ਕੈਟਰੀਨਾ ਕੈਫ਼ | ਅਮਿਤਾਭ ਬੱਚਨ | ਖਬਰਾਂ/ ਗੱਪ ਸ਼ਪ | ਆੳਣ ਵਾਲੀ ਫਿਲਮ | ਫਿਲਮ ਸਮੀਖਿਆ | ਫਿਲਮੀ ਲੇਖ | ਫਿਲਮੀ ਸਫਰਨਾਮਾ | ਮੁਲਾਕਾਤ | ਸਟਾਰ ਪ੍ਰੋਫਾਈਲ
Feedback
Print
ਵੈਬ ਦੁਨੀਆ
ਹਰਭਜਨ ਕਾਰਨ ਪਰਤੀ ਪੰਜਾਬੀ ਫਿਲਮਾਂ ਦੀ ਰੌਣਕ 
PR
ਇਸ ਲਈ ਲੋਕਾਂ ਨੂੰ ਧੰਨਵਾਦ ਕਰਨਾ ਚਾਹੀਦਾ ਹੈ, ਹਰਭਜਨ ਮਾਨ ਦਾ, ਜਿਹਨਾਂ ਨੇ ਪੰਜਾਬੀ ਫਿਲਮ ਇੰਡਸਟਰੀ ਨੂੰ ਦੁਬਾਰਾ ਜਿਉਂਦਾ ਕਰਨ ਲਈ ਆਪਣੀ ਗਾਇਕੀ ਨੂੰ ਇੱਕ ਪਾਸੇ ਰੱਖ ਕੇ ਪੰਜਾਬੀ ਫਿਲਮ ਇੰਡਸਟਰੀ ਦੇ ਭਲੇ ਦਾ ਕੰਮ ਸ਼ੁਰੂ ਕੀਤਾ। ਕੁਝ ਸਾਲ ਪਹਿਲਾਂ ਜਦੋਂ ਹਰਭਜਨ ਮਾਨ ਨੇ ਪੰਜਾਬੀ ਫਿਲਮ 'ਜੀ ਆਇਆਂ ਨੂੰ' ਤੋਂ ਫਿਲਮ ਨਿਰਮਾਣ ਦੀ ਸ਼ੁਰੂਆਤ ਕੀਤੀ, ਤਾਂ ਕੋਈ ਨਹੀਂ ਜਾਣਦਾ ਸੀ ਕਿ ਫਿਲਮ ਦਾ ਨਾਮ ਪੰਜਾਬੀ ਸਿਨੇਮਾ ਨੂੰ ਸੱਚੀਂ-ਮੁੱਚੀ 'ਜੀ ਆਇਆਂ ਨੂੰ' ਕਰਨ ਵਾਲਾ ਸਾਬਿਤ ਹੋਵੇਗਾ।
ਸ਼ੁਰੂਆਤ ਵਿੱਚ ਹਰਭਜਨ ਮਾਨ ਇਕੱਲੇ ਹੀ ਸਨ। ਬਾਲੀਵੁੱਡ ਦੇ ਸਭ ਤੋਂ ਵੱਡੇ ਸਿਨੇਮੈਟੋਗ੍ਰਾਫਰ ਮਨਮੋਹਨ ਸਿੰਘ ਨਾਲ ਉਹਨਾਂ ਦੀ ਅਜਿਹੀ ਕੈਮੇਸਟ੍ਰੀ ਬਣੀ ਕਿ ਇੱਕ ਤੋਂ ਬਾਅਦ ਇੱਕ ਅੱਧਾ ਦਰਜਨ ਤੋਂ ਵੀ ਜਿਆਦਾ ਫਿਲਮਾਂ ਬਣਾ ਦਿੱਤੀਆਂ, ਜਿਹਨਾਂ 'ਚ 'ਅਸਾਂ ਨੂੰ ਮਾਣ ਵਤਨਾਂ ਦਾ', 'ਮਿੱਟੀ ਵਾਜਾਂ ਮਾਰਦੀ', ' ਮੇਰਾ ਪਿੰਡ', 'ਜੱਗ ਜਿਉਂਦਿਆਂ ਦੇ ਮੇਲੇ' ਆਦਿ ਵਰਣਨਯੋਗ ਹਨ।
PR
ਸਰਬਜੀਤ ਚੀਮਾ ਦੀ ਹਾਲ ਹੀ ਵਿੱਚ ਰਿਲੀਜ਼ ਹੋਈ ਹੈ 'ਆਪਣੀ ਬੋਲੀ ਆਪਣਾ ਦੇਸ'। ਇਸ ਤੋਂ ਬਿਨਾ ਉਹਨਾਂ ਦੀ ਥ੍ਰਿਲਰ ਫਿਲਮ 'ਪੁੰਨਿਆ ਦੀ ਰਾਤ' ਵੀ ਤਿਆਰ ਹੈ। ਪੰਜਾਬੀ ਸੰਗੀਤ ਅਤੇ ਫਿਲਮਾਂ ਦੇ ਸ਼ੌਕੀਆਂ ਲਈ ਵਰਤਮਾਨ ਦੌਰ ਸਭ ਤੋਂ ਵਧੀਆ ਚੱਲ ਰਿਹਾ ਹੈ। ਇੱਕ ਤੋਂ ਬਾਅਦ ਇੱਕ ਫਿਲਮਾਂ ਤਿਆਰ ਹੋ ਰਹੀਆਂ ਹਨ। ਇਹ ਪੰਜਾਬੀ ਫਿਲਮ ਇੰਡਸਟਰੀ ਲਈ ਚੰਗੀ ਗੱਲ ਹੈ।
ਅੱਤਵਾਦ ਤੋਂ ਪਹਿਲਾਂ ਪੰਜਾਬ ਵਿੱਚ ਪੰਜਾਬੀ ਫਿਲਮਾਂ ਦੀ ਖਾਸੀ ਡਿਮਾਂਡ ਸੀ ਅਤੇ ਹਰ ਪੰਜਾਬੀ ਫਿਲਮ ਨੂੰ ਦੇਖਣ ਲਈ ਸਿਨੇਮਾ ਵਿੱਚ ਦਰਸ਼ਕਾਂ ਦੀ ਭੀੜ ਲੱਗਦੀ ਸੀ। ਅੱਤਵਾਦ ਨੇ ਪੰਜਾਬੀ ਫਿਲਮ ਇੰਡਸਟਰੀ ਨੂੰ ਤਾਂ ਤਬਾਹ ਕੀਤਾ ਹੀ, ਨਾਲ ਹੀ ਸਿਨੇਮਾ ਘਰ ਵੀ ਖਤਮ ਕਰ ਦਿੱਤੇ। ਪਰ ਪੰਜਾਬੀ ਫਿਲਮਾਂ ਨੂੰ ਦੇਖਣ ਲਈ ਦਰਸ਼ਕ ਇੱਕ ਵਾਰ ਫਿਰ ਸਿਨੇਮਾ ਘਰਾਂ ਵੱਲ ਰੁਖ ਕਰਨ ਲੱਗੇ ਹਨ।
ND
ਜਿੰਮੀ ਸ਼ੇਰਗਿੱਲ ਅਤੇ ਕੁਲਰਾਜ ਰੰਧਾਵਾ ਦੀ ਫਿਲਮ 'ਤੇਰਾ ਮੇਰਾ ਕੀ ਰਿਸ਼ਤਾ' ਗੁਰਦਾਸ ਮਾਨ ਦੀ 'ਮਿਨੀ ਪੰਜਾਬ' ਨੇ ਵੀ ਬਹੁਤ ਦਰਸ਼ਕ ਇਕੱਠੇ ਕੀਤੇ। ਐਨੀਆਂ ਫਿਲਮਾਂ ਦੀ ਸਫ਼ਲਤਾ ਤੋਂ ਬਾਅਦ 13 ਨਵੰਬਰ ਨੂੰ ਹਰਭਜਨ ਮਾਨ ਪ੍ਰਸਿੱਧ ਪੰਜਾਬੀ ਕਿੱਸੇ ਹੀਰ-ਰਾਂਝਾ 'ਤੇ ਅਧਾਰਿਤ ਫਿਲਮ 'ਹੀਰ ਰਾਂਝਾ' ਲੈ ਕੇ ਦਰਸ਼ਕਾਂ ਦੇ ਸਨਮੁਖ ਹੋ ਰਹੇ ਹਨ।
ਫਿਲਮ ਹੀਰ-ਰਾਂਝਾ ਦੀ ਕਹਾਣੀ ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ
ਸਬੰਧਤ ਜਾਣਕਾਰੀ ਲੱਭੋ