ਲੱਤਾਂ ਦੇ ਭੂਤ ਗੱਲਾਂ ਨਾਲ ਨਹੀਂ ਭੱਜਦੇ...ਤੁਸੀਂ ਇਹ ਕਹਾਵਤ ਕਈ ਵਾਰ ਸੁਣੀ ਹੋਵੇਗੀ, ਪਰੰਤੂ ਕੀ ਲੱਤਾਂ ਮੁੱਕਿਆਂ ਨਾਲ ਇਲਾਜ ਹੁੰਦੇ ਵੇਖਿਆ ਹੈ. ਜੀ ਹਾਂ ਆਸਥਾ ਅਤੇ ਅੰਧਵਿਸ਼ਵਾਸ ਦੀ ਇਸ ਕੜੀ ਵਿੱਚ ਅਸੀਂ ਤੁਹਾਨੂੰ ਤੁਹਾਨੂੰ ਇਲਾਜ ਦੇ ਅਜੀਬ ਤਰੀਕਾ ਦਿਖਾ ਰਹੇ ਹਾਂ ਜਿਸ ਵਿੱਚ ਛੱਤੀਸਗੜ ਦਾ ਮਨਸਾਰਾਮ ਨਿਸਾਦ ਨਾਮ ਦਾ ਵਿਅਕਤੀ ਮਰੀਜਾ ਦਾ ਇਲਾਜ ਲੱਤ, ਮੁੱਕੇ ਅਤੇ ਥੱਪੜ ਮਾਰ ਕੇ ਉਹਨਾਂ ਦਾ ਇਲਾਜ ਕਰਦਾ ਹੈ.
ਜਦ ਸਾਨੂੰ ਇਸ ਵਾਰੇ ਜਾਨਕਾਰੀ ਮਿਲੀ ਤਾਂ ਅਸੀਂ ਪਹੁੰਚੇ ਛੱਤੀਸਗੜ. ਛੱਤੀਸਗੜ ਦੀ ਰਾਜਧਾਨੀ ਰਾਇਪੂਰ ਤੋਂ ਲੱਗਭਗ 75 ਕਿਲੋਮੀਟਰ ਦੂਰ ਅਤੇ ਧਮਤਰੀ ਸ਼ਹਿਰ ਤੋਂ 35 ਕਿਲੋਮੀਟਰ ਦੂਰ ਲਾਡੇਰ ਨਾਮ ਦੇ ਪਿੰਡ ਵਿੱਚ ਇਹ ਵਿਅਕਤੀ ਇਲਾਜ ਦੇ ਇਸ ਅਜੀਬ ਤਰੀਕੇ ਨਾਲ ਲੋਕਾਂ ਦਾ ਇਲਾਜ ਕਰ ਰਿਹਾ ਸੀ. ਜਦ ਅਸੀਂ ਲਾਡੇਰ ਪਿੰਡ ਵਿੱਚ ਪਹੁੰਚੇ ਤਾਂ ਅਸੀਂ ਵੇਖਿਆ ਕਿ ਮਨਸਾਰਾਮ ਤੋਂ ਇਲਾਜ ਕਰਵਾਉਣ ਦੇ ਲਈ ਬਹੁਤ ਸਾਰੇ ਲੋਕ ਉੱਥੇ ਪਹੁੰਚੇ ਹੋਏ ਸੀ. ਇੱਕ ਦਰੱਖਤ ਦੇ ਹੇਠਾਂ ਬੈਠ ਗਏ ਅਤੇ ਫਿਰ ਇਕ ਦੇ ਬਾਅਦ ਇੱਕ ਮਰੀਜਾਂ ਨੂੰ ਲੱਤ, ਥੱਪੜ ਅਤੇ ਮੁੱਕੇ ਮਾਰਨੇ ਸ਼ੁਰੂ ਕਰ ਦਿੱਤੇ. ਮਰੀਜ ਵਿੱਚ ਲਾਈਨ ਵਿੱਚ ਲੱਗ ਕੇ ਆਪਣੀ ਵਾਰੀ ਦਾ ਇੰਤਜਾਰ ਕਰ ਰਹੇ ਸੀ.
ਮਨਸਾਰਾਮ ਦਾ ਦਾਅਵਾ ਹੈ ਕਿ ਉਹ ਕਿਸੀ ਵੀ ਤਰ੍ਹਾਂ ਲਾਈਲਾਜ ਬਿਮਾਰੀ ਨੂੰ ਠੀਕ ਕਰ ਸਕਦਾ ਹੈ. ਮਨਸਾਰਾਮ ਨੇ ਸਾਨੂੰ ਦੱਸਿਆ ਕਿ ਪਹਿਲਾਂ ਉਹ ਕਿਸਾਨ ਸੀ ਪਰ ਤਿੰਨ ਸਾਲ ਪਹਿਲਾਂ ਮਾਂ ਨੇ ਸੁਪਣੇ ਵਿੱਚ ਦਰਸ਼ਨ ਦੇ ਕੇ ਲੋਕਾਂ ਦੇ ਦੁੱਖ ਦਰਦ ਠੀਕ ਕਰਨ ਦਾ ਹੁਕੁਮ ਦਿੱਤਾ. ਬਸ ਉਸ ਸਮੇਂ ਤੋਂ ਹੀ ਇਸ ਅਜੀਬ ਤਰੀਕੇ ਦੀ ਸ਼ੁਰੂਆਤ ਹੋਈ. ਆਪਣੇ ਇਹਨਾਂ ਦਾਅਵੇ ਦੇ ਨਾਲ ਮਨਸਾਰਾਮ ਹੋਰ ਕਈ ਦਾਅਵੇ ਵੀ ਕਰਦੇ ਹਨ ਜਿਵੇਂ ਉਹਨਾਂ ਨੇ ਸਾਲ ਭਰ ਤੋਂ ਭੋਜਨ ਨਹੀਂ ਕੀਤਾ. ਹਰ ਦੇਵੀ ਦੇਵਤਾ ਦੀ ਸ਼ਕਤੀ ਉਹ ਪ੍ਰਾਪਤ ਕਰ ਸਕਦੇ ਹਨ.
ਅਸੀਂ ਮਨਸਾਰਾਮ ਤੋਂ ਇਲਾਜ ਕਰਵਾਉਣ ਆਏ ਕਈ ਲੋਕਾਂ ਨਾਲ ਗੱਲਬਾਤ ਕੀਤੀ. ਇਹਨਾਂ ਵਿਚੋਂ ਜਿਆਦਾਤਰ ਇੱਥੇ ਪਹਿਲੀ ਵਾਰ ਆਏ ਸੀ. ਉਹਨਾਂ ਨੂੰ ਰਿਸ਼ਤੇਦਾਰਾਂ ਤੋਂ ਮਨਸਾਰਾਮ ਦਾ ਪਤਾ ਲੱਗਿਆ. ਮਨਸਾਰਾਮ ਹਰ ਮਰੀਜ ਨੂੰ ਤਿੰਨ ਵਾਰ ਆਪਣੇ ਇਲਾਜ ਸਥਾਨ ਤੇ ਬੁਲਾਉਂਦੇ ਹਨ. ਉਹ ਦੱਸਦੇ ਹਨ ਕਿ ਬਿਮਾਰੀ ਨੂੰ ਜੜ ਤੋਂ ਮਿਟਾਉਣ ਦੇ ਲਈ ਮਰੀਜ ਨੂੰ ਤਿੰਨ ਵਾਰ ਉਹਨਾਂ ਨਾਲ ਇਲਾਜ ਕਰਵਾਉਣਾ ਜਰੂਰੀ ਹੈ.
ਗੱਲਬਾਤ ਦੇ ਦੌਰਾਨ ਸਾਨੂੰ ਕੁੱਝ ਅਜਿਹੇ ਲੋਕ ਵੀ ਮਿਲੇ ਜੋ ਮਨਸਾਰਾਮ ਤੋਂ ਇਲਾਜ ਕਰਵਾਉਣ ਦੇ ਬਾਅਦ ਠੀਕ ਹੋਣ ਦਾ ਦਾਅਵਾ ਕਰ ਰਹੇ ਸੀ, ਪਰੰਤੂ ਸਾਨੂੰ ਇਹ ਦਾਅਵੇ ਪ੍ਰਚਾਰ ਤੰਤਰ ਦਾ ਹਿੱਸਾ ਨਜ਼ਰ ਆਏ.
ਮਨਸਾਰਾਮ ਨੂੰ ਮੰਨਣ ਵਾਲੇ ਦੱਸ ਰਹੇ ਸੀ ਕਿ ਮਨਸਾਰਾਮ ਸਾਰਾ ਇਲਾਜ ਫ੍ਰੀ ਵਿੱਚ ਕਰਦੇ ਹਨ. ਲੇਕਿਨ ਅਸੀਂ ਵੇਖਿਆ ਕਿ ਉਹ ਇਲਾਜ ਦੇ ਪੈਸੇ ਤਾਂ ਨਹੀਂ ਲੈਂਦੇ ਪਰ ਉਹਨਾਂ ਨੂੰ ਕਾਫੀ ਚੜਾਵਾ ਮਿਲ ਜਾਂਦਾ ਹੈ. ਫਿਰ ਉਹਨਾਂ ਦੇ ਕੋਲ ਮਰੀਜ ਨੂੰ ਇੱਕ ਵਾਰ ਨਹੀਂ ਤਿੰਨ ਵਾਰ ਆਉਣਾ ਹੁੰਦਾ ਹੈ. ਇਸ ਲਈ ਚੜਾਵਾ ਵੀ ਤਿੰਨ ਵਾਰ ਮਿਲਦਾ ਹੈ. ਇੱਥੇ ਇਨ੍ਹੀ ਭੀੜ ਹੁੰਦੀ ਹੈ ਕਿ ਨਾਲ ਦੇ ਚਾਹ ਨਾਸ਼ਤੇ ਦੇ ਹੋਟਲ ਵਾਲਿਆਂ ਨੂੰ ਵੀ ਚੰਗੀ ਕਮਾਈ ਹੋ ਜਾਂਦੀ ਹੈ. ਉਹ ਰੋਜ ਤਿੰਨ ਤੋਂ ਚਾਰ ਹਜਾਰ ਰੁਪਏ ਕਮਾ ਲੈਂਦੇ ਹਨ. ਅਸੀਂ ਵੇਖਿਆ ਕਿ ਮਨਸਾਰਾਮ ਤੋਂ ਇਲਾਜ ਕਰਵਾਉਣ ਵਾਲੇ ਜਿਆਦਾਤਰ ਲੋਕ ਬਿਨਾਂ ਪੜੇ ਲਿਖੇ ਅਤੇ ਗਰੀਬ ਹਨ, ਜਿਹਨਾਂ ਨੂੰ ਸਿਹਤ ਸੁਵਿਧਾ ਦੇ ਬਾਰੇ ਜਿਆਦਾ ਜਾਣਕਾਰੀ ਨਹੀਂ ਹੈ. ਇਸ ਲਈ ਮਨਸਾਰਾਮ ਦੇ ਕੋਲ ਇਲਾਜ ਕਰਵਾਉਣ ਆ ਜਾਂਦੇ ਹਨ. ਤੁਸੀਂ ਇਸ ਸੰਬੰਧ ਵਿੱਚ ਕੀ ਸੋਚਦੇ ਹੋ ਸਾਨੂੰ ਦੱਸੋ.
|
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ
