ਕੈਟਰੀਨਾ ਕੈਫ਼ | ਅਮਿਤਾਭ ਬੱਚਨ | ਖਬਰਾਂ/ ਗੱਪ ਸ਼ਪ | ਆੳਣ ਵਾਲੀ ਫਿਲਮ | ਫਿਲਮ ਸਮੀਖਿਆ | ਫਿਲਮੀ ਲੇਖ | ਫਿਲਮੀ ਸਫਰਨਾਮਾ | ਮੁਲਾਕਾਤ | ਸਟਾਰ ਪ੍ਰੋਫਾਈਲ
Feedback
Print
ਕੁਰਬਾਨ ਇੱਕ ਰੋਮਾਂਟਿਕ ਥ੍ਰੀਲਰ ਹੈ: ਕਰੀਨਾ 
IFM
ਕੁਰਬਾਨ ਫ਼ਿਲਮ ਵਿੱਚ ਤੁਸੀਂ ਕਿਸ ਤਰ੍ਹਾਂ ਦਾ ਕਿਰਦਾਰ ਨਿਭਾ ਰਹੀ ਹੋ?
ਫ਼ਿਲਮ ਵਿੱਚ ਮੇਰਾ ਕਿਰਦਾਰ ਅਵੰਤਿਕਾ ਦਾ ਹੈ ਜਿਸ ਦੇ ਆਲੇ ਦੁਆਲੇ ਪੂਰੀ ਕਹਾਣੀ ਘੂੰਮਦੀ ਹੈ। ਅਵੰਤਿਕਾ ਇੱਕ ਕਾਲਜ ਵਿੱਚ ਪ੍ਰੋਫੇਸਰ ਹੈ ਜਿਸ ਨੂੰ ਸੈਫ ਨਾਲ ਪਿਆਰ ਹੋ ਜਾਂਦਾ ਹੈ। ਦੋਵੇ ਵਿਆਹ ਕਰਦੇ ਹਨ ਅਤੇ ਅਮਰੀਕਾ ਚਲੇ ਜਾਂਦੇ ਹਨ। ਉੱਥੇ ਜਾ ਕੇ ਉਸ ਨੂੰ ਪਤਾ ਚਲਦਾ ਹੈ ਕਿ ਉਸ ਦੇ ਨਾਲ ਧੋਖਾ ਹੋਇਆ ਹੈ।
ਕਿਹਾ ਜਾ ਰਿਹਾ ਹੈ ਕਿ ਫ਼ਿਲਮ ਅੱਤਵਾਦ ਤੇ ਅਧਾਰਿਤ ਹੈ?
ਫ਼ਿਲਮ ਵਿੱਚ ਅੱਤਵਾਦ ਨੂੰ ਦਿਖਾਇਆ ਗਿਆ ਹੈ, ਪਰ ਇਹ ਇੱਕ ਰੋਮਾਂਟਿਕ ਥ੍ਰੀਲਰ ਹੈ। ਕਹਾਣੀ ਅੱਤਵਾਦ ਤੇ ਅਧਾਰਿਤ ਨਹੀਂ ਹੈ, ਬਲਕਿ ਉਹ ਕਹਾਣੀ ਦਾ ਇੱਕ ਹਿੱਸਾ ਹੈ।
ਇਸ ਫ਼ਿਲਮ ਦੇ ਨਿਰਦੇਸ਼ਕ ਰੇਂਸਿਲ ਡੀਸਿਲਵਾ ਦੇ ਨਾਲ ਕੰਮ ਕਰਨ ਦਾ ਅਨੁਭਵ ਕਿਹੋ ਜਿਹਾ ਰਿਹਾ?
ਬਹੁਤ ਚੰਗਾ ਰਿਹਾ। ਉਹ ਅੱਜ ਦੇ ਨਿਰਦੇਸ਼ਕ ਹਨ। ਅੱਜ ਦੀਆਂ ਫ਼ਿਲਮਾਂ ਬਣਾ ਰਹੇ ਹਨ ਜਿਨ੍ਹਾਂ ਵਿੱਚ ਸਭ ਕੁੱਝ ਨਵੇਂ ਢੰਗ ਦਾ ਹੈ। ਉਹਨਾਂ ਨਾਲ ਕੰਮ ਕਰਕੇ ਇੱਕ ਤਾਜਗੀ ਦਾ ਅਹਿਸਾਸ ਹੁੰਦਾ ਹੈ।
ਫ਼ਿਲਮ ਦੇ ਦੌਰਾਨ ਆਪਣੇ ਅੱਤਵਾਦ ਨੂੰ ਕਰੀਬ ਨਾਲ ਵੇਖਿਆ। ਤੁਹਾਨੂੰ ਇਸ ਦਾ ਕੀ ਕਾਰਨ ਲੱਗਦਾ ਹੈ?
ਫ਼ਿਲਮ ਅਸਲ ਵਿੱਚ ਇੱਕ ਲਵ ਸਟਰੀ ਹੈ, ਪਰ ਉਸ ਵਿੱਚ ਅੱਤਵਾਦ ਵੀ ਦਿਖਾਇਆ ਗਿਆ ਹੈ। ਮੇਰੇ ਲਈ ਅੱਤਵਾਦ ਬਹੁਤ ਹੀ ਗਲਤ ਹੈ, ਜਿਸ ਨੂੰ ਜੜ ਤੋਂ ਮਿਟਾਉਣ ਦੀ ਲੋੜ ਹੈ। ਜੋ ਲੋਕ ਅੱਤਵਾਦ ਫੈਲਾ ਰਹੇ ਹਨ ਉਹਨਾਂ ਨੂੰ ਸਮਝਨਾ ਚਾਹੀਦਾ ਹੈ ਕਿ ਅਸੀਂ ਸਾਰੇ ਇਨਸਾਨ ਹੈ। ਇਹ ਇੱਕ ਅਜਿਹੀ ਫ਼ਿਲਮ ਹੈ ਜਿਸ ਵਿੱਚ ਇਮੋਸ਼ੰਸ, ਐਨਰਜੀ ਅਤੇ ਪੈਸ਼ਨ ਸਾਰੀਆਂ ਚੀਜਾਂ ਹਨ।
ਫ਼ਿਲਮ ਵਿੱਚ ਕਿਸ ਪ੍ਰਕਾਰ ਦੇ ਗੀਤ ਹਨ?
ਫ਼ਿਲਮ ਵਿੱਚ ਗੀਤ ਹੈ ਪਰ ਵੱਖਰੇ ਤਰ੍ਹਾਂ ਦੇ। ਦਰਅਸਲ, ਇਹ ਚਾਰ ਗੀਤ ਅਤੇ ਮਜਾਕ ਦੀ ਫ਼ਿਲਮ ਨਹੀਂ ਹੈ। ਹੁਣ ਦਰਸ਼ਕ ਵੀ ਚਾਰ ਗੀਤ ਅਤੇ ਹਾਸੇ-ਮਜਾਕ ਵਾਲੀ ਫ਼ਿਲਮਾਂ ਵੇਖ ਕੇ ਥੱਕ ਗਏ ਹਨ। ਹੁਣ ਉਹ ਕੁੱਝ ਵੱਖਰਾ ਅਤੇ ਬਿਹਤਰੀਨ ਵੇਖਣਾ ਚਾਹੁੰਦੇ ਹਨ, ਜੋ ਅਸੀਂ ਇਸ ਫ਼ਿਲਮ ਦੇ ਰਾਹੀਂ ਉਹਨਾਂ ਨੂੰ ਦੇਣ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਫ਼ਿਲਮ ਵਿੱਚ ਤੁਹਾਨੂੰ ਅਸਲੀ ਕਰੀਨਾ ਨੂੰ ਵੇਖਣ ਨੂੰ ਮਿਲੇਗਾ। ਮੈਂ ਅਸਲ ਜਿੰਦਗੀ ਵਿੱਚ ਜਿਸ ਤਰ੍ਹਾਂ ਦੀ ਹਾਂ ਉਸੇ ਤਰ੍ਹਾਂ ਦੀ ਨਜ਼ਰ ਆਵਾਂਗੀ।
ਸੈਫ ਦੇ ਬਾਰੇ ਵਿੱਚ ਤੁਸੀਂ ਕੀ ਕਹੋਗੇ?
ਸੈਫ ਵਿੱਚ ਪਹਿਲਾਂ ਤੋਂ ਕਾਫੀ ਬਦਲਾਅ ਆਇਆ ਹੈ। 'ਦਿਲ ਚਾਹਤਾ ਹੈ' ਤੋਂ ਲੈ ਕੇ ਹੁਣ ਤੱਕ ਸੈਫ ਨੇ ਆਪਣੇ ਆਪ ਨੂੰ ਬਹੁਤ ਬਦਲਿਆ ਹੈ। ਉਹ ਬਹੁਤ ਵਧੀਆ ਕਲਾਕਾਰ ਹਨ। ਉਹਨਾਂ ਦੇ ਨਾਲ ਕੰਮ ਕਰਨਾ ਕਿਸੇ ਵੀ ਅਭਿਨੇਤਰੀ ਲਈ ਸ਼ਾਨਦਾਰ ਅਨੁਭਵ ਹੈ। ਜਿੱਥੇ ਤੱਕ ਸਾਡੇ ਵਿਅਕਤੀਗਤ ਰਿਸ਼ਤੇ ਦੀ ਗੱਲ ਹੈ ਤਾਂ ਮੈਨੂੰ ਲੱਗਦਾ ਹੈ ਕਿ ਮੇਰੇ ਕਾਰਨ ਸੈਫ ਦੀ ਜਿੰਦਗੀ ਵਿੱਚ ਥੋੜਾ ਠਹਿਰਾਵ ਆ ਗਿਆ ਹੈ। ਉਸ ਦਾ ਮਨ ਕੰਮ ਵਿੱਚ ਜਿਆਦਾ ਲੱਗਣ ਲਗਿਆ ਹੈ, ਕਿਉਂਕਿ, ਮੈਂ ਆਪਣੇ ਕੰਮ ਵਿੱਚ ਰੁੱਝੀ ਰਹਿੰਦੀ ਹਾਂ। ਉਹਨਾਂ ਨੂੰ ਵੀ ਕਹਿੰਦੀ ਹਾਂ ਕਿ ਬਹੁਤ ਕੰਮ ਕਰਨ ਅਤੇ ਮੀਡੀਆ ਨਾਲ ਦੋਸਤਾਨਾ ਵਿਵਹਾਰ ਰੱਖਣ।
ਬਤੌਰ ਅਭਿਨੇਤਾ ਤੁਹਾਨੂੰ ਸੈਫ ਦੀ ਕਿਹੜੀ ਗੱਲ ਚੰਗੀ ਲੱਗਦੀ ਹੈ?
ਸੈਫ ਦੀ ਖਾਸ ਗੱਲ ਇਹ ਹੈ ਕਿ ਉਹ ਹਮੇਸ਼ਾ ਸਕ੍ਰਿਪਟ ਵੇਖ ਕੇ ਹੀ ਫ਼ਿਲਮ ਸਾਈਨ ਕਰਦੇ ਹਨ। ਜੇ ਸਕ੍ਰਿਪਟ ਪਸੰਦ ਨਹੀਂ ਆਉਂਦੀ ਤਾਂ ਉਹ ਮਨ੍ਹਾਂ ਕਰ ਦਿੰਦੇ ਹਨ, ਫਿਰ ਭਾਵੇ ਉਹ ਕਿਸੇ ਦੀ ਵੀ ਫ਼ਿਲਮ ਹੋਵੇ। ਜੇ ਉਹਨਾਂ ਦੇ ਪਰਿਵਾਰ ਦਾ ਕੋਈ ਮੈਂਬਰ ਵੀ ਉਹਨਾਂ ਨੂੰ ਫ਼ਿਲਮ ਕਰਨ ਲਈ ਬੋਲੇ ਤਾਂ ਉਹ ਪਹਿਲਾ ਸਕ੍ਰਿਪਟ ਵੇਖਣਗੇ ਫਿਰ ਜੇ ਉਹਨਾਂ ਨੂੰ ਲਗੇਗਾ ਕਿ ਸਕ੍ਰਿਪਟ ਚੰਗੀ ਹੈ ਤਾਂ ਉਹ ਉਸ ਨੂੰ ਸਾਈਨ ਕਰਨਗੇ।
ਜੋ ਲੋਕ ਤੁਹਾਡੀ ਭੈਣ ਕ੍ਰਿਸ਼ਮਾ ਦੇ ਹੀਰੋ ਰਹਿ ਚੁਕੇ ਹਨ, ਉਹਨਾਂ ਨਾਲ ਕੰਮ ਕਰਨ ਦਾ ਅਨੁਭਵ ਕਿਹੋ ਜਿਹਾ ਰਿਹਾ?
ਮੈਂ ਜਿਹੜੇ ਅਭਿਨੇਤਾਵਾਂ ਨਾਲ ਕੰਮ ਕਰ ਰਹੀ ਹਾਂ ਲਗਭਗ ਸਾਰੇ ਕ੍ਰਿਸ਼ਮਾ ਦੇ ਹੀਰੋ ਸੀ। ਫਿਰ ਭਾਵੇਂ ਉਹ ਅਕਸ਼ੈ ਹੋਣ, ਸਲਮਾਨ ਹੋਣ, ਆਮਿਰ ਹੋਣ ਜਾਂ ਫਿਰ ਆਪ ਸੈਫ ਹਨ। ਸਭ ਨੂੰ ਲੱਗਦਾ ਹੈ ਕਿ ਮੈਂ ਛੋਟੀ ਹਾਂ ਅਤੇ ਉਹ ਹਮੇਸ਼ਾ ਮੈਨੂੰ ਬੱਚੀ ਦੀ ਤਰ੍ਹਾਂ ਟ੍ਰੀਟ ਕਰਦੇ ਹਨ। ਦਰਅਸਲ, ਕ੍ਰਿਸ਼ਮਾ ਦੇ ਕਾਰਨ ਉਹ ਸਾਰਿਆਂ ਨਾਲ ਮੇਰਾ ਪਾਰਿਵਾਰਿਕ ਰਿਸ਼ਤਾ ਹੈ।
ਆਰਕੇ ਪ੍ਰੋਡੇਕਸ਼ਨ ਲਈ ਤੁਸੀਂ ਕੁੱਝ ਨਹੀਂ ਕਰਨਾ ਚਾਹੁੰਦੀ ਹੋ?
ਉਸ ਦੇ ਲਈ ਰਣਬੀਰ ਨੂੰ ਕਰਨਾ ਚਾਹੀਦਾ ਹੈ ਮੈਂ ਤਾਂ ਕਪੂਰ ਪਰਿਵਾਰ ਦੀ ਲੜਕੀ ਹਾਂ। ਕਿੰਨ੍ਹਾਂ ਕੰਮ ਕਰਾਂਗੀ। ਮੈਂ ਬਹੁਤ ਕੰਮ ਕਰ ਲਏ ਹਨ। ਉਹ ਘਰ ਦਾ ਬੇਟਾ ਹੈ ਉਸ ਨੂੰ ਕਰਨਾ ਚਾਹੀਦਾ ਹੈ।
ਰਣਬੀਰ ਨਾਲ ਤੁਹਾਡੀ ਮੁਲਾਕਾਤ ਜਾਂ ਗੱਲਬਾਤ ਹੁੰਦੀ ਹੈ?
ਮੇਰੀ ਰਣਬੀਰ ਨਾਲ ਮੁਲਾਕਾਤ ਹੁੰਦੀ ਰਹਿੰਦੀ ਹੈ। ਹੁਣ ਪਹਿਲੇ ਵਰਗਾ ਸਮਾਂ ਤੇ ਨਹੀਂ ਮਿਲ ਪਾਉਂਦਾ, ਪਰ ਪਾਰਿਵਾਰਿਕ ਪਾਰਟੀਆਂ, ਦੂਜੇ ਸਮਾਰੋਹ ਵਿੱਚ ਮੁਲਾਕਾਤ ਹੁੰਦੀ ਰਹਿੰਦੀ ਹੈ। ਫੋਨ ਤੇ ਵੀ ਗੱਲਾਂ ਹੁੰਦੀ ਰਹਿੰਦੀ ਹੈ। ਜਦੋਂ ਵੀ ਉਸ ਦੀਆਂ ਫ਼ਿਲਮਾਂ ਆਉਂਦੀਆ ਹਨ ਮੈਂ ਹਮੇਸ਼ਾ ਉਸ ਨੂੰ ਵਿਸ਼ ਕਰਦੀ ਹਾਂ। ਮੈਂ ਉਸ ਦੀ 'ਬਚਨਾ ਏ ਹਸੀਨੋ' ਅਤੇ 'ਸਾਂਵਰੀਆ' ਵੇਖੀ ਸੀ। ਉਸ ਦਾ ਅਭਿਨੈ ਵੇਖ ਕੇ ਲੱਗਦਾ ਹੈ ਕਿ ਉਹ ਕਪੂਰ ਪਰਿਵਾਰ ਦੀ ਪਰੰਪਰਾ ਨੂੰ ਅੱਗੇ ਲੈ ਕੇ ਜਾਵੇਗਾ।
ਅਭਿਨੇਤਰੀਆਂ ਵਿੱਚ ਤੁਹਾਡੀ ਪਸੰਦੀਦਾ ਅਭਿਨੇਤਰੀ ਕੌਣ ਸੀ ਹੈ?
ਮੈਨੂੰ ਪ੍ਰਿਅੰਕਾ ਚੋਪੜਾ ਬਹੁਤ ਪਸੰਦ ਹੈ। ਇਹ ਬਹੁਤ ਚੰਗਾ ਕੰਮ ਕਰ ਰਹੀ ਹੈ, ਪਰ ਜੇ ਮੇਰੇ ਤੇ ਕਿਸੇ ਦਾ ਜਾਦੂ ਹੈ ਤਾਂ ਉਹ ਕਾਜੋਲ ਅਤੇ ਕ੍ਰਿਸ਼ਮਾ ਹੈ। ਮੈਂ ਅੱਜ ਵੀ ਸੋਚਦੀ ਗਾਂ ਕਿ ਉਹ ਐਨਾ ਚੰਗਾ ਕੰਮ ਕਿਵੇਂ ਕਰ ਲੈਂਦੀ ਸੀ।
ਤੁਹਾਡੇ ਆਉਣ ਵਾਲੇ ਪ੍ਰੋਜੇਕਟ ਕਿਹੋ ਜਿਹੇ ਹਨ?
ਕੁਰਬਾਨ ਦੇ ਬਾਅਦ ਆਮਿਰ ਦੇ ਨਾਲ 3 ਇਡਿਯਟਸ ਆ ਰਹੀ ਹੈ। ਉਸ ਦੇ ਬਾਅਦ ਕਰਨ ਜੌਹਰ ਦੀ ਇੱਕ ਫ਼ਿਲਮ ਹੈ, ਜਿਸ ਵਿੱਚ ਕਾਜੋਲ ਮੇਰੇ ਨਾਲ ਕੰਮ ਕਰ ਰਹੀ ਹੈ। ਇਸ ਦੇ ਨਾਲ ਹੀ ਸੈਫ ਅਲੀ ਖਾਨ ਦੀ ਹੋਮ ਪ੍ਰੋਡਕਸ਼ਨ ਫ਼ਿਲਮ ਏਜੰਟ ਵਿਨੋਦ ਕਰ ਰਹੀ ਹਾਂ।