Feedback
Print
ਬਦਲਦੀ ਤਕਨੀਕ, ਬਦਲਦੇ ਉਪਕਰਨ 
PR
ਜਰਾ ਯਾਦ ਕਰੋ ਉਹਨਾਂ ਮੋਬਾਇਲਾਂ ਨੂੰ ਜਿਹਨਾਂ ਦੀ ਸਕ੍ਰੀਨ ਛੋਟੀ ਹੋਇਆ ਕਰਦੀ ਸੀ, ਪਰ ਅਕਾਰ ਅਤੇ ਵਜਨ ਜਿਆਦਾ ਹੁੰਦਾ ਸੀ। ਅਜਿਹੇ ਮੋਬਾਇਲ ਮੁਸ਼ਕਿਲ ਨਾਲ ਤੁਹਾਡੀ ਜੇਬ ਵਿੱਚ ਸਮਾ ਸਕਦੇ ਸਨ। ਪਰ ਨਵੇਂ ਜਮਾਨੇ ਦੇ ਮੋਬਾਇਲ ਪਾਕੇਟ ਕੰਪਿਊਟਰ ਬਣਦੇ ਜਾ ਰਹੇ ਹਨ।
ਲੈਪਟਾਪ ਹੋਏ ਅਤਿਆਧੁਨਿਕ
ਲੈਪਟਾਪਸ ਵਿੱਚ ਪਹਿਲਾਂ ਦੀ ਤੁਲਨਾ ਵਿੱਚ ਕਾਫੀ ਬਦਲਾਅ ਆ ਗਏ ਹਨ। ਪਹਿਲਾਂ ਇਹਨਾਂ ਵਿੱਚ ਬੈਟਰੀ ਬੈਕਅਪ ਘੱਟ ਹੋਣ ਦੀ ਸਮੱਸਿਆ ਆਮ ਹੋਇਆ ਕਰਦੀ ਸੀ। ਇਸਦੇ ਇਲਾਵਾ ਵਾਇਰਸ ਅਤੇ ਡਾਟਾ ਚੋਰੀ ਹੋਣ ਵਰਗੀਆਂ ਅਨੇਕ ਸਮੱਸਿਆਵਾਂ ਵੀ ਮੌਜੂਦ ਸਨ। ਪਰ ਅਤਿਆਧੁਨਿਕ 'ਕਾਮਪੈਕ-610' ਸੀਰੀਜ਼ ਦੇ ਲੈਪਟਾਪ ਵਿੱਚ ਸ਼ਾਨਦਾਰ ਬੈਟਰੀ ਬੈਕਅਪ ਦੇ ਨਾਲ ਨਵੇਂ ਹਾਈਟੈਕ ਫੀਚਰ ਆ ਗਏ ਹਨ। ਇਹਨਾਂ ਵਿੱਚ ਨਾ ਤਾਂ ਡੇਟਾ ਚੋਰੀ ਹੋ ਸਕਦਾ ਹੈ ਅਤੇ ਨਾ ਹੀ ਵਾਇਰਸ ਦੀ ਪਰੇਸ਼ਾਨੀ ਹੁੰਦੀ ਹੈ। ਇਹਨਾਂ ਵਿੱਚ ਡਿਜਾਇਨਰ ਲੁਕ ਅਤੇ ਮਜ਼ਬੂਤੀ ਦੇ ਨਾਲ ਭਵਿੱਖ ਦੀ ਤਕਨੀਕ ਵੀ ਉਪਲਬਧ ਕਰਾਈ ਗਈ ਹੈ। ਇਹਨਾਂ ਦੇ ਨਾਲ ਹੀ ਬਜ਼ਾਰ ਵਿੱਚ 'ਮਿਨੀ ਲੈਪਟਾਪ' ਵੀ ਉਪਲਬਧ ਹਨ। ਨਾਮ ਦੇ ਅਨੁਸਾਰ ਛੋਟੇ ਅਕਾਰ ਦੇ ਹੋਣ ਦੇ ਨਾਲ ਅਡਵਾਂਸ ਟੈਕਨੋਲੌਜੀ ਵਰਗੀਆਂ ਕਈ ਖੂਬੀਆਂ ਇਹਨਾਂ ਵਿੱਚ ਹਨ। ਇਹ ਅਕਾਰ ਵਿੱਚ ਛੋਟੇ ਹੋਣ ਦੇ ਬਾਵਜੂਦ ਤੁਸੀਂ ਇਹਨਾਂ 'ਤੇ ਕਿਸੇ ਵੀ ਸੌਫਟਵੇਅਰ ਅਤੇ ਐਪਲੀਕੇਸ਼ਨ ਵਿੱਚ ਕੰਮ ਕਰ ਸਕਦੇ ਹਨ।
ND
ਵਰਤਮਾਨ ਵਿੱਚ ਕੰਪਨੀਆਂ ਅਜਿਹੇ ਡੈਸਕਟਾਪ ਬਜ਼ਾਰ ਵਿੱਚ ਪ੍ਰਸਤੁਤ ਕਰ ਰਹੀਆਂ ਹਨ ਜੋ 'ਆਲ ਇਨ ਵਨ' ਹਨ। ਆਧੁਨਿਕ ਡੈਸਕਟਾਪ ਪਹਿਲਾਂ ਦੀ ਤੁਲਨਾ ਵਿੱਚ ਛੋਟੇ ਅਤੇ ਪਤਲੇ ਹੋ ਗਏ ਹਨ। ਇਹਨਾਂ ਦੀ ਡਿਜਾਇਨ ਅਤੇ ਤਕਨੀਕ ਬਦਲਣ ਦੇ ਨਾਲ ਹੀ ਇਹਨਾਂ ਦੀ ਸਮਰੱਥਾ ਵੀ ਵਧ ਗਈ ਹੈ। ਐਚਪੀ ਦੇ ਰੀਜਨਲ ਸੇਲਸ ਮੈਨੇਜਰ ਅਰੀਨ ਬਨਰਜੀ ਕਹਿੰਦੇ ਹਨ ਕਿ ਐਚਪੀ ਦੀ 'ਟਚ ਸਮਾਰਟ' ਡੈਸਕਟਾਪ ਕੰਪਿਊਟਰ ਨੇ ਲੋਕਾਂ ਨੂੰ ਟਚ ਸਕ੍ਰੀਨ ਨਾਲ ਰੂਬਰੂ ਕਰਾਇਆ ਹੈ।
ਨਵੇਂ ਦੌਰ ਦੇ ਡੈਸਕਟਾਪ ਵਿੱਚ ਉਪਯੋਗਕਰਤਾ ਦੀ ਸਿਹਤ ਦਾ ਪੂਰਾ ਖਿਆਲ ਰੱਖਿਆ ਗਿਆ ਹੈ। ਇਹਨਾਂ ਕੰਪਿਊਟਰਾਂ ਵਿੱਚ ਐਂਟੀ ਬੈਕਟੀਰੀਅਲ 'ਕੀ-ਬੋਰਡ' ਲੱਗੇ ਹਨ। ਇਹਨਾਂ ਦੇ ਇਲਾਵਾ ਕੰਮ ਕਰਦੇ ਸਮੇਂ ਤੁਹਾਡੀਆਂ ਅੱਖਾਂ ਖਰਾਬ ਨਾ ਹੋਣ ਇਸਦਾ ਵੀ ਵਿਸ਼ੇਸ਼ ਧਿਆਨ ਰੱਖਿਆ ਗਿਆ ਹੈ।
ਨਵੇਂ ਮੋਬਾਇਲ, ਨਵੀਂ ਤਕਨੀਕ
ਆਮ ਤੌਰ 'ਤੇ ਪੰਜ ਹਜਾਰ ਰੁਪਏ ਤੋਂ ਜਿਆਦਾ ਕੀਮਤ ਵਾਲੇ ਲਗਭਗ ਹਰ ਮੋਬਾਇਲ ਵਿੱਚ ਕੈਮਰਾ, ਵੈਬ ਬ੍ਰਾਉਜਰ, ਆਰਗੇਨਾਈਜਰ, ਟਾਈਮਰ, ਮੈਸੇਂਜਰ, ਬਲਿਊ ਟੁਥ, ਥ੍ਰੀ ਜੀ ਵਰਗੇ ਆਧੁਨਿਕ ਫੰਕਸ਼ੰਸ ਹੁੰਦੇ ਹਨ। ਇਹ ਮੋਬਾਇਲ ਦਿਸਣ ਵਿੱਚ ਛੋਟੇ, ਪਤਲੇ ਅਤੇ ਸੋਹਣੇ ਹੋਣ ਦੇ ਨਾਲ ਹੀ ਇਕੱਠੇ ਕਈ ਫੰਕਸ਼ੰਸ ਕਰਨ ਵਿੱਚ ਸਮਰੱਥ ਹਨ। 'ਥ੍ਰੀ ਜੀ' ਤਕਨੀਕ ਨਾਲ ਲੈਸ ਮੋਬਾਇਲਸ ਵਿੱਚ ਹਾਈ ਸਪੀਡ ਇੰਟਰਨੈਟ ਐਕਸੈਸ, ਵੀਡੀਓ ਕਾਲ ਅਤੇ ਮਿਊਜ਼ਿਕ ਸਰਵਿਸ ਦੇ ਨਾਲ ਨਿਊਜ਼ ਚੈਨਲ ਦੇਖਣ ਦੀ ਸੁਵਿਧਾ ਵੀ ਹੈ। ਨੋਕੀਆ ਸਟੋਰ ਦੇ ਕਰਨ ਅਗਰਵਾਲ ਕਹਿੰਦੇ ਹਨ ਕਿ ਨੋਕੀਆ ਦੇ ਐਨ 97 ਵਿੱਚ 48 ਜੀਬੀ ਮੈਮੋਰੀ, 5 ਮੇਗਾਪਿਕਸਲ ਕੈਮਰੇ ਦੇ ਨਾਲ ਰਸਤਾ ਦੱਸਣ ਲਈ ਜੀਪੀਐਸ ਅਤੇ ਨੈਵੀਗੇਸ਼ਨ ਸਿਸਟਮ ਵੀ ਉਪਲਬਧ ਹਨ। ਇਹਨਾਂ ਮੋਬਾਇਲਸ ਦੀ ਖਾਸੀਅਤ ਹੈ ਕਿ ਇਹਨਾਂ ਵਿੱਚ ਵੀਡੀਓ ਕਾਲ ਸੁਵਿਧਾ ਹੋਣ ਨਾਲ ਦੂਜੇ 'ਥ੍ਰੀ ਜੀ' ਫੋਨ ਨਾਲ ਗੱਲ ਕਰਦੇ ਹੋਏ ਸਾਹਮਣੇ ਵਾਲੇ ਵਿਅਕਤੀ ਨੂੰ ਦੇਖਿਆ ਜਾ ਸਕਦਾ ਹੈ।
PR
ਕੀਮਤ ਦੇ ਅਧਾਰ 'ਤੇ ਗਾਹਕ ਮੋਬਾਇਲ ਦੀਆਂ ਖੂਬੀਆਂ ਦਾ ਅੰਦਾਜਾ ਲਗਾਉਂਦੇ ਹਨ। ਪਰ ਬਜ਼ਾਰ ਵਿੱਚ ਘੱਟ ਕੀਮਤ ਵਾਲੇ ਮੋਬਾਇਲ ਵੀ ਉਪਲਬਧ ਹਨ, ਜਿਹਨਾਂ ਵਿੱਚ ਕਿਸੇ ਮਹਿੰਗੇ ਮੋਬਾਇਲ ਦੀ ਤਰ੍ਹਾਂ ਹੀ ਸੁਵਿਧਾਵਾਂ ਉਪਲਬਧ ਹਨ। ਐਕਸਾਈਟ ਮੋਬਾਇਲ ਫੋਨ ਦੇ ਬਿਜ਼ਨੈਸ ਹੈਡ ਸੁਸ਼ਾਂਤ ਕੇ. ਦਾਸ ਦੱਸਦੇ ਹਨ ਕਿ ਮੋਬਾਇਲ ਚੋਰੀ ਹੋਣ 'ਤੇ ਉਸ ਨੂੰ ਟ੍ਰੇਸ ਕਰਨ ਦੀ ਸੁਵਿਧਾ ਆਮ ਹੋ ਗਈ ਹੈ। ਸਸਤੇ ਮੋਬਾਇਲਸ ਵਿੱਚ ਵੀ ਮਹਿੰਗੇ ਮੋਬਾਇਲਸ ਦੀ ਤਰ੍ਹਾਂ ਟਚ ਸਕ੍ਰੀਨ, 8 ਜੀਬੀ ਮੈਮੋਰੀ ਆਦਿ ਉਪਲਬਧ ਹੈ। ਘੱਟ ਕੀਮਤ ਦੇ ਕੇ ਵੀ ਗਾਹਕ ਆਧੁਨਿਕ ਤਕਨੀਕ ਨਾਲ ਰੂਬਰੂ ਹੋ ਰਹੇ ਹਨ। ਕੀਮਤ ਦੇ ਮੁੱਲ ਨਾਲ ਇਹ ਮੋਬਾਇਲ ਸਰਵਿਸ ਵਿੱਚ ਵੀ ਬਿਹਤਰ ਸਾਬਿਤ ਹੋ ਰਹੇ ਹਨ।