ਬਾਲੀਵੁੱਡ ਅਭਿਨੇਤਾ ਸੰਜੇ ਦੱਤ ਅਤੇ ਉਹਨਾਂ ਦੀ ਪਤਨੀ ਮਾਨਿਅਤਾ ਦੇ ਵਕੀਲ ਨੇ ਅਦਾਲਤ ਦੇ ਸਾਹਮਣੇ ਕਿਹਾ ਕਿ ਸ਼ਰੀਅਤ ਕਾਨੂੰਨ ਦੇ ਤਹਿਤ ਮੁਸਲਿਮ ਔਰਤਾਂ ਨੂੰ ਖੁੱਲਾ ਦੇ ਤਹਿਤ ਆਪਣੇ ਪਤੀ ਤੋਂ ਇੱਕ ਤਰਫਾ ਤਲਾਕ ਲੈਣ ਦਾ ਅਧਿਕਾਰ ਦਿੱਤਾ ਗਿਆ ਹੈ।
ਵਰਨਣਯੋਗ ਹੈ ਕਿ ਸੰਜੇ ਅਤੇ ਮਾਨਿਅਤਾ ਤੇ ਧੋਖਾ ਦੇਣ ਅਤੇ ਪਹਿਲਾਂ ਦੇ ਵਿਆਹ ਨੂੰ ਲੁਕਾਉਣ ਦਾ ਅਰੋਪ ਹੈ। ਸ਼ਿਕਾਇਤ ਕਰਤਾ ਅਤੇ ਮਾਨਿਅਤਾ ਦੇ ਸਾਬਕਾ ਪਤੀ ਮੇਰਾਜ ਰਹਿਮਾਨ ਨੇ ਦਾਅਵਾ ਕੀਤਾ ਹੈ ਕਿ ਉਸਨੇ ਕਦੇ ਆਪਣੀ ਪਤਨੀ ਨੂੰ ਤਲਾਕ ਨਹੀਂ ਦਿੱਤਾ ਹੈ।
ਸੰਜੇ ਅਤੇ ਮਾਨਿਅਤਾ ਵੱਲੋਂ ਦਾਇਰ ਯਾਚਿਕਾ ਤੇ ਐਡੀਸ਼ਨਲ ਸਤਰ ਜੱਜ ਐਸਐਨ ਸਰਦੇਸਾਈ ਸੁਣਵਾਈ ਕਰ ਰਹੇ ਹਨ। ਯਾਚਿਕਾ ਵਿੱਚ ਉਹਨਾਂ ਦੇ ਖਿਲਾਫ ਹੇਠਲੀ ਅਦਾਲਤ ਵਿੱਚ ਸ਼ੁਰੂ ਕੀਤੀ ਗਈ ਕਾਨੂੰਨੀ ਪ੍ਰਕਿਰਿਆ ਨੂੰ ਚੁਨੌਤੀ ਦਿੱਤੀ ਗਈ ਹੈ।
ਮਾਨਿਅਤਾ ਨੇ ਪੁਲਿਸ ਨੂੰ ਦਿੱਤੇ ਆਪਣੇ ਬਿਆਨ ਵਿੱਚ ਕਿਹਾ ਸੀ ਕਿ ਉਸਨੇ ਮੇਰਾਜ ਨਾਲ ਵਿਆਹ ਕੀਤਾ ਸੀ ਅਤੇ ਸਾਲ 2004 ਵਿੱਚ ਖੁੱਲਾ ਦੇ ਤਹਿਤ ਕਾਜ਼ੀ ਦੇ ਸਾਹਮਣੇ ਤਲਾਕ ਲਿਆ ਸੀ। ਮੇਰਾਜ ਦੇ ਵਕੀਲ ਤਸਨੀਮ ਖਾਨ 21 ਮਈ ਨੂੰ ਮਾਮਲੇ ਵਿੱਚ ਆਪਣਾ ਪੱਖ ਰੱਖਣਗੇ।
|
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ