, ਸਾਨੂੰ ਦੱਸਣਾ।
|
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ
