ਰਾਜਾਸਾਂਸੀ ਹਵਾਈ ਅੱਡੇ ਤੇ ਅੱਜ ਇੱਥੇ ਅੱਗ ਲੱਗਣ ਨਾਲ ਹਵਾਈ ਸੇਵਾਵਾਂ ਪ੍ਰਭਾਵਿਤ ਹੋ ਗਈਆਂ ਅਤੇ ਦੋ ਜਹਾਜਾਂ ਨੂੰ ਵਾਪਸ ਭੇਜਨਾ ਪਿਆ।
ਅਧਿਕਾਰਿਕ ਸੂਤਰਾਂ ਨੇ ਦੱਸਿਆ ਕਿ ਅੱਜ ਸ਼ਾਮ ਹਵਾਈਅੱਡੇ ਦੇ ਖੁੱਲੇ ਹੋਏ ਖੇਤਰ ਫੈਲੇ ਕਣਕ ਦੇ ਪੁਆਲ ਵਿੱਚ ਅੱਗ ਲੱਗ ਗਈ। ਅੱਗ ਦੀਆਂ ਲਪਟਾਂ ਨੂੰ ਬੁਝਾਉਣ ਲਈ ਚਾਰ ਘੰਟੇ ਦਾ ਸਮਾਂ ਲੱਗਿਆ।
ਸੂਤਰਾਂ ਨੇ ਦੱਸਿਆ ਕਿ ਅੱਗ ਤੇ ਰਾਤ ਦੇ ਨੌ ਵਜੇ ਕਾਬੂ ਪਾਇਆ ਗਿਆ। ਤੇਜ ਹਵਾ ਦੇ ਚੱਲਣ ਕਾਰਨ ਅੱਗ ਨੂੰ ਬੁਝਾਉਣ ਵਿੱਚ ਕਾਫੀ ਮਿਹਨਤ ਕਰਨੀ ਪਈ।
ਉਹਨਾਂ ਨੇ ਦੱਸਿਆ ਕਿ ਦਿੱਲੀ ਤੋਂ ਅੰਮ੍ਰਿਤਸਰ ਆਉਣ ਵਾਲੇ ਇੱਕ ਜਹਾਜ਼ ਨੂੰ ਛੇ ਵੱਜ ਕੇ ਪੰਦਰਾ ਮਿਨਟ ਤੇ ਇੱਥੇ ਉੱਤਰਣਾ ਸੀ। ਉਹ ਨਿਰਧਾਰਿਤ ਸਮੇਂ ਤੇ ਪਹੁੰਚ ਵੀ ਗਿਆ ਪਰ ਏਅਰ ਟ੍ਰੈਫਿਕ ਕੰਟਰੋਲ ਨੇ ਉਸਨੂੰ ਵਾਪਸ ਦਿੱਲੀ ਭੇਜ ਦਿੱਤਾ।
ਏਅਰ ਇੰਡੀਆ ਦਾ ਦੁਬਈ ਅੰਮ੍ਰਿਤਸਰ ਜਹਾਜ਼ ਵੀ ਇੱਥੇ ਪੰਜ ਵਜੇ ਉੱਤਰਣ ਵਾਲਾ ਸੀ ਪਰ ਉਸਨੂੰ ਵੀ ਉੱਤਰਣ ਦੀ ਆਗਿਆ ਨਹੀਂ ਦਿੱਤੀ ਗਈ।
ਅੱਗ ਨਾਲ ਕਿਸੇ ਤਰਾਂ ਦਾ ਕੋਈ ਨੁਕਸਾਨ ਨਹੀਂ ਹੋਇਆ ਹੈ।
|
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ