ਇਸ ਨੂੰ ਭਾਵੇ ਦੇਸ਼ ਨਾਲ ਪਿਆਰ ਕਹਿ ਲਵੋ ਜਾ ਫਿਰ ਵੋਟ ਪਾਉਣ ਲਈ ਉਤਸ਼ਾਹ ਕਿਉਕਿ ਇਕ ਭੂਟਾਨੀ ਔਰਤ ਨੇ ਵੋਟ ਪਾਉਣ ਦੇ ਇੱਛਾ ਨਾਲ 14 ਦਿਨਾ ਵਿੱਚ 600 ਕਿਲੋਮੀਟਰ ਲਗਾਤਾਰ ਪੈਦਲ ਚਲਕੇ ਦੇਸ਼ ਵਿੱਚ ਪਹਿਲੀ ਵਾਰ ਹੋ ਰਹੀਆ ਆਮ ਚੋਣਾਂ ਵਿੱਚ ਵੋਟ ਪਾ ਕੇ ਹਿੱਸਾ ਲਿਆ।
ਆਪਣੀ ਜ਼ਿੰਦਗੀ ਵਿੱਚ 65 ਬਸੰਤਾਂ ਦੇਖ ਚੁਕੀ ਟੀਸ਼ੇਵਾਂਗ ਡੇਮੋ ਨਾਮ ਦੈਸ ਔਰਤ ਨੇ ਸਖਤ ਸਰਦੀ ਵਿੱਚ ਖਤਰਨਾਕ ਪਹਾੜੀ ਰਸਤੇ ਪਾਰ ਕਰਦਿਆਂ ਇਕ ਸੋਟੀ ਅਤੇ ਰਬੜ ਦੀਆਂ ਚੱਪਲਾਂ ਦੇ ਸਹਾਰੇ ਛੇ ਜਿਲ੍ਹੇ ਪਾਰ ਕਰਕੇ ਟੀ ਰਾਸ਼ਿਯਆਂਗਸਤੇ ਜਿਲ੍ਹੇ ਦੇ ਹੈਡਕੁਆਟਰ ਵਿਖੇ ਪਹੁੰਚੀ।
ਇਸ ਸਬੰਧੀ ਭੂਟਾਨ ਟਾਈਮਜ਼ ਨਾਲ ਗੱਲਬਾਤ ਕਰਦਿਆ ਉਨ੍ਹੇ ਕਿਹਾ ਕਿ ਜਦੋਂ ਲੋਕ ਮੇਰੀ ਇਸ ਯਾਤਰਾ ਬਾਰੇ ਹੈਰਾਨੀ ਭਰੇ ਤਰੀਕੇ ਨਾਲ ਗੱਲਾਂ ਕਰਨ ਲੱਗੇ ਤਾਂ ਮੈਨੂੰ ਮਹਿਸੂਸ ਹੋਇਆ ਕਿ ਮੈਂ ਜਰੂਰ ਕੁਝ ਪ੍ਰਾਪਤ ਕਰ ਲਿਆ ਹੈ।
ਉਨ੍ਹਾਂ ਕਿਹਾ ਕਿ ਮੈਂ ਇਹ ਪੈਦਲ ਯਾਤਰਾ ਕੋਈ ਰਿਕਾਰਡ ਬਨਾਉਣ ਦੇ ਮਕਸਦ ਨਾਲ ਸ਼ੁਰੂ ਨਹੀਂ ਸੀ ਕੀਤੀ।
ਉਨ੍ਹੇ ਕਿਹਾ ਕਿ ਮੈਨੂੰ ਕਾਰ ਰਾਹੀ ਯਾਤਰਾ ਕਰਨਾਂ ਪਸੰਦ ਨਹੀਂ ਕਿਉਕਿ ਜਦੋਂ ਮੈਂ ਚਾਰ ਸਾਲ ਪਹਿਲਾਂ ਪਹਿਲੀ ਤੇ ਆਖਿਰੀ ਵਾਰ ਕਾਰ ਰਾਹੀ ਸਫ਼ਰ ਕੀਤਾ ਸੀ ਤਾਂ ਮੈਨੂੰ ਚੱਕਰ ਆਉਣ ਲੱਗੇ ਸਨ ਅਤੇ ਉਸ ਤੋਂ ਬਾਦ ਮੈਂ ਨਹੀਂ ਸੀ ਚਾਹੁੰਦੀ ਕਿ ਵੋਟ ਪਾਉਣ ਦੇ ਮੋਕਾ ਖੁੰਝਾ ਦੇਵਾ ਇਸ ਲਈ ਮੈਂ ਪੈਦਲ ਸਫ਼ਰ ਸ਼ੁਰੂ ਕਰ ਦਿੱਤੀ।
|
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ