ਰਾਸ਼ਟਰਪਤੀ ਜਾਰਜ ਬੁਸ਼ ਦੇ ਇੱਕ ਬਿਆਨ ਤੇ ਡੇਮੋਕ੍ਰੇਟਸ ਨੇ ਨਾਰਾਜ਼ਗੀ ਪ੍ਰਗਟ ਕੀਤੀ ਹੈ। ਬੁਸ਼ ਦੇ ਇਸ ਬਿਆਨ ਤੋਂ ਇਹ ਉਮੀਦ ਕੀਤੀ ਜਾ ਰਹੀ ਹੈ ਕਿ ਰਾਸ਼ਟਰਪਤੀ ਅਹੁਦੇ ਦੀ ਉਮੀਦਵਾਰੀ ਦੀ ਦੌੜ ਵਿੱਚ ਚੱਲ ਰਹੇ ਬਰਾਕ ਓਬਾਮਾ ਅਜਿਹੇ ਰਾਜਨੀਤਕਾਂ ਦੇ ਸਮਕਾਲੀ ਹਨ ਜੋ ਅੱਤਵਾਦੀਆਂ ਅਤੇ ਉਗਰਵਾਦੀਆਂ ਨੂੰ ਅਸ਼ਵਸਤ ਕਰਨ ਵਾਲੀ ਨੀਤੀ ਦਾ ਅਨੁਸਰਣ ਕਰਦੇ ਹਨ।
ਹਾਲਾਂਕਿ ਬੁਸ਼ ਨੇ ਆਪਣੇ ਬਿਆਨ ਵਿੱਚ ਓਬਾਮਾ ਦਾ ਨਾਮ ਨਹੀਂ ਲਿਆ ਸੀ, ਪਰ ਰਾਜਨੀਤਕ ਮਾਹਿਰਾਂ ਦੇ ਅਨੁਸਾਰ ਓਬਾਮਾ ਦੁਆਰਾ ਮੱਤਭੇਦਾਂ ਨੂੰ ਦੂਰ ਕਰਨ ਦੇ ਲਈ ਵਾਰ ਵਾਰ ਈਰਾਨੀ ਰਾਸ਼ਟਰਪਤੀ ਅਤੇ ਹੋਰ ਨੇਤਾਵਾਂ ਨਾਲ ਗੱਲਬਾਤ ਦੇ ਵਾਅਦਿਆਂ ਦੇ ਕਾਰਨ ਬੁਸ਼ ਨੇ ਅਜਿਹਾ ਬਿਆਨ ਦਿੱਤਾ ਹੈ ਕਿਉਂਕਿ ਬੁਸ਼ ਨੇ ਇਸ ਗੱਲਬਾਤ ਨੂੰ ਟਾਲ ਦਿੱਤਾ ਸੀ।
ਬੁਸ਼ ਦਾ ਬਿਆਨ ਯੇਰੂਸ਼ਲਮ ਵਿੱਚ ਇਜ਼ਰਾਈਲ ਦੇ 60 ਸਾਲ ਹੋਣ ਤੇ ਇਜ਼ਰਾਈਲ ਸੰਸਦ ਵਿੱਚ ਦਿੱਤੇ ਗਏ ਭਾਸ਼ਣ ਵਿੱਚ ਆਇਆ। ਓਬਾਮਾ ਅਤੇ ਉਹਨਾਂ ਦੀ ਵਿਰੋਧੀ ਹਿਲੇਰੀ ਕਲਿੰਟਨ ਨੇ ਵੀ ਇਸ ਬਿਆਨ ਦੀ ਨਿੰਦਿਆ ਕੀਤੀ।
ਬੁਸ਼ ਨੇ ਇਜ਼ਰਾਇਲੀ ਸੰਸਦ ਵਿੱਚ ਕਿਹਾ ਸੀ ਕਿ ਕੁੱਝ ਲੋਕ ਅੱਤਵਾਦੀਆਂ ਅਤੇ ਉਗਰਵਾਦੀਆਂ ਦੇ ਨਾਲ ਗੱਲਬਾਤ ਵਿੱਚ ਵਿਸ਼ਵਾਸ਼ ਰੱਖਦੇ ਹਨ। ਸੀਨੇਟ ਵਿਦੇਸ਼ ਸਬੰਧ ਸਮਿਤੀ ਦੇ ਚੇਅਰਮੈਨ ਜਾਨ ਬਾਈਡਨ ਨੇ ਵੀ ਵਿਦੇਸ਼ ਵਿੱਚ ਬੁਸ਼ ਦੁਆਰਾ ਦਿੱਤੇ ਗਏ ਇਸ ਤਰਾਂ ਦੇ ਬਿਆਨ ਦੀ ਨਿੰਦਿਆ ਕੀਤੀ।
|
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ
