ਇਰਾਨ ਦੇ ਰਾਸ਼ਟਰਪਤੀ ਮਹਿਮੂਦ ਅਹਿਮਦੀਨੇਜਾਦ ਨੇ ਲੀਬੀਆ ਵਿੱਚ ਹੋਣ ਵਾਲੇ ਅਫ਼ਰੀਕੀ ਸੰਘ ਦੇ ਸੰਮੇਲਨ ਵਿੱਚ ਆਪਣੀ ਤੈਅ ਯਾਤਰਾ ਨੂੰ ਬਿਨ੍ਹਾਂ ਕਿਸੇ ਕਾਰਣ ਦੱਸੇ ਰੱਦ ਕਰ ਦਿੱਤਾ ਹੈ। ਇਰਾਨ ਦੇ ਰਾਸ਼ਟਰਪਤੀ ਦਫ਼ਤਰ ਨੇ ਅੱਜ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ।
ਰਾਸ਼ਟਰਪਤੀ ਦਫ਼ਤਰ ਦੇ ਇੱਕ ਬੁਲਾਰੇ ਨੇ ਕਿਹਾ ਕਿ ਬੁੱਧਵਾਰ ਤੋਂ ਸ਼ੁਰੂ ਹੋਣ ਵਾਲੇ ਇਸ ਸੰਮੇਲਨ ਵਿੱਚ ਰਾਸ਼ਟਰਪਤੀ ਨੇ ਆਪਣੀ ਯਾਤਰਾ ਰੱਦ ਕਰ ਦਿੱਤੀ ਹੈ। ਅਹਿਮਦੀਨੇਜਾਦ ਇਸ ਸ਼ਿਖਰ ਸੰਮੇਲਨ ਵਿੱਚ ਅਫਰੀਕੀ ਨੇਤਾਵਾਂ ਦੇ ਨਾਲ ਅਫ਼ਰੀਕਾ ਵਿੱਚ ਖੇਤੀ ਨਿਵੇਸ਼ ਸੰਬੰਧੀ ਮੁੱਦਿਆਂ ਉੱਤੇ ਗੱਲਬਾਤ ਦੇ ਲਈ ਜਾਣ ਵਾਲੇ ਸਨ।
ਇਸ ਤੋਂ ਪਹਿਲਾਂ ਅਹਿਮਦੀਨੇਜਾਦ ਨੇ ਕੱਲ੍ਹ ਵੋਟਾਂ ਦੀ ਅੰਸ਼ਿਕ ਪੁਨਰਗਣਨਾ ਵਿੱਚ ਹੋਈ ਆਪਣੀ ਜਿੱਤ ਨੂੰ ਇਰਾਨੀ ਜਨਤਾ ਦੀ ਜਿੱਤ ਅਤੇ ਵਿਰੋਧੀਆਂ ਦੀ ਹਾਰ ਦੱਸਿਆ ਸੀ। | 
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ