ਨਿਰਮਾਤਾ : ਮੁਕਤਾ ਸਰਚਲਾਈਟ ਫਿਲਮਸ
ਨਿਰਦੇਸ਼ਕ : ਨਾਗੇਸ਼ ਕੁਕੁਨੂਰ
ਸੰਗੀਤ : ਸਲੀਮ ਸੁਲੇਮਾਨ, ਰੋਨੀ ਸ਼ਿਰੀਸ਼, ਸੁਖਵਿੰਦਰ ਸਿੰਘ, ਪ੍ਰੀਤਮ ਚਕ੍ਰਵਰਤੀ
ਕਲਾਕਾਰ : ਸ਼੍ਰੇਅਸ ਤਲਪਦੇ, ਲੇਨਾ, ਵਿਕਰਮ ਈਮਾਨਦਾਰ, ਯਤਿਨ ਕਾਰਯੇਕਰ, ਨਸਰੁੱਦੀਨ ਸ਼ਾਹ (ਵਿਸ਼ੇਸ਼ ਭੂਮਿਕਾ)
ਡੋਰ ਅਤੇ ਇਕਬਾਲ ਵਰਗੀਆਂ ਫਿਲਮਾਂ ਬਣਾਉਣ ਵਾਲੇ ਨਾਗੇਸ਼ ਕੁਕੁਨੂਰ ਬਾਂਬੇ ਟੂ ਬੈਂਕਾਕ ਲੈ ਕੇ ਹਾਜ਼ਰ ਹੋ ਰਹੇ ਹਨ. ਗੰਭੀਰ ਫਿਲਮਾਂ ਬਣਾਉਣ ਵਾਲੇ ਨਾਗੇਸ਼ ਨੇ ਇਸ ਵਾਰੀ ਕਮੇਡੀ ਕਹਾਣੀ ਚੁਣੀ ਹੈ. ਇਸ ਫਿਲਮ ਦੇ ਜਰੀਏ ਥਾਈਲੈਂਡ ਦੀ ਅਭਿਨੇਤਰੀ ਲੇਨਾ ਬਾਲੀਵੁੱਡ ਵਿੱਚ ਆਪਣਾ ਕਰੀਅਰ ਸ਼ੁਰੂ ਕਰ ਰਹੀ ਹੈ. ਥਾਈਲੈਂਡ ਵਿੱਚ ਉਹ ਜਾਣਾ-ਪਛਾਣਿਆ ਨਾਂ ਹੈ ਅਤੇ ਟੀਵੀ ਅਤੇ ਐਲਬਮ ਵਿੱਚ ਕੰਮ ਕਰ ਚੁਕੀ ਹਨ.
ਕਹਾਣੀ ਹੈ ਸ਼ੰਕਰ ਨਾਂ ਦੇ ਇੱਕ ਰਸੋਈਏ ਦੀ. ਮੁੰਬਈ ਵਿੱਚ ਰਹਿਣ ਵਾਲੇ ਸ਼ੰਕਰ ਨੂੰ ਪੈਸਿਆਂ ਦੀ ਬਹੁਤ ਲੋੜ ਹੁੰਦੀ ਹੈ. ਜਦੋਂ ਉਸ ਨੂੰ ਪੈਸਾ ਨਹੀਂ ਮਿਲਦਾ ਹੈ ਤੇ ਉਹ ਇੱਕ ਡਾਨ ਦਾ ਹੀ ਪੈਸਾ ਚੋਰੀ ਕਰ ਲੈਂਦਾ ਹੈ. ਜਦੋਂ ਡਾਨ ਦੇ ਬੰਦੇ ਉਸ ਦੇ ਪਿੱਛੇ ਪੈਂਦੇ ਹਨ ਤੇ ਉਸ ਨੂੰ ਸਮਝ ਆਉਂਦਾ ਹੈ ਕਿ ਜਿਸ ਦਾ ਪੈਸਾ ਉਸ ਨੇ ਚੋਰੀ ਕੀਤਾ ਹੈ ਉਹ ਡਾਨ ਹੈ.
ਡਾਨ ਦੇ ਬੰਦਿਆਂ ਤੋਂ ਬਚਣ ਦੀ ਫਿਰਾਕ ਵਿੱਚ ਉਹ ਡਾਕਟਰਾਂ ਦੇ ਉਸ ਦਲ ਵਿੱਚ ਸ਼ਾਮਿਲ ਹੋ ਜਾਂਦਾ ਹੈ ਜੋ ਰਾਹਤ ਕੰਮ ਲਈ ਥਾਈਲੈਂਡ ਜਾਣ ਵਾਲੇ ਹਨ. ਉੱਥੇ ਪੁੱਜ ਕੇ ਇਸ ਦੇ ਚੱਕਰ ਵਿੱਚ ਉਸ ਦਾ ਰੁਪਿਆਂ ਨਾਲ ਭਰਿਆ ਬੈਗ ਗਵਾਚ ਜਾਂਦਾ ਹੈ.
ਬੈਂਕਾਕ ਵਿੱਚ ਪੈਸੇ ਲੱਭਦੇ ਹੋਏ ਸ਼ੰਕਰ ਦੀ ਮੁਲਾਕਾਤ ਜੈਸਮਿਨ ਨਾਲ ਹੁੰਦੀ ਹੈ. ਜੈਸਮਿਨ ਨੂੰ ਦੇਖਦੇ ਹੀ ਸ਼ੰਕਰ ਉਸ ਤੇ ਫਿਦਾ ਹੋ ਜਾਂਦਾ ਹੈ. ਜੈਸਮਿਨ ਥਾਈ ਭਾਸ਼ਾ ਬੋਲਦੀ ਹੈ ਅਤੇ ਸ਼ੰਕਰ ਨੂੰ ਇਹ ਬਿਲਕੁਲ ਵੀ ਸਮਝ ਨਹੀਂ ਆਉਂਦੀ ਹੈ. ਦੋਵਾਂ ਨੂੰ ਗੱਲਬਾਤ ਕਰਨ ਵਿੱਚ ਪਰੇਸ਼ਾਨੀ ਹੁੰਦੀ ਹੈ.
ਸ਼ੰਕਰ ਆਪਣੇ ਰੁਪਿਆਂ ਦੀ ਤਲਾਸ਼ ਵਿੱਚ ਦੋਸਤ ਰਵਿੰਦਰ ਅਤੇ ਜੈਸਮਿਨ ਨੂੰ ਵੀ ਸ਼ਾਮਿਲ ਕਰ ਲੈਂਦਾ ਹੈ. ਇਸੇ ਵਿੱਚਕਾਰ ਡਾਨ ਦਾ ਪੁੱਤਰ ਜੈਮ ਆਪਣੇ ਪੈਸੇ ਅਤੇ ਸ਼ੰਕਰ ਦੀ ਤਲਾਸ਼ ਵਿੱਚ ਬੈਂਕਾਕ ਆ ਜਾਂਦਾ ਹੈ. ਇਸ ਤੋਂ ਸ਼ੰਕਰ ਦੀਆਂ ਮੁਸ਼ਕਿਲਾਂ ਹੋਰ ਵੱਧ ਜਾਂਦੀਆਂ ਹਨ.
ਕਈ ਮਜੇਦਾਰ ਗੜਬੜੀਆਂ ਹੁੰਦੀਆਂ ਹਨ ਅਤੇ ਉਹਨਾਂ ਤੋਂ ਹਾਸਾ ਪੈਦਾ ਹੁੰਦਾ ਹੈ. ਕੀ ਸ਼ੰਕਰ, ਡਾਨ ਅਤੇ ਉਸ ਦੇ ਪੁੱਤਰ ਤੋਂ ਬਚ ਸਕੇਗਾ? ਕੀ ਉਹ ਜੈਸਮਿਨ ਦਾ ਦਿਲ ਜਿੱਤ ਸਕੇਗਾ? ਕੀ ਉਹ ਆਪਣੇ ਪੈਸਿਆਂ ਦੀ ਖੋਜ ਕਰ ਸਕੇਗਾ? ਜਵਾਬ ਮਿਲਣਗੇ ਬਾਂਬੇ ਟੂ ਬੈਂਕਾਕ ਵਿੱਚ.
|
ਸੁਝਾਅ ਪ੍ਰਤਿਕਿਰਿਆ
ਮਿੱਤਰ ਨੂੰ ਭੇਜੋ
ਇਹ ਪੇਜ ਪ੍ਰਿੰਟ ਕਰੋ
