ਨਿਰਮਾਤਾ : ਆਦਿਤਯ ਚੋਪੜਾ
ਨਿਰਦੇਸ਼ਕ : ਵਿਜੈ ਕ੍ਰਿਸ਼ਨ ਆਚਾਰਿਆ
ਸੰਗੀਤ : ਵਿਸ਼ਾਲ ਸ਼ੇਖਰ
ਕਲਾਕਾਰ : ਅਕਸ਼ੈ ਕੁਮਾਰ, ਕਰੀਨਾ ਕਪੂਰ, ਸੈਫ ਅਲੀ ਖਾਨ, ਅਨਿਲ ਕਪੂਰ
ਰੇਟਿੰਗ : 2/5
1970 ਅਤੇ 80 ਦੇ ਦਸ਼ਕ ਵਿੱਚ ਬਾਲੀਵੁੱਡ ਦੀਆਂ ਮਸਾਲਾ ਫਿਲਮਾਂ ਵਿੱਚ ਫਾਰਮੂਲਾ ਦਾ ਜੋਰ ਸੀ। ਬਚਪਨ ਵਿੱਚ ਮਾਸੂਮ ਬੱਚੇ ਦੇ ਪਿਤਾ ਦੀ ਹੱਤਿਆ ਕਰ ਦਿੱਤੀ ਜਾਂਦੀ ਹੈ। ਹਤਿਆਰੇ ਨੂੰ ਸਿਰਫ ਬੱਚਾ ਪਹਿਚਾਣਦਾ ਹੈ ਅਤੇ ਉਹ ਵੱਡਾ ਹੋ ਕੇ ਬਦਲਾ ਲੈਂਦਾ ਹੈ।
ਇੱਕ ਫਾਰਮੂਲਾ ਹੁੰਦਾ ਹੈ ਪ੍ਰੇਮ। ਬਚਪਨ ਵਿੱਚ ਮੁੰਡਾ-ਕੁੜੀ ਵਿੱਚ ਪ੍ਰੇਮ ਹੋ ਜਾਂਦਾ ਹੈ ਅਤੇ ਉਸਦੇ ਬਾਅਦ ਦੋਨੇਂ ਵਿਛੜ ਜਾਂਦੇ ਹਨ। ਉਹ ਜਵਾਨ ਹੋ ਜਾਂਦੇ ਹਨ ਪਰ ਬਚਪਨ ਦਾ ਪਿਆਰ ਭੁਲਾ ਨਹੀਂ ਸਕਦੇ। ਵੱਡੇ ਹੋਣ ਦੇ ਬਾਅਦ ਜਿੰਦਗੀ ਉਹਨਾਂ ਨੂੰ ਫਿਰ ਇਕੱਠੇ ਕਰ ਦਿੰਦੀ ਹੈ, ਪਰ ਉਹ ਇੱਕ-ਦੂਜੇ ਨੂੰ ਪਹਿਚਾਣਦੇ ਨਹੀਂ। ਫਿਲਮ ਸਮਾਪਤ ਹੋਣ ਤੋਂ ਪਹਿਲਾਂ ਘਟਨਾਕ੍ਰਮ ਅਜਿਹਾ ਘਟਦਾ ਹੈ ਕਿ ਉਹਨਾਂ ਨੂੰ ਸਭ ਕੁਝ ਯਾਦ ਆ ਜਾਂਦਾ ਹੈ।
ਉਸ ਸਮੇਂ ਫਿਲਮ ਦਾ ਕਲਾਈਮੈਕਸ ਅਕਸਰ ਵਿਲਨ ਦੇ ਅੱਡੇ ਤੇ ਫਿਲਮਾਇਆ ਜਾਂਦਾ ਸੀ। ਜਿੱਥੇ ਵੱਡੇ-ਵੱਡੇ ਖਾਲੀ ਡੱਬੇ ਅਤੇ ਪੀਪੇ ਪਏ ਹੁੰਦੇ ਸਨ। ਨਾਇਕ ਅਤੇ ਖਲਨਾਇਕ ਉੱਥੇ ਮਾਰਾਮਾਰੀ ਕਰਦੇ ਸਨ ਅਤੇ ਉਹ ਖਾਲੀ ਡੱਬੇ ਧੜਾਧੜ ਡਿੱਗਦੇ ਸਨ।
ਲੜਦੇ-ਲੜਦੇ ਅਚਾਨਕ ਅੱਗ ਵੀ ਲੱਗ ਜਾਂਦੀ ਸੀ। ਖਲਨਾਇਕ ਹਜਾਰਾਂ ਗੋਲੀਆਂ ਚਲਾਉਂਦਾ ਸੀ, ਪਰ ਉਸਦਾ ਨਿਸ਼ਾਨਾ ਹਮੇਸ਼ਾ ਕਮਜੋਰ ਰਹਿੰਦਾ ਸੀ। ਹੀਰੋ ਨੂੰ ਇੱਕ ਵੀ ਗੋਲੀ ਨਹੀਂ ਲੱਗਦੀ ਸੀ। ਹੀਰੋ ਨੂੰ ਬੇਵਕੂਫ ਪੁਲਿਸ ਅਫਸਰ ਲੱਭਦੇ ਹੋਏ ਆਉਂਦਾ ਸੀ, ਤਾਂ ਉਹ ਭੇਸ਼ ਬਦਲ ਕੇ ਗਾਣਾ ਗਾਉਣ ਲੱਗਦਾ ਸੀ।
ਇੱਥੇ ਇਹਨਾਂ ਫਾਰਮੂਲਿਆਂ ਨੂੰ ਯਾਦ ਕਰਨ ਦਾ ਮਕਸਦ ਫਿਲਮ 'ਟਸ਼ਨ' ਹੈ। ਉਹਨਾਂ ਫਾਰਮੂਲਿਆਂ ਦਾ ਉਪਯੋਗ ਨਿਰਦੇਸ਼ਕ ਵਿਜੈ ਕ੍ਰਿਸ਼ਨ ਆਚਾਰਿਆ ਨੇ 'ਟਸ਼ਨ' ਵਿੱਚ ਕੀਤਾ ਹੈ, ਜਿਹਨਾਂ ਦਾ ਉਪਯੋਗ ਹੁਣ ਫਾਰਮੂਲਾ ਫਿਲਮਕਾਰ ਵੀ ਨਹੀਂ ਕਰਦੇ ਹਨ।
ਵਿਜੈ, ਜਿਹਨਾਂ ਨੇ ਫਿਲਮ ਦੀ ਕਹਾਣੀ ਅਤੇ ਸਕ੍ਰਿਪਟ ਵੀ ਲਿਖੀ ਹੈ, ਦਾ ਸਾਰਾ ਧਿਆਨ ਚਰਿੱਤਰਾਂ ਨੂੰ ਸਟਾਈਲਿਸ਼ ਲੁਕ ਦੇਣ ਵਿੱਚ ਰਿਹਾ ਹੈ। ਉਹਨਾਂ ਨੇ ਅਜਿਹੇ ਦਰਜੇ ਦੀ ਕਹਾਣੀ ਲਿਖੀ ਹੈ, ਜਿਸ ਵਿੱਚ ਬਹੁਤ ਸਾਰੇ ਅਗਰ-ਮਗਰ ਹਨ। ਫਿਲਮ ਏਨੀ ਸਟਾਈਲਿਸ਼ ਵੀ ਨਹੀਂ ਹੈ ਕਿ ਦਰਸ਼ਕ ਸਾਰੀਆਂ ਕਮੀਆਂ ਭੁੱਲ ਜਾਣ।
ਕਹਾਣੀ ਹੈ ਪੂਜਾ ਸਿੰਘ (ਕਰੀਨਾ ਕਪੂਰ) ਦੀ ਜੋ ਆਪਣੇ ਪਿਤਾ ਦੀ ਹੱਤਿਆ ਦਾ ਬਦਲਾ ਭਇਆ ਜੀ (ਅਨਿਲ ਕਪੂਰ) ਤੋਂ ਲੈਣਾ ਚਾਹੁੰਦੀ ਹੈ। ਭਇਆ ਜੀ ਦੇ ਪੱਚੀ ਕਰੋੜ ਰੁਪਏ ਚੋਰੀ ਕਰਨ ਲਈ ਉਹ ਜਿਮੀ (ਸੈਫ ਅਲੀ ਖਾਨ) ਦਾ ਸਹਾਰਾ ਲੈਂਦੀ ਹੈ। ਜਿਮੀ ਨਾਲ ਪਿਆਰ ਦਾ ਨਾਟਕ ਰਚਾ ਕੇ ਉਹ ਪੱਚੀ ਕਰੋੜ ਰੁਪਏ ਲੈ ਕੇ ਭੱਜ ਜਾਂਦੀ ਹੈ।
ਭਇਆ ਜੀ ਰੁਪਏ ਵਸੂਲਣ ਦੀ ਜਿੰਮੇਦਾਰੀ ਕਾਨਪੁਰ ਵਿੱਚ ਰਹਿਣ ਵਾਲੇ ਬੱਚਨ ਪਾਂਡੇ (ਅਕਸ਼ੈ ਕੁਮਾਰ) ਨੂੰ ਸੌਂਪਦੇ ਹਨ। ਬੱਚਨ ਨੂੰ ਪੂਜਾ ਆਪਣੇ ਪਿਆਰ ਦੇ ਜਾਲ ਵਿੱਚ ਫਸਾ ਕੇ ਬੇਵਕੂਫ ਬਣਾਉਣਾ ਚਾਹੁੰਦੀ ਹੈ, ਪਰ ਉਹ ਉਸਦੇ ਬਚਪਨ ਦਾ ਪਿਆਰ ਹੈ। ਅੰਤ ਵਿੱਚ ਜਿਮੀ, ਪੂਜਾ ਅਤੇ ਬੱਚਨ ਮਿਲ ਕੇ ਭਇਆ ਜੀ ਅਤੇ ਉਹਨਾਂ ਦੀ ਗੈਂਗ ਨੂੰ ਖਤਮ ਕਰ ਦਿੰਦੇ ਹਨ।
ਪੂਜਾ ਪੱਚੀ ਕਰੋੜ ਰੁਪਏ ਚੁਰਾਉਣ ਦੇ ਬਾਅਦ ਉਹਨਾਂ ਨੂੰ ਪੂਰੇ ਭਾਰਤ ਵਿੱਚ ਅਲੱਗ-ਅਲੱਗ ਥਾਵਾਂ ਤੇ ਰੱਖ ਦਿੰਦੀ ਹੈ। ਝੌਪੜੀਆਂ ਵਿੱਚ ਗ੍ਰਾਮੀਣ ਉਸਦੇ ਕਰੋੜਾਂ ਰੁਪਏ ਸੰਭਾਲਦੇ ਹਨ। ਇਸ ਬਹਾਨੇ ਬਹੁਤ ਸਾਰੀਆਂ ਥਾਵਾਂ ਤੇ ਘੁਮਾਇਆ ਗਿਆ ਹੈ।
ਫਿਲਮ ਦੀ ਸ਼ੂਟਿੰਗ ਲਦਾਖ, ਕੇਰਲ, ਹਰਿਦੁਆਰ ਅਤੇ ਗ੍ਰੀਸ ਵਿੱਚ ਕੀਤੀ ਗਈ ਹੈ। ਲੋਕੇਸ਼ਨ ਅਦਭੁੱਤ ਹੈ, ਪਰ ਹਰਿਦੁਆਰ ਅਤੇ ਰਾਜਸਥਾਨ ਜਾਂਦੇ ਸਮੇਂ ਵਿੱਚ ਹੀ ਗ੍ਰੀਸ ਦੇ ਲੋਕੇਸ਼ਨ ਆ ਜਾਂਦੇ ਹਨ।
ਫਿਲਮ ਦੇ ਕਲਾਈਮੈਕਸ ਵਿੱਚ ਕਈ ਸੀਨ ਕਾਮੇਡੀ ਭਰੇ ਹਨ। ਜਮੀਨ ਤੇ ਚੀਨੀ ਲੋਕਾਂ ਨਾਲ ਅਕਸ਼ੈ ਦੀ ਲੜਾਈ ਹੁੰਦੀ ਰਹਿੰਦੀ ਹੈ। ਅਗਲੇ ਸੀਨ ਵਿੱਚ ਉਹ ਬਿਜਲੀ ਦੇ ਖੰਭੇ ਤੇ ਲੜਨ ਲੱਗਦੇ ਹਨ। ਸੈਫ ਅਲੀ ਖਾਨ ਬੋਟ ਤੇ ਆ ਕੇ ਅਨਿਲ ਕਪੂਰ ਨੂੰ ਮਾਰਦਾ ਹੈ ਤਾਂ ਅਗਲੇ ਸੀਨ ਵਿੱਚ ਅਨਿਲ ਸਾਈਕਲ ਰਿਕਸ਼ਾ ਤੇ ਆ ਜਾਂਦਾ ਹੈ।
ਫਿਲਮ ਵਿੱਚ ਭਇਆ ਜੀ ਦੀ ਪੈਂਟ ਵਾਰ-ਵਾਰ ਖਿਸਕਦੀ ਰਹਿੰਦੀ ਹੈ ਅਤੇ ਭਇਆ ਜੀ ਉਸ ਨੂੰ ਉੱਪਰ ਖਿੱਚਦੇ ਰਹਿੰਦੇ ਹਨ। ਇਹੀ ਹਾਲ ਕਹਾਣੀ ਦਾ ਵੀ ਹੈ। ਵਾਰ-ਵਾਰ ਇਹ ਪਟੜੀ ਤੋਂ ਉੱਤਰ ਜਾਂਦੀ ਹੈ ਅਤੇ ਇਸ ਨੂੰ ਵਾਰ-ਵਾਰ ਪਟੜੀ ਤੇ ਖਿੱਚ ਕੇ ਲਿਆਇਆ ਜਾਂਦਾ ਹੈ। ਮੱਧ ਭਾਗ ਦੇ ਬਾਅਦ ਫਿਲਮ ਦੀ ਗਤੀ ਬਹੁਤ ਹੌਲੀ ਹੋ ਜਾਂਦੀ ਹੈ।
ਫਿਲਮ ਦਾ ਸਕਰਾਤਮਿਕ ਪਹਿਲੂ ਹੈ ਅਕਸ਼ੈ ਕੁਮਾਰ ਅਤੇ ਕਰੀਨਾ ਕਪੂਰ ਦਾ ਅਭਿਨੇ। ਕਰੀਨਾ ਇਸ ਫਿਲਮ ਦੀ ਹੀਰੋ ਹੈ ਅਤੇ ਸਕ੍ਰਿਪਟ ਉਹਨਾਂ ਨੂੰ ਕੇਂਦਰ ਵਿੱਚ ਰੱਖ ਕੇ ਹੀ ਲਿਖੀ ਗਈ ਹੈ। ਕਰੀਨਾ ਨੇ ਇਸ ਫਿਲਮ ਲਈ ਵਿਸ਼ੇਸ਼ ਰੂਪ ਨਾਲ ਜ਼ੀਰੋ ਫਿਗਰ ਬਣਾਇਆ ਅਤੇ ਉਸ ਨੂੰ ਬਹੁਤ ਦਿਖਾਇਆ। ਉਹਨਾਂ ਦਾ ਚਰਿੱਤਰ ਦੇ ਕਈ ਸ਼ੇਡਸ ਹਨ ਜਿਹਨਾਂ ਨੂੰ ਕਰੀਨਾ ਨੇ ਬਹੁਤ ਚੰਗੀ ਤਰ੍ਹਾਂ ਨਿਭਾਇਆ ਹੈ।
ਅਕਸ਼ੈ ਕੁਮਾਰ ਖਿਡਾਰੀ ਵਿਅਕਤੀ ਦੀ ਭੂਮਿਕਾ ਹਮੇਸ਼ਾ ਬਹੁਤ ਸ਼ਾਨਦਾਰ ਤਰੀਕੇ ਨਾਲ ਨਿਭਾਉਂਦੇ ਹਨ। ਇਸ ਫਿਲਮ ਵਿੱਚ ਵੀ ਉਹਨਾਂ ਦਾ ਅਭਿਨੇ ਪ੍ਰਸ਼ੰਸਾ ਯੋਗ ਹੈ। ਕਰੀਨਾ ਨਾਲ ਪਿਆਰ ਹੋਣ ਦੇ ਬਾਅਦ ਉਹਨਾਂ ਦੇ ਸ਼ਰਮਾਉਣ ਵਾਲਾ ਸੀਨ ਦੇਖਣ ਲਾਇਕ ਹੈ। ਉਹਨਾਂ ਨੇ ਆਪਣੇ ਚਰਿੱਤਰ ਦੀ ਬਾਡੀ ਲੈਂਗਵੇਜ ਨੂੰ ਬਾਰੀਕੀ ਨਾਲ ਫੜਿਆ ਹੈ।
ਸੈਫ ਦਾ ਚਰਿੱਤਰ ਥੋੜ੍ਹਾਅ ਦਬਿਆ ਹੋਇਆ ਹੈ, ਪਰ ਉਹਨਾਂ ਦਾ ਅਭਿਨੇ ਅਤੇ ਡਾਇਲਾਗ ਬੋਲਣ ਦਾ ਤਰੀਕਾ ਬਹੁਤ ਵਧੀਆ ਹੈ। ਅਨਿਲ ਕਪੂਰ ਨੇ ਹਿੰਗਲਿਸ਼ ਵਿੱਚ ਅਜਿਹੇ ਡਾਇਲਾਗ ਬੋਲੇ ਹਨ ਕਿ ਅੱਧੇ ਤੋਂ ਜਿਆਦਾ ਸਮਝ ਵਿੱਚ ਨਹੀਂ ਆਉਂਦੇ। ਅਨਿਲ ਦਾ ਅਭਿਨੇ ਚੰਗਾ ਹੈ, ਪਰ ਉਹਨਾਂ ਦਾ ਚਰਿੱਤਰ ਬੋਰ ਕਰਦਾ ਹੈ।
ਵਿਸ਼ਾਲ ਸ਼ੇਖਰ ਦਾ ਸੰਗੀਤ ਫਿਲਮ ਦੇਖਦੇ ਸਮੇਂ ਜਿਆਦਾ ਚੰਗਾ ਲੱਗਦਾ ਹੈ। 'ਛਲਿਆ', 'ਦਿਲ ਡਾਂਸ ਮਾਰੇ' ਅਤੇ 'ਫਲਕ ਤਕ' ਦਾ ਫਿਲਮਾਂਕਣ ਵਧੀਆ ਹੈ।
'ਟਸ਼ਨ' ਦੀ ਟੈਗ ਲਾਈਨ ਹੈ, ਦ ਸਟਾਈਲ, ਦ ਗੁਡਲਕ, ਦ ਫਾਰਮੂਲਾ, ਪਰ ਫਿਲਮ ਵਿੱਚ ਸਿਰਫ ਬੇਅਸਰ ਹੋ ਚੁੱਕਿਆ ਫਾਰਮੂਲਾ ਹੀ ਨਜ਼ਰ ਆਉਂਦਾ ਹੈ।
|
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ
