ਪੰਜਾਬ ਦਰਸ਼ਨ | ਭਾਰਤ ਦਰਸ਼ਨ | ਵਿਸ਼ਵ ਦਰਸ਼ਨ
ਮੁੱਖਪੰਨਾ » ਮਨੋਰੰਜਨ » ਸੈਰ-ਸਪਾਟਾ » ਵਿਸ਼ਵ ਦਰਸ਼ਨ » ਸੈਲਾਨੀਆਂ ਨੂੰ ਖਿੱਚਣ ਲਈ ਨਿਊਜ਼ੀਲੈਂਡ 'ਚ ਵੀ ਬਣੇਗਾ ਤਾਜ ਮਹਿਲ
Feedback Print Bookmark and Share
 
PR
ਨਿਊਜ਼ੀਲੈਂਡ ਦੇ ਇਸ ਸ਼ਹਿਰ 'ਚ ਰਹਿਣ ਵਾਲੇ ਭਾਰਤੀਆਂ ਦੇ ਇਕ ਸਮੂਹ ਨੇ ਇਥੇ ਦੋ ਕਰੋੜ ਡਾਲਰ ਦੀ ਲਾਗਤ ਨਾਲ ਤਾਜਮਹਿਲ ਦੇ ਪ੍ਰਤੀਰੂਪ ਦੇ ਨਿਰਮਾਣ ਦੀ ਯੋਜਨਾ ਬਣਾਈ ਹੈ। ਆਕਲੈਂਡ ਦੇ 'ਨਿਊਨਾਰਥ ਰੋਡ' ਦੇ 'ਮਹਾਤਮਾ ਗਾਂਧੀ ਕੇਂਦਰ' ਵਿਖੇ ਮੁਹੱਬਤ ਦੇ ਪ੍ਰਤੀਕ ਤਾਜ ਮਹਿਲ ਦੇ ਛੋਟੇ ਪ੍ਰਤੀਰੂਪ ਦੇ ਨਿਰਮਾਣ ਦੀ ਯੋਜਨਾ ਬਣਾਈ ਗਈ ਹੈ।

'ਨਿਊਜ਼ੀਲੈਂਡ ਹੇਰਾਲਡ' ਅਖ਼ਬਾਰ ਮੁਤਾਬਿਕ ਕੇਂਦਰ ਦੇ ਪ੍ਰਧਾਨ ਕਾਨੂ ਪਟੇਲ ਦਾ ਕਹਿਣਾ ਹੈ ਕਿ ਉਹ ਇਥੇ ਕੁਝ ਅਜਿਹਾ ਬਣਾਉਣਾ ਚਾਹੁੰਦੇ ਹਨ ਜੋ ਭਾਰਤ ਦੀ ਅਮੀਰ ਸੰਸਕ੍ਰਿਤੀ, ਇਤਿਹਾਸ ਅਤੇ ਮਹਿਮਾ ਦਾ ਪ੍ਰਤੀਕ ਹੋਵੇ ਅਤੇ ਇਥੇ ਰਹਿਣ ਵਾਲਾ ਭਾਰਤੀ ਭਾਈਚਾਰਾ ਜਿਸ 'ਤੇ ਮਾਣ ਕਰ ਸਕੇ।

ਇਸ ਵਿਚ ਸੰਗਮਰਮਰ ਦਾ ਮਕਬਰਾ, ਇਕ ਤਲਾਬ ਅਤੇ ਸੋਨੇ ਦੀ ਪਰਤ ਵਾਲੇ ਗਹਿਣੇ ਸ਼ਾਮਿਲ ਹੋਣਗੇ। ਇਕ ਹੈਕਟੇਅਰ ਖੇਤਰ 'ਚ ਮਹਾਤਮਾ ਗਾਂਧੀ ਕੇਂਦਰ 60 ਲੱਖ ਡਾਲਰ ਦੀ ਲਾਗਤ ਨਾਲ ਬਣਿਆ ਹੈ। ਆਕਲੈਂਡ ਦੇ ਭਾਰਤੀ ਸੰਘ ਨੇ 1990 ਵਿਚ ਇਸ ਨੂੰ ਫਿੰਡਲੇ ਬੇਕਰੀ ਤੋਂ 19 ਲੱਖ ਡਾਲਰ 'ਚ ਖਰੀਦਿਆ ਸੀ।

ਇਸ ਨਿਰਮਾਣ ਲਈ ਕੇਂਦਰ ਨੇ ਇਸੇ ਮਹੀਨੇ ਧਨ ਜਮ੍ਹਾਂ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਸ੍ਰੀ ਪਟੇਲ ਦਾ ਕਹਿਣਾ ਹੈ ਕਿ ਇਸ ਇਮਾਰਤ ਨਾਲ ਨਾ ਕੇਵਲ ਭਾਰਤੀ ਭਾਈਚਾਰਾ ਬਲਕਿ ਆਕਲੈਂਡ ਸ਼ਹਿਰ ਨੂੰ ਵੀ ਫਾਇਦਾ ਹੋਵੇਗਾ। ਤਾਜ ਮਹਿਲ ਦਾ ਪ੍ਰਤੀਰੂਪ ਸੈਲਾਨੀਆਂ ਨੂੰ ਖਿੱਚੇਗਾ।
ਸਬੰਧਤ ਜਾਣਕਾਰੀ ਲੱਭੋ