ਸਦੀਆਂ ਤੋਂ ਪੰਜਾਬ ਖੇਤੀ ਪ੍ਰਧਾਨ ਸੂਬਾ ਰਿਹਾ ਹੈ। ਇਸ ਪੰਜ ਦਰਿਆਵਾਂ ਦੀ ਧਰਤੀ ਉੱਤੇ ਖੇਤੀ ਦਾ ਵਿਕਾਸ ਕੋਈ 3,000 ਸਾਲ ਤੋਂ ਪਹਿਲਾਂ ਹੀ ਹੋਣਾ ਸ਼ੁਰੂ ਹੋ ਗਿਆ ਸੀ ਅਤੇ ਇੱਥੋਂ ਦੇ ਵਸਨੀਕ ਪਸ਼ੂ ਪਾਲਕਾਂ ਦੇ ਨਾਲ-ਨਾਲ ਫਸਲਾਂ ਉਗਾਉਣ ਵੱਲ ਚੇਤੰਨ ਹੋ ਗਏ ਸਨ। ਉਹਨਾਂ ਹੀ ਸਮਿਆਂ 'ਚ ਸਿੰਧ ਘਾਟੀ ਦੀ ਸਭਿਅਤਾ ਹੜ੍ਹਪਾ ਅਤੇ ਮਹਿੰਦਜੋਦੜੋ ਦੇ ਖੰਡ ਰਾਤਾਂ ਵਿੱਚੋਂ ਫਸਲਾਂ ਨੂੰ ਖਾਦ-ਖੁਰਾਕਾਂ ਲਈ ਪੈਦਾ ਕਰਨ ਦੇ ਗਿਆਨ ਦੇ ਭਰਪੂਰ ਸਬੂਤ ਮਿਲਦੇ ਹਨ। ਖੇਤੀ ਦੇ ਵਿਕਾਸ ਨੇ ਹੀ ਫਿਰਕੂ ਕਬੀਲਿਆਂ ਨੂੰ ਦਰਿਆਵਾਂ ਘਾਟੀਆਂ ਦੇ ਜਰਖੇਜ਼ ਖਿੱਤਿਆਂ ਵਿੱਚ ਟਿਕ ਕੇ ਰਹਿਣ ਲਈ ਮਜਬੂਰ ਕੀਤਾ ਸੀ, ਜਿਸ ਨਾਲ ਹੀ ਸਭਿਅਤਾ ਕਲਚਰ, ਬੋਲੀ ਅਤੇ ਸਮਾਜ ਦੇ ਹੋਰ ਪਹਿਲੂਆਂ ਦਾ ਵਿਕਾਸ ਵੀ ਹੋਇਆ। ਖੇਤੀ-ਬਾੜੀ ਦੇ ਰੁਝਾਨ ਤੋਂ ਹੀ ਪਿੰਡ, ਕਸਬੇ, ਸ਼ਹਿਰ ਸੂਬੇ ਅਤੇ ਦੇਸ਼ ਵਿਆਪੀ