Feedback
Print
ਅੱਖੀਆਂ ਉਡੀਕ ਦੀਆਂ ਰਿਲੀਜ਼ 
ਅੰਮ੍ਰਿਤਸਰ ਤੋਂ ਹਰਮਿੰਦਰ ਸਿੰਘ
ਸ਼ਨਿਵਾਰ, 3 ਅਕਟੂਬਰ 2009( 12:14 IST )
PR
PRਇਸ ਦੌਰਾਨ ਫ਼ਿਲਮ ਦੀ ਅਦਾਕਾਰਾ ਰੋਸ਼ਨੀ ਨੇ ਦੱਸਿਆ ਕਿ ਇਹ ਉਨ੍ਹਾਂ ਦੀ ਤੀਸਰੀ ਫ਼ਿਲਮ ਹੈ ਇਸ ਤੋਂ ਪਹਿਲਾਂ ਉਹ 'ਮਜਾਜਣ' ਅਤੇ 'ਜਗ ਜਿਉਂਦਿਆਂ ਦੇ ਮੇਲੇ' 'ਚ ਵੀ ਕੰਮ ਕਰ ਚੁੱਕੀ ਹੈ ਅਤੇ ਇਸ ਫ਼ਿਲਮ 'ਚ ਉਸ ਦੀ ਮੁੱਖ ਭੂਮਿਕਾ ਹੈ। ਉਸ ਨੇ ਕਿਹਾ ਕਿ ਫ਼ਿਲਮ ਦੌਰਾਨ ਦਰਸ਼ਕਾਂ ਦੀਆਂ ਤਾੜੀਆਂ ਦੀ ਗੂੰਜ ਨੇ ਇਹ ਸਾਬਤ ਕਰ ਦਿੱਤਾ ਹੈ ਕਿ ਫ਼ਿਲਮ 'ਚ ਉਨ੍ਹਾਂ ਵੱਲੋਂ ਨਿਭਾਇਆ ਕਿਰਦਾਰ ਦਰਸ਼ਕਾਂ ਨੂੰ ਪਸੰਦ ਆਇਆ ਹੈ।
ਇਸ ਫ਼ਿਲਮ 'ਚ ਇਕ ਲੜਕੀ ਦੇ ਪਿਤਾ ਦਾ ਕਿਰਦਾਰ ਨਿਭਾਅ ਰਹੇ ਗੁੱਗੂ ਗਿੱਲ ਨੇ ਕਿਹਾ ਕਿ ਇਸ ਫ਼ਿਲਮ ਨੇ ਲੋਕਾਂ ਲਈ ਇਕ ਚੰਗਾ ਸੰਦੇਸ਼ ਗੁੰਦਿਆ ਹੈ ਤੇ ਫ਼ਿਲਮ ਰਾਹੀਂ ਜੋ ਕੋਸ਼ਿਸ਼ਾਂ ਕੀਤੀਆਂ ਹਨ ਉਹ ਇਕ ਪ੍ਰਸੰਸਾਯੋਗ ਕਦਮ ਹੈ।
ਫ਼ਿਲਮ ਦੀ ਕਹਾਣੀ ਦੇ ਲੇਖਕ ਸੁਖਵਿੰਦਰ ਸੁੱਖੀ ਨੇ ਕਿਹਾ ਕਿ ਅੱਜ ਦਰਸ਼ਕਾਂ ਵੱਲੋਂ ਮਿਲੇ ਪਿਆਰ ਤੋਂ ਉਹ ਬਹੁਤ ਖੁਸ਼ ਹਨ ਤੇ ਇਹ ਫ਼ਖਰ ਮਹਿਸੂਸ ਕਰਦੇ ਹਨ ਕਿ ਜਿਸ ਮਕਸਦ ਦੀ ਸੋਚ ਲੈ ਕੇ ਉਨ੍ਹਾਂ ਨੇ ਕਲਮ ਚੁੱਕ ਕੇ ਫ਼ਿਲਮ ਦੀ ਕਹਾਣੀ ਲਿਖੀ ਉਸ ਨੇ ਦਰਸ਼ਕਾਂ ਨੇ ਸਾਕਾਰ ਦਰ ਦਿੱਤਾ ਹੈ। ਸੁੱਖੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਸ ਵੇਲੇ ਹੋਰ ਵੀ ਵਧੇਰੇ ਖੁਸ਼ੀ ਹੋਵੇਗੀ ਜਦੋਂ 13 ਜਨਵਰੀ ਨੂੰ ਮਾਪੇ ਆਪਣੀ ਲੜਕੀ ਦੀ ਲੋਹੜੀ ਵੀ ਲੜਕਿਆਂ ਵਾਂਗ ਮਨਾਉਣਗੇ। ਇਸ ਮੌਕੇ ਦਵਿੰਦਰ ਬੌਬੀ, ਨਵਤੇਜ ਸੰਧੂ, ਗੁੱਡੂ ਜੇਠੂਵਾਲ ਆਦਿ ਵੀ ਹਾਜ਼ਰ ਸਨ।
Courtesy - ਰੋਜ਼ਾਨਾ ਅਜੀਤ