ਕੈਟਰੀਨਾ ਕੈਫ਼ | ਅਮਿਤਾਭ ਬੱਚਨ | ਖਬਰਾਂ/ ਗੱਪ ਸ਼ਪ | ਆੳਣ ਵਾਲੀ ਫਿਲਮ | ਫਿਲਮ ਸਮੀਖਿਆ | ਫਿਲਮੀ ਲੇਖ | ਫਿਲਮੀ ਸਫਰਨਾਮਾ | ਮੁਲਾਕਾਤ | ਸਟਾਰ ਪ੍ਰੋਫਾਈਲ
Feedback
Print
ਜਯਾਪ੍ਰਦਾ ਨੇ ਦਿਖਾਇਆ ਆਪਣਾ ਵਡੱਪਣ 
 | ||
|
ਵਿਸ਼ਾਲ ਕੌਸ਼ਿਕ, ਆਰੀਅਨ ਸਿੰਘ, ਲੋਪਾ ਭੱਟ, ਤੋਨੋਸ਼ਾ ਪਵਾਰ ਆਦਿ ਵਰਗੇ ਨਵੇਂ ਕਲਾਕਾਰਾਂ ਨੂੰ ਚਮਕਾਉਂਦੀ ਇਸ ਫ਼ਿਲਮ ਵਿਚ ਮੁਕੇਸ਼ ਰਿਸ਼ੀ ਅਤੇ ਮੁਕੇਸ਼ ਤਿਵਾੜੀ ਵੀ ਹਨ ਅਤੇ ਇਹ ਫ਼ਿਲਮ ਵਿੱਕੀ ਕੁਮਾਰ ਵੱਲੋਂ ਨਿਰਦੇਸ਼ਿਤ ਕੀਤੀ ਗਈ ਹੈ।
ਜਯਾਪ੍ਰਦਾ ਨੂੰ ਇਸ ਸਮਾਰੋਹ ਵਿਚ ਮੁੱਖ ਮਹਿਮਾਨ ਦੇ ਤੌਰ 'ਤੇ ਸੱਦਣ ਦੀ ਵਜ੍ਹਾ ਬਾਰੇ ਪੁੱਛਣ 'ਤੇ ਵਿੱਕੀ ਕੁਮਾਰ ਨੇ ਦੱਸਿਆ, 'ਇਸ ਫ਼ਿਲਮ ਦਾ ਮਹੂਰਤ ਜਯਾ ਜੀ ਦੇ ਹੱਥੋਂ ਕੀਤਾ ਗਿਆ ਸੀ। ਉਨ੍ਹਾਂ ਦੇ ਲੱਕੀ ਟਚ ਦੀ ਵਜ੍ਹਾ ਨਾਲ ਫ਼ਿਲਮ ਤੈਅ ਸਮੇਂ ਵਿਚ ਬਣ ਕੇ ਤਿਆਰ ਹੋ ਗਈ ਅਤੇ ਰਿਲੀਜ਼ ਦੇ ਕਗਾਰ ਤੱਕ ਆ ਪਹੁੰਚੀ। ਉਨ੍ਹਾਂ ਦੇ ਇਸੇ ਲੱਕੀ ਟਚ ਨੂੰ ਬਰਕਰਾਰ ਰੱਖਦੇ ਹੋਏ ਅਸੀਂ ਇਸ ਫ਼ਿਲਮ ਦਾ ਸੰਗੀਤ ਉਨ੍ਹਾਂ ਦੇ ਹੱਥੋਂ ਰਿਲੀਜ਼ ਕਰਵਾਉਣਾ ਚੰਗਾ ਸਮਝਿਆ।'
ਵਿੱਕੀ ਕੁਮਾਰ ਨੇ ਆਪਣੇ ਵੱਲੋਂ ਇਹ ਸਫਾਈ ਦਿੱਤੀ ਪਰ ਪੜਤਾਲ ਕਰਨ 'ਤੇ ਨਵੀਂ ਗੱਲ ਸਾਹਮਣੇ ਆਈ ਅਤੇ ਉਹ ਇਹ ਕਿ ਵਿੱਕੀ ਦੇ ਪਿਤਾ ਰਮੇਸ਼ ਇਕ ਲੰਮੇ ਸਮੇਂ ਤੋਂ ਸੈਕਟਰੀ ਦੇ ਤੌਰ 'ਤੇ ਜਯਾਪ੍ਰਦਾ ਦਾ ਕੰਮ ਦੇਖ ਰਹੇ ਹਨ। ਆਪਣੇ ਬੇਟੇ ਦੀ ਫ਼ਿਲਮ ਨੂੰ ਪ੍ਰਮੋਟ ਕਰਨ ਲਈ ਉਨ੍ਹਾਂ ਨੇ ਜਯਾਪ੍ਰਦਾ ਦੀ ਮਦਦ ਲੈਣਾ ਠੀਕ ਸਮਝਿਆ ਅਤੇ ਇਹੀ ਵਜ੍ਹਾ ਸੀ ਕਿ ਆਪਣੇ ਸੈਕਟਰੀ ਦੇ ਬੇਟੇ ਦੀ ਫ਼ਿਲਮ ਦੇ ਪ੍ਰਚਾਰ ਲਈ ਜਯਾਪ੍ਰਦਾ ਆਪਣੇ ਰੁਝੇਵੇਂ ਭਰੇ ਸਮੇਂ ਵਿਚੋਂ ਸਮਾਂ ਕੱਢ ਕੇ ਸਮਾਰੋਹ ਵਿਚ ਆ ਪਹੁੰਚੀ ਸੀ।
ਹਾਲਾਂਕਿ ਜਯਾਪ੍ਰਦਾ ਦਾ ਇਸ ਫ਼ਿਲਮ ਵਿਚ ਕੋਈ ਲੈਣਾ-ਦੇਣਾ ਨਹੀਂ ਹੈ ਪਰ ਆਪਣੇ ਸੈਕਟਰੀ ਦੇ ਬੇਟੇ ਦੀ ਖਾਤਿਰ ਉਨ੍ਹਾਂ ਨੇ ਇਸ ਫ਼ਿਲਮ ਨੂੰ ਪ੍ਰਮੋਟ ਕਰਨਾ ਆਪਣਾ ਫਰਜ਼ ਸਮਝਿਆ। ਇਹ ਦੱਸਣ ਦੀ ਜ਼ਰੂਰਤ ਨਹੀਂ ਕਿ ਜਯਾਪ੍ਰਦਾ ਦੀ ਹਾਜ਼ਰੀ ਦੀ ਬਦੌਲਤ ਫ਼ਿਲਮ ਦੇ ਨਵੇਂ ਕਲਾਕਾਰਾਂ ਦਾ ਉਤਸ਼ਾਹ ਦੁੱਗਣਾ ਹੋ ਗਿਆ।
Courtesy - ਰੋਜਾਨਾ ਅਜੀਤ