Feedback
Print
ਪ੍ਰਸਿੱਧ ਹੋ ਰਿਹਾ ਹੈ 'ਮੈਡੀਕਲ ਯੋਗ' 
ਪ੍ਰਾਚੀਨ ਪੱਧਤੀ ਨਾਲ ਆਧੁਨਿਕ ਵਿਗਿਆਨ ਦੀ ਜੁਗਲਬੰਦੀ
ND
ਯੋਗ ਵਿੱਚ ਮੈਡੀਕਲ ਉਪਕਰਨਾਂ ਨੂੰ ਸ਼ਾਮਿਲ ਕਰ ਕੇ ਇਸਦੇ ਅਸਰ ਨੂੰ ਦੁੱਗਣਾ ਕਰਨ ਲਈ ਇੱਕ ਨਵਾਂ ਕਾਨਸੈਪਟ 'ਮੈਡੀਕਲ ਯੋਗ' ਸਾਹਮਣੇ ਆਇਆ ਹੈ। ਇਸ ਵਿੱਚ ਯੋਗ ਦੇ ਨਾਲ ਮੈਡੀਕਲ ਸਾਇੰਸ ਵਿੱਚ ਹੋਣ ਵਾਲੀ ਜਾਂਚ ਦੀਆਂ ਸਭ ਤਕਨੀਕਾਂ ਐਮਆਰਆਈ, ਐਕਸ-ਰੇ, ਬਲੱਡ ਟੈਸਟ, ਅਲਟ੍ਰਾਸਾਉਂਡ, ਸੀਟੀਸਕੈਨ ਆਦਿ ਦਾ ਇਸਤੇਮਾਲ ਕੀਤਾ ਜਾਂਦਾ ਹੈ। ਦੇਸ਼ ਭਰ ਵਿੱਚ ਮੈਡੀਕਲ ਯੋਗ ਦੇ 23 ਕੇਂਦਰ ਹਨ।
ਇਸ ਮੈਡੀਕਲ ਯੋਗ ਵਿੱਚ ਆਸਣ ਕਰਵਾਉਣ ਲਈ ਯੋਗ ਬੈਂਚ, ਯੋਗ ਰੱਸੀਆਂ, ਕੁਰਸੀ ਅਤੇ ਯੋਗ ਲਈ ਹੋਰ ਜਰੂਰੀ ਫਰਨੀਚਰਾਂ ਨੂੰ ਤਿਆਰ ਕੀਤਾ ਗਿਆ ਹੈ। ਯੋਗ ਦੀ ਇਸ ਤਕਨੀਕ ਨਾਲ ਗੋਡਿਆਂ ਦਾ ਦਰਦ, ਸਰਵਾਇਕਲ ਸਪਾਂਡਾਲਾਇਟਿਸ, ਪਿੱਠ ਦਰਦ, ਅਸਥਮਾ, ਦਿਲ ਸਬੰਧੀ ਰੋਗ ਅਤੇ ਮਧੂਮੇਹ ਵਰਗੀਆਂ ਬਿਮਾਰੀਆਂ ਦਾ ਸਫ਼ਲ ਇਲਾਜ ਕੀਤਾ ਜਾ ਸਕਦਾ ਹੈ। ਇਸ ਸੈਂਟਰ ਵਿੱਚ ਦੱਸੇ ਜਾਣ ਵਾਲੇ ਆਸਣਾਂ ਨੂੰ ਕਿਸੇ ਵੀ ਉਮਰ ਦੇ ਲੋਕ ਕਰ ਸਕਦੇ ਹਨ। ਮੈਡੀਕਲ ਯੋਗ ਵਿਅਕਤੀ ਦੀ ਪੂਰੀ ਮੈਡੀਕਲ ਜਾਂਚ ਕਰਾਉਣ ਤੋਂ ਬਾਅਦ ਦਿੱਤਾ ਜਾਂਦਾ ਹੈ। ਸਭ ਰਿਪੋਰਟਾਂ ਆਉਣ ਤੋਂ ਬਾਅਦ ਹੀ ਉਸ ਨੂੰ ਯੋਗਾਸਨ ਦੱਸੇ ਜਾਂਦੇ ਹਨ। ਮੈਡੀਕਲ ਯੋਗ ਨਾਲ ਤੁਸੀਂ ਆਪਣਾ ਵਜਨ ਵੀ ਘਟਾ ਸਕਦੇ ਹੋ। ਮੈਡੀਕਲ ਯੋਗ ਵਿੱਚ ਇੱਕ ਘੰਟੇ ਵਿੱਚ 3 ਤੋਂ 6 ਆਸਣ ਕਰਵਾਏ ਜਾਂਦੇ ਹਨ।
ND
ਕਿਵੇਂ ਦੂਰ ਹੋ ਸਕਦਾ ਹੈ ਪੈਰਾਂ ਦਾ ਦਰਦ :
ਅਕਸਰ ਔਰਤਾਂ ਅਤੇ ਪੁਰਸ਼ਾਂ ਵਿੱਚ ਲੱਤਾਂ ਦਾ ਦਰਦ ਦੇਖਿਆ ਜਾਂਦਾ ਹੈ। ਜੀਵਨਸ਼ੈਲੀ ਵਿੱਚ ਤੇਜੀ ਨਾਲ ਆਉਣ ਵਾਲਾ ਬਦਲਾਅ ਇਸਦਾ ਮੁੱਖ ਕਾਰਨ ਹੈ। ਔਰਤਾਂ ਵਿੱਚ ਇਸ ਦਰਦ ਦਾ ਮੁੱਖ ਕਾਰਨ ਹੈ ਬਹੁਤ ਦੇਰ ਤੱਕ ਰਸੋਈ ਵਿੱਚ ਕੰਮ ਕਰਨਾ, ਕੱਪੜੇ ਧੋਣਾ, ਮਧੂਮੇਹ, ਹਾਈ ਹੀਲ ਦੀਆਂ ਚੱਪਲਾਂ ਪਹਿਨਣਾ, ਜਿਆਦਾ ਚੱਲਣਾ। ਅਤੇ ਪੁਰਸ਼ਾਂ ਵਿੱਚ ਇਸਦੇ ਕਾਰਨ ਕੁਰਸੀ ਵਿੱਚ ਪੈਰ ਲਟਕਾ ਕੇ ਬੈਠਣਾ, ਜਿਆਦਾ ਗੱਡੀ ਚਲਾਉਣਾ, ਜਿਆਦਾ ਖੜਾ ਰਹਿਣਾ, ਸਖ਼ਤ ਤਲੀਆਂ ਦੇ ਜੁੱਤੇ ਪਹਿਨਣਾ ਆਦਿ ਹਨ।
ਇਹਨਾਂ ਤਕਲੀਫ਼ਾਂ ਵਾਲੇ ਮਰੀਜਾਂ ਨੂੰ ਮੈਡੀਕਲ ਯੋਗ ਕੇਂਦਰ ਕੁਝ ਆਸਣ ਦੱਸਦਾ ਹੈ। ਇਸਦੇ ਨਾਲ ਹੀ ਦਰਦ ਤੋਂ ਛੁਟਕਾਰਾ ਪਾਉਣ ਲਈ ਜੀਵਨਸ਼ੈਲੀ ਵਿੱਚ ਜਰੂਰੀ ਬਦਲਾਅ ਦੀ ਵੀ ਲੋੜ ਹੈ। ਮੈਡੀਕਲ ਯੋਗ ਕੇਂਦਰ ਦਾ ਦਾਅਵਾ ਹੈ ਕਿ ਅਜਿਹੇ ਮਰੀਜਾਂ ਲਈ ਛੇ ਦਿਨ ਦੀ ਯੋਗ ਥੈਰੇਪੀ ਹੈ, ਜਿਸ ਨਾਲ ਦਰਦ ਤੋਂ ਅਰਾਮ ਮਿਲਣਾ ਨਿਸ਼ਚਿਤ ਹੈ।
ND
2. ਪਾਦਾਂਗੁਠਾਸਨ : ਪਲੰਘ ਜਾਂ ਜ਼ਮੀਨ ਤੇ ਲੇਟ ਕੇ ਦੋਵਾਂ ਲੱਤਾਂ ਨੂੰ ਸਿੱਧੀਆਂ ਕਰ ਲਉ। ਦੋਵੇਂ ਲੱਤਾਂ ਆਪਣੇ ਵੱਲ ਖਿੱਚੋ। ਯੋਗ ਬੈਲਟ ਦੀ ਮੱਦਦ ਨਾਲ ਲੱਤ ਨੂੰ ਸਿੱਧਾ ਉੱਪਰ ਚੁੱਕੋ। ਗੋਡਾ ਸਿੱਧਾ ਅਤੇ ਪੈਰ ਦਾ ਪੰਜਾ ਆਪਣੇ ਵੱਲ ਖਿੱਚ ਕੇ ਰੱਖੋ। ਆਸਣ ਨੂੰ ਲਗਭਗ ਇੱਕ ਤੋਂ ਤਿੰਨ ਮਿੰਟ ਲਈ ਰੋਕੋ। ਆਸਣ ਨੂੰ ਕਰਦੇ ਸਮੇਂ ਸਾਹ ਨਾ ਰੋਕੋ।
