Feedback
Print
ਲੈਲਾ-ਮਜਨੂੰ ਦੀ ਅਮਰ ਪ੍ਰੇਮ-ਕਹਾਣੀ 
ND
ਅਰਬਪਤੀ ਸ਼ਾਹ ਅਮਾਰੀ ਦੇ ਪੁੱਤਰ ਕੈਸ ਦੀ ਕਿਸਮਤ ਵਿੱਚ ਇਹ ਪ੍ਰੇਮ ਰੋਗ ਹੱਥ ਦੀਆਂ ਲਕੀਰਾਂ 'ਚ ਹੀ ਲਿਖਿਆ ਸੀ। ਉਸ ਨੂੰ ਦੇਖਦੇ ਹੀ ਜੋਤਿਸ਼ੀਆਂ ਨੇ ਭਵਿੱਖਬਾਣੀ ਕੀਤੀ ਸੀ ਕਿ ਕੈਸ ਪ੍ਰੇਮ ਦੀਵਾਨਾ ਹੋ ਕੇ ਦਰ-ਦਰ ਭਟਕਦਾ ਫਿਰੇਗਾ।
ਜੋਤਿਸ਼ੀਆਂ ਦੀ ਭਵਿੱਖਬਾਣੀ ਨੂੰ ਝੂਠ ਸਾਬਿਤ ਕਰਨ ਲਈ ਅਮਾਰੀ ਨੇ ਬਹੁਤ ਸੁੱਖਾਂ ਸੁੱਖੀਆਂ ਤਾਂ ਕਿ ਉਹਨਾਂ ਦਾ ਪੁੱਤਰ ਇਸ ਪ੍ਰੇਮ ਰੋਗ ਤੋਂ ਦੂਰ ਰਹੇ, ਪਰ ਕੁਦਰਤ ਆਪਣਾ ਖੇਡ ਦਿਖਾਉਂਦੀ ਹੀ ਹੈ।
ਦਮਿਸ਼ਕ ਦੇ ਮਦਰੱਸੇ ਵਿੱਚ ਜਦੋਂ ਉਸਨੇ ਨਾਜਦ ਦੇ ਸ਼ਾਹ ਦੀ ਧੀ ਲੈਲਾ ਨੂੰ ਦੇਖਿਆ ਤਾਂ ਪਹਿਲੀ ਨਜ਼ਰ ਵਿੱਚ ਉਸਦਾ ਆਸ਼ਿਕ ਹੋ ਗਿਆ। ਮੌਲਵੀ ਨੇ ਉਸ ਨੂੰ ਸਮਝਾਇਆ ਕਿ ਉਹ ਪ੍ਰੇਮ ਦੀਆਂ ਗੱਲਾਂ ਭੁੱਲ ਜਾਵੇ ਅਤੇ ਪੜ੍ਹਾਈ ਵਿੱਚ ਆਪਣਾ ਧਿਆਨ ਲਗਾਵੇ, ਪਰ ਪ੍ਰੇਮ ਦੀਵਾਨੇ ਅਜਿਹੀਆਂ ਗੱਲਾਂ ਕਿੱਥੇ ਸੁਣਦੇ ਹਨ।
ਕੈਸ ਦੀ ਮੁਹੱਬਤ ਦਾ ਅਸਰ ਲੈਲਾ 'ਤੇ ਵੀ ਹੋਇਆ ਅਤੇ ਦੋਵੇਂ ਹੀ ਪ੍ਰੇਮ ਸਾਗਰ ਵਿੱਚ ਡੁੱਬ ਗਏ। ਨਤੀਜਾ ਇਹ ਹੋਇਆ ਕਿ ਲੈਲਾ ਨੂੰ ਘਰ 'ਚ ਕੈਦ ਕਰ ਦਿੱਤਾ ਗਿਆ ਅਤੇ ਲੈਲਾ ਦੀ ਜੁਦਾਈ ਵਿੱਚ ਕੈਸ ਦੀਵਾਨਿਆਂ ਦੀ ਤਰ੍ਹਾਂ ਘੁੰਮਣ ਲੱਗਿਆ। ਉਸਦੀ ਦੀਵਾਨਗੀ ਦੇਖ ਕੇ ਲੋਕਾਂ ਨੇ ਉਸ ਨੂੰ 'ਮਜਨੂੰ' ਦਾ ਨਾਮ ਦਿੱਤਾ। ਅੱਜ ਵੀ ਲੋਕ ਉਸ ਨੂੰ ਮਜਨੂੰ ਦੇ ਨਾਮ ਨਾਲ ਜਾਣਦੇ ਹਨ ਅਤੇ ਮਜਨੂੰ ਮੁਹੱਬਤ ਦਾ ਉਦਾਹਰਨ ਬਣ ਗਿਆ ਹੈ।
ਲੈਲਾ-ਮਜਨੂੰ ਨੂੰ ਅਲੱਗ ਕਰਨ ਦੀਆਂ ਲੱਖ ਕੋਸ਼ਿਸ਼ਾਂ ਕੀਤੀਆਂ ਗਈਆਂ, ਪਰ ਸਭ ਬੇਕਾਰ ਸਾਬਿਤ ਹੋਈਆਂ। ਲੈਲਾ ਦਾ ਤਾਂ ਬਖਤ ਨਾਮਕ ਵਿਅਕਤੀ ਨਾਲ ਵਿਆਹ ਵੀ ਕਰ ਦਿੱਤਾ ਗਿਆ। ਪਰ ਉਸਨੇ ਆਪਣੇ ਸ਼ੌਹਰ ਨੂੰ ਦੱਸ ਦਿੱਤਾ ਕਿ ਉਹ ਸਿਰਫ਼ ਮਜਨੂੰ ਦੀ ਹੈ। ਮਜਨੂੰ ਦੇ ਇਲਾਵਾ ਉਸ ਨੂੰ ਹੋਰ ਕੋਈ ਨਹੀਂ ਛੂਹ ਸਕਦਾ।
ਲੈਲਾ-ਮਜਨੂੰ ਦੀ ਕਬਰ ਅੱਜ ਵੀ ਦੁਨੀਆ ਭਰ ਦੇ ਪ੍ਰੇਮੀਆਂ ਦੀ ਇਬਾਦਤਗਾਹ ਹੈ। ਸਮੇਂ ਦੀ ਗਤੀ ਨੇ ਉਹਨਾਂ ਦੀ ਕਬਰ ਨੂੰ ਨਸ਼ਟ ਕਰ ਦਿੱਤਾ ਹੈ, ਪਰ ਲੈਲਾ-ਮਜਨੂੰ ਦੀ ਮੁਹੱਬਤ ਜਿੰਦਾ ਹੈ ਅਤੇ ਜਦੋਂ ਤੱਕ ਦੁਨੀਆ ਹੈ ਜਿਉਂਦੀ ਰਹੇਗੀ।
ਉਹਨਾਂ ਦੀ ਮੌਤ ਤੋਂ ਬਾਅਦ ਦੁਨੀਆ ਨੇ ਜਾਣਿਆ ਕਿ ਦੋਵਾਂ ਦੀ ਮੁਹੱਬਤ ਕਿੰਨੀ ਅਜੀਜ ਸੀ। ਦੋਵਾਂ ਨੂੰ ਇਕੱਠੇ ਦਫਨਾਇਆ ਗਿਆ ਤਾਂ ਕਿ ਇਸ ਦੁਨੀਆ ਵਿੱਚ ਨਾ ਮਿਲਣ ਵਾਲੇ ਲੈਲਾ-ਮਜਨੂੰ ਜੰਨਤ 'ਚ ਜਾ ਕੇ ਮਿਲ ਸਕਣ। ਲੈਲਾ-ਮਜਨੂੰ ਦੀ ਕਬਰ ਅੱਜ ਵੀ ਦੁਨੀਆ ਭਰ ਦੇ ਪ੍ਰੇਮੀਆਂ ਦੀ ਇਬਾਦਤਗਾਹ ਹੈ। ਸਮੇਂ ਦੀ ਗਤੀ ਨੇ ਉਹਨਾਂ ਦੀ ਕਬਰ ਨੂੰ ਨਸ਼ਟ ਕਰ ਦਿੱਤਾ ਹੈ, ਪਰ ਲੈਲਾ-ਮਜਨੂੰ ਦੀ ਮੁਹੱਬਤ ਜਿੰਦਾ ਹੈ ਅਤੇ ਜਦੋਂ ਤੱਕ ਦੁਨੀਆ ਹੈ ਜਿਉਂਦੀ ਰਹੇਗੀ।
ਸਬੰਧਤ ਜਾਣਕਾਰੀ ਲੱਭੋ
