ਭਾਰਤੀ ਰੇਲਵੇ ਲਗਭੱਗ 500 ਮਿਆਦ ਲੰਘੇ ਈਐਮਯੂ ਅਤੇ 90 ਸਵਾਰੀ ਡੱਬੇ ਚਲਾ ਰਿਹਾ ਹੈ।ਲੋਕਸਭਾ ਨੂੰ ਅੱਜ ਇਹ ਜਾਣਕਾਰੀ ਦਿੱਤੀ ਗਈ ਅਤੇ ਇਸ ਦੇ ਨਾਲ ਹੀ ਕਿਹਾ ਗਿਆ ਕਿ ਇਹ ਸਵਾਰੀ ਡੱਬੇ ਅਤੇ ਈਐਮਯੂ ਇਹਨਾਂ ਦੀ ਘਾਟ ਕਾਰਣ ਚਲਾਏ ਜਾ ਰਹੇ ਹਨ ਜਦੋਂ ਕਿ ਕੁੱਝ ਮਹਤੀ ਪਰੀਯੋਜਨਾਵਾਂ ਵੀ ਫੰਡਾਂ ਦੀ ਘਾਟ ਕਾਰਣ ਦੇਰੀ ਨਾਲ ਚੱਲ ਰਹੀਆਂ ਹਨ।
ਰੇਲ ਮੰਤਰੀ ਮਮਤਾ ਬਨਰਜੀ ਨੇ ਕਿਹਾ ਕਿ ਮਿਆਦ ਲੰਘੇ ਕੋਚਾਂ ਦੇ ਸੁਰੱਖਿਅਤ ਪਰੀਚਾਲਨ ਦੇ ਯੋਗ ਹੋਣ ਮਗਰੋਂ ਹੀ ਉਹਨਾਂ ਦੀ ਵਰਤੋਂ ਕੀਤੀ ਜਾ ਰਹੀ ਹੈ।
ਉਹਨਾਂ ਦੱਸਿਆ ਕਿ ਕੁਲ ਮਿਲਾ ਕੇ 555 ਈਐਮਯੂ ਅਤੇ 91 ਵੱਡੀ ਲਾਇਨ ਦੇ ਸਵਾਰੀ ਡੱਬੇ ਜੋ ਕਿ ਆਪਣੀ ਮਿਆਦ ਪੂਰੀ ਕਰ ਚੁੱਕੇ ਹਨ, ਅਜੇ ਵੀ ਚਲਾਏ ਜਾ ਰਹੇ ਹਨ।ਉਹਨਾਂ ਕਿਹਾ ਕਿ ਨਵੀਂਆਂ ਰੇਲਗੱਡੀਆਂ ਚਲਾਉਣ ਦੇ ਰਾਹ ਵਿਚ ਘਾਟਾ ਵੀ ਇੱਕ ਰੁਕਾਵਟ ਬਣ ਰਿਹਾ ਹੈ।
ਹਾਲਾਂਕਿ ਮਮਤਾ ਨੇ ਕਿਹਾ ਕਿ ਇੱਕ ਰਾਏਬਰੇਲੀ ਵਿਖੇ ਨਵੀਂ ਰੇਲ ਕੋਚ ਫੈਕਟਰੀ ਸਥਾਪਤ ਕੀਤੀ ਜਾ ਰਹੀ ਹੈ ਜਦੋਂ ਕਿ ਕੇਰਲ ਦੇ ਪਾਲੱਕੜ ਵਿਖੇ ਇੱਕ ਹੋਰ ਰੇਲ ਕੋਚ ਫੈਕਟਰੀ ਸਥਾਪਤ ਕਰਨ ਲਈ ਪ੍ਰਸਤਾਵ ਤਿਆਰ ਕੀਤਾ ਜਾ ਰਿਹਾ ਹੈ। |
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ