ਬਿਹਾਰ 'ਚ ਮੁੱਖ ਵਿਰੋਧੀ ਪਾਰਟੀ ਰਾਸ਼ਟਰੀ ਜਨਤਾ ਦਲ ਨੇ ਭਾਰਤ ਸਰਕਾਰ ਦੇ ਸਰਵ ਸਿੱਖਿਆ ਅਭਿਆਨ ਤਹਿਤ ਸਰਕਾਰੀ ਸਕੂਲਾਂ 'ਚ ਪੜਨ ਵਾਲੇ ਬੱਚਿਆਂ ਨੂੰ ਮੁਫ਼ਤ ਪੁਸਤਕ ਉਪਲੱਬਧ ਕਰਵਾਉਣ ਲਈ ਉਪਲੱਬਧ ਕਰਵਾਈਆਂ ਗਈਆਂ,ਰਾਸ਼ੀ 'ਚੋਂ ਸਾਲ 2007 ਤੋਂ ਲੈ ਕੇ ਹੁਣ ਤੱਕ 149 ਕਰੋੜ ਰੁੱਪਏ ਦਾ ਘਪਲਾ ਕੀਤੇ ਜਾਣ ਦਾ ਆਰੋਪ ਪ੍ਰਦੇਸ਼ ਸਰਕਾਰ 'ਤੇ ਲਗਾਇਆ ਹੈ।
ਰਾਜਦ ਦੇ ਰਾਸ਼ਟਰੀ ਮਹਾਸਕੱਤਰ ਸਹਿ ਬੁਲਾਰੇ ਸ਼ਿਆਮ ਰਜਕ ਨੇ ਅੱਜ ਪਾਰਟੀ ਦਫ਼ਤਰ 'ਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਬਿਹਾਰ ਦੀ ਵਰਤਮਾਨ ਰਾਜਗ ਸਰਕਾਰ 'ਤੇ ਸਰਵ ਸਿੱਖਿਆ ਅਭਿਆਨ ਦੇ ਤਹਿਤ ਮੱਧ ਵਰਗੀ ਅਤੇ ਘੱਟ ਆਮਦਨ ਵਾਲੇ ਪਰਿਵਾਰ ਦੇ ਸਰਕਾਰੀ ਸਕੂਲਾਂ 'ਚ ਪੜਨ ਵਾਲੇ ਵਿਦਿਆਰਥੀ,ਵਿਦਿਆਰਥਣਾਂ ਨੂੰ ਬਿਨ੍ਹਾਂ ਕਰ ਪੁਸਤਕ ਮੁਹੱਈਆ ਕਰਵਾਉਣ ਲਈ ਕੇਂਦਰ ਸਰਕਾਰ ਦੁਆਰਾ ਉਪਲੱਬਧ ਕਰਵਾਈ ਗਈ ਰਾਸ਼ੀ 'ਚੋਂ 149 ਕਰੋੜ ਰੁੱਪਏ ਦੇ ਵੰਦਰਬਾਂਟ ਦਾ ਆਰੋਪ ਲਗਾਇਆ ਗਿਆ ਹੈ।
ਉਨ੍ਹਾਂ ਨੇ ਦੱਸਿਆ ਕਿ 149 ਕਰੋੜ ਰੁੱਪਏ ਦੀ ਇਸ ਰਾਸ਼ੀ 'ਚੋਂ ਕੇਂਦਰ ਸਰਕਾਰ ਨੇ ਇਨ੍ਹਾਂ ਪੁਸਤਕਾਂ ਦੀ ਛਪਾਈ,ਬੰਨਾਈਂ ਅਤੇ ਢੁਲਾਈ ਦੇ ਲਈ ਬਿਹਾਰ ਰਾਜ ਪਾਠ ਪੁਸਤਕ ਨਿਗਮ ਨੂੰ ਸਾਲ 2007 ਦੇ ਦੌਰਾਨ 65 ਕਰੋੜ ਰੁੱਪਏ ਅਤੇ ਸਾਲ 2008 ਦੇ ਲਈ 84 ਕਰੋੜ ਰੁੱਪਏ ਦਿੱਤੇ ਹਨ।
ਰਜਾਕ ਨੇ ਦੱਸਿਆ ਕਿ ਸਾਲ 2007 ਦੌਰਾਨ ਨਿਗਮ ਨੂੰ ਪ੍ਰਦੇਸ਼ 'ਚ ਤਿੰਨ ਕਰੋੜ 51 ਲੱਖ ਦਸ ਹਜ਼ਾਰ 110 ਪੁਸਤਕਾਂ 31 ਜਨਵਰੀ ਤੱਕ ਜਿਲ੍ਹਾ ਦਫ਼ਤਰਾਂ 'ਚ ਭੇਜਣਾ ਸੀ ਤਾਕਿ ਸਕੂਲੀ ਸਤਰ ਸ਼ੁਰੂ ਹੁੰਦੇ ਹੀ ਵਿਦਿਆਰਥਣਾਂ ਨੂੰ ਪੁਸਤਕ ਮਿਲ ਸਕੇ,ਲੇਕਿਨ ਇਹ ਪੁਸਤਕਾਂ ਜਨਵਰੀ 'ਚ ਸਕੂਲਾਂ ਨੂੰ ਨਾ ਦੇ ਕੇ ਨਵੰਬਰ 'ਚ ਦਿੱਤੀ ਗਈ,ਜਿਸ ਦੇ ਕਾਰਣ ਪੁਸਤਕਾਂ ਦੀ ਕਮੀ ਕਾਰਣ ਬੱਚੇ ਪੜ ਵੀ ਨਹੀਂ ਸਕੇ।ਉਨ੍ਹਾਂ ਨੇ ਦੱਸਿਆ ਕਿ ਇਨ੍ਹਾਂ ਪੁਸਤਕਾਂ ਦੀ ਛਪਾਈ 'ਚ ਜਰੂਰੀ ਮਾਪਦੰਡਾਂ ਨੂੰ ਪੂਰਾ ਨਹੀਂ ਕੀਤਾ ਗਿਆ,ਬਲਕਿ ਸਮੁੱਚਿਤ ਸੰਖਿਆ 'ਚ ਇਹ ਪੁਸਤਕਾਂ ਵੀ ਨਹੀਂ ਛਾਪੀਆਂ ਗਈਆਂ।
|
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ