ਦਿਲ ਬੋਲੇ ਹੜਿੱਪਾ!

ਬੈਨਰ : ਯਸ਼ਰਾਜ ਫਿਲਮਸਨਿਰਮਾਤਾ : ਆਦਿਤਿਆ ਚੋਪੜਾਗੀਤਕਾਰ : ਜੈਦੀਪ ਸਾਹਨੀਸੰਗੀਤ : ਪ੍ਰੀਤਮ ਚੱਕਰਵਰਤੀ, ਜੂਲੀਅਸਰਿਲੀਜ਼ ਡੇਟ : 18 ਸਤੰਬਰ 2009ਕਲਾਕਾਰ : ਸ਼ਾਹਿਦ ਕਪੂਰ, ਰਾਣੀ ਮੁਖਰਜੀ, ਸ਼ੇਰਲਿਨ ਚੋਪੜਾ, ਪੂਨਮ ਢਿੱਲੋਂ, ਅਨੁਪਮ ਖੇਰ, ਰਾਖੀ ਸਾਵੰਤ, ਵ੍ਰਜੇਸ਼ ਹੀਰਜੀ ਵੀਰਾ (ਰਾਣੀ ਮੁਖਰਜੀ) ਇੱਕ ਛੋਟੇ-ਜਿਹੇ ਪਿੰਡ 'ਚ ਰਹਿਣ ਵਾਲੀ ਸ਼ਰਾਰਤੀ ਜਿਹੀ ਕੁੜੀ ਹੈ। ਉਸਦੇ ਸੁਫ਼ਨੇ ਬਹੁਤ ਵੱਡੇ ਹਨ। ਉਹ ਇੱਕ ਲੋਕਲ ਥਿਏਟਰ ਗਰੁੱਪ 'ਚ ਕੰਮ ਕਰਦੀ ਹੈ, ਪਰ ਤੇਂਦੁਲਕਰ ਅਤੇ ਧੋਨੀ ਨਾਲ ਕ੍ਰਿਕੇਟ ਖੇਡਣਾ ਚਾਹੁੰਦੀ ਹੈ। ਰੋਹਨ (ਸ਼ਾਹਿਦ ਕਪੂਰ) ਇੰਗਲੈਂਡ 'ਚ ਕਾਉਂਟੀ ਕ੍ਰਿਕੇਟ ਗਰੁੱਪ ਦਾ ਕਪਤਾਨ ਹੈ ਅਤੇ ਇੱਕ ਵਧੀਆ ਕ੍ਰਿਕੇਟ ਖਿਡਾਰੀ ਹੈ। ਭਾਰਤ 'ਚ ਉਸਦੇ ਪਿਤਾ ਦੀ ਕ੍ਰਿਕੇਟ ਟੀਮ ਲਗਾਤਾਰ ਅੱਠ ਸਾਲ ਤੋਂ ਇੱਕ ਮੁਕਾਬਲੇ 'ਚ ਹਾਰ ਰਹੀ ਹੈ। ਆਪਣੇ ਪਿਤਾ ਦੀ ਟੀਮ ਨੂੰ ਜੇਤੂ ਬਣਾਉਣ ਲਈ ਰੋਹਨ ਭਾਰਤ ਆਉਂਦਾ ਹੈ। ਵੀਰਾ ਜਿਸ ਪਿੰਡ ਵਿੱਚ ਰਹਿੰਦੀ ਹੈ, ਉੱਥੇ ਕੁੜੀਆਂ ਕ੍ਰਿਕੇਟ ਨਹੀਂ ਖੇਡਦੀਆਂ ਹਨ। ਮੁੰਡਿਆਂ ਨਾਲ ਖੇਡਣ ਲਈ ਵੀਰਾ ਨਕਲੀ ਦਾੜੀ ਅਤੇ ਪੱਗ ਦਾ ਇਸਤੇਮਾਲ ਕਰਦੀ ਹੈ। ਉਸਦਾ ਸ਼ਾਨਦਾਰ ਖੇਡ ਉਸ ਨੂੰ ਰੋਹਨ ਦੀ ਟੀਮ 'ਚ ਸਥਾਨ ਦੁਆ ਦਿੰਦਾ ਹੈ। ਵੀਰ ਕੌਰ ਹੁਣ ਵੀਰ ਪ੍ਰਤਾਪ ਸਿੰਘ ਬਣ ਜਾਂਦੀ ਹੈ। ਇਸ ਤੋਂ ਬਾਅਦ ਵੀਰ, ਰੋਹਨ ਅਤੇ ਵੀਰਾ ਦੀ ਇੱਕ ਅਜਿਹੀ ਮਨੋਰੰਜਕ ਯਾਤਰਾ ਸ਼ੁਰੂ ਹੁੰਦੀ ਹੈ, ਜਿਸ 'ਚ ਰੋਮਾਂਸ, ਕਾਮੇਡੀ ਅਤੇ ਸੰਗੀਤ ਦਾ ਸਾਥ ਹੈ। ਪੰਜਾਬ ਦੀ ਮਹਿਕ ਹੈ। ਕਹਾਣੀ ਵਿੱਚ ਕੁਝ ਅਜਿਹੇ ਟਵਿਸਟ ਆਉਂਦੇ ਹਨ, ਜਿਹਨਾਂ ਨੂੰ ਦੇਖ ਕੇ ਤੁਹਾਡਾ ਦਿਲ ਖੁਸ਼ ਹੋ ਕੇ ਬੋਲ ਉੱਠੇਗਾ 'ਹੜਿੱਪਾ!'