Feedback
Print
ਭਾਸ਼ਾ
ਸਤਿਅਮ ਘੋਟਾਲਾ : ਸੀਬੀਆਈ ਦਲ ਮਾਰਿਸ਼ਸ ਤੋਂ ਪਰਤਿਆ 
ਨਵੀਂ ਦਿੱਲੀ , ਵੀਰਵਾਰ, 5 ਨਵੰਬਰ 2009( 16:41 IST )
PR
ਸੂਤਰਾਂ ਨੇ ਕਿਹਾ ਕਿ ਸੀਬੀਆਈ ਦਾ ਦਲ ਕਥਿਤ ਤੌਰ 'ਤੇ ਸਤਿਅਮ ਦੇ ਸੰਸਥਾਪਕ ਬੀ ਰਾਮਲਿੰਗ ਰਾਜੂ ਦੁਆਰਾ ਧਨ ਦਾ ਨਿਵੇਸ਼ ਮਾਰਿਸ਼ਸ ਵਿੱਚ ਕਰ ਕੇ ਇਸ ਨੂੰ ਕਰੀਬ 300 ਨਾਮ ਮਾਤਰ ਦੀਆਂ ਕੰਪਨੀਆਂ ਵਿੱਚ ਨਿਵੇਸ਼ ਦੇ ਰੂਪ ਵਿੱਚ ਫਿਰ ਭਾਰਤ ਲਿਆਉਣ ਦੇ ਮਾਮਲੇ ਦੀ ਜਾਂਚ ਕਰਨ ਗਿਆ ਸੀ।
ਉਹਨਾਂ ਨੇ ਕਿਹਾ ਕਿ ਧਨ ਯੂਰਪੀ ਦੇਸ਼ਾਂ ਰਾਹੀਂ ਕਥਿਤ ਤੌਰ 'ਤੇ ਰਾਜੂ ਦੇ ਰਿਸ਼ਤੇਦਾਰਾਂ ਦੇ ਨਾਮ ਬਣੀਆਂ ਕਰੀਬ 300 ਕਾਲਪਨਿਕ ਕੰਪਨੀਆਂ ਵਿੱਚ ਨਿਵੇਸ਼ ਦੇ ਰੂਪ ਵਿੱਚ ਵਾਪਸ ਭਾਰਤ ਲਿਆਂਦਾ ਗਿਆ।
ਸੂਤਰਾਂ ਨੇ ਦੱਸਿਆ ਕਿ ਸੀਬੀਆਈ ਸਤਿਅਮ ਕੰਪਿਊਟਰ ਸਰਵਿਸੇਜ ਦੁਆਰਾ ਕੀਤੇ 10000 ਕਰੋੜ ਰੁਪਏ ਦੇ ਘੋਟਾਲੇ ਦੀ ਜਾਂਚ ਕਰ ਰਹੀ ਹੈ। ਏਜੰਸੀ ਨੇ ਆਪਣੀ ਜਾਂਚ ਵਿੱਚ ਪਾਇਆ ਹੈ ਕਿ ਰਾਜੂ ਨੇ ਬਹੁਤ ਸਾਰਾ ਧਨ ਮਾਰਿਸ਼ਸ ਭੇਜਿਆ, ਜਿੱਥੋਂ ਧਨ ਕਈ ਯੂਰਪੀ ਦੇਸ਼ਾਂ ਰਾਹੀਂ ਭਾਰਤ ਵਾਪਸ ਲਿਆਂਦਾ ਗਿਆ। ਮਾਰਿਸ਼ਸ ਦੀ ਗਿਣਤੀ ਕਾਲੇ ਧਨ ਦੇ ਸ਼ਰਣ ਸਥਾਨਾਂ ਵਿੱਚ ਹੈ।
ਸੀਬੀਆਈ ਦੇ ਸੂਤਰਾਂ ਦੇ ਮੁਤਾਬਿਕ ਇਸ ਨਾਲ ਏਜੰਸੀ ਨੂੰ ਦੂਜਾ ਆਰੋਪ ਪੱਤਰ ਦਾਇਰ ਕਰਨ ਵਿੱਚ ਮੱਦਦ ਮਿਲੇਗੀ, ਜਿਸ ਵਿੱਚ ਮਾਰਿਸ਼ਸ ਤੋਂ ਹੋਏ ਕੁਝ ਹੋਰ ਬੈਂਕ ਲੈਣ-ਦੇਣ ਸ਼ਾਮਿਲ ਹੋਣਗੇ।