ਲਹਾਸਾ ਵਿੱਚ ਚੀਨ ਦੀ ਕਾਰਵਾਈ ਦੀ ਅੰਤਰਰਾਸ਼ਟਰੀ ਪੱਧਰ ਤੇ ਨਿੰਦਿਆ ਕੀਤੇ ਜਾਣ ਦੇ ਲੱਗਭਗ ਦੋ ਮਹੀਨੇ ਬਾਅਦ ਤਿੱਬਤ ਦੇ ਅਧਿਆਤਮਿਕ ਨੇਤਾ ਦਲਾਈ ਲਾਮਾ ਪੱਛਮੀ ਦੇਸ਼ਾਂ ਦੇ ਦੌਰੇ ਦੇ ਪਹਿਲੇ ਗੇੜ ਵਿੱਚ ਅੱਜ ਜਰਮਨੀ ਪਹੁੰਚੇ।
ਦਲਾਈਲਾਮਾ ਦੀ ਪੱਛਮੀ ਦੇਸ਼ਾਂ ਦੀ ਯਾਤਰਾ ਦੇ ਦੌਰਾਨ ਤਿੱਬਤ ਦਾ ਮੁੱਦਾ ਉਦੋਂ ਤੱਕ ਪ੍ਰਮੁੱਖ ਬਣਿਆ ਰਹੇਗਾ ਜਦੋਂ ਤੱਕ ਅਗਸਤ ਮਹੀਨੇ ਵਿੱਚ ਬੀਜ਼ਿੰਗ ਵਿੱਚ ਓਲੰਪਿਕ ਖੇਡਾਂ ਦੀ ਸ਼ੁਰੂਆਤ ਨਹੀਂ ਹੋ ਜਾਂਦੀ। ਜਰਮਨੀ ਤੋਂ ਬਾਅਦ ਦਲਾਈਲਾਮਾ ਅਮਰੀਕਾ, ਆਸਟ੍ਰੇਲੀਆ, ਬ੍ਰਿਟੇਨ ਅਤੇ ਫਰਾਂਸ ਜਾਣਗੇ।
ਦਲਾਈਲਾਮਾ ਦਾ ਕਹਿਣਾ ਹੈ ਕਿ ਮਾਰਚ ਵਿੱਚ ਤਿੱਬਤ ਵਿੱਚ ਭੜਕੇ ਚੀਨ ਵਿਰੋਧੀ ਦੰਗਿਆਂ ਦੇ ਦੌਰਾਨ ਬੀਜਿੰਗ ਦੀ ਕਾਰਵਾਈ ਵਿੱਚ 203 ਤਿੱਬਤੀ ਮਾਰੇ ਗਏ ਅਤੇ ਲੱਗਭਗ 1000 ਜ਼ਖਮੀ ਹੋਏ ਹਨ।
ਬੀਜ਼ਿੰਗ ਦਾ ਦਾਅਵਾ ਹੈ ਕਿ ਤਿੱਬਤੀ ਦੰਗਾਈਆਂ ਅਤੇ ਵਿਦਰੋਹੀਆਂ ਨੇ 21 ਚੀਨੀ ਨਾਗਰਿਕਾਂ ਨੂੰ ਮਾਰ ਦਿੱਤਾ। ਬੀਜ਼ਿੰਗ ਨੇ ਹਿੰਸਾ ਦੇ ਪਿੱਛੇ ਦਲਾਈ ਲਾਮਾ ਦਾ ਹੱਥ ਹੋਣ ਦਾ ਹੋਣ ਦਾ ਆਰੋਪ ਲਗਾਇਆ ਹੈ।
|
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ
