Feedback
Print
ਐਸ਼ਵਰਿਆ ਅਤੇ ਉਸ ਦੀਆਂ ਫਿਲਮਾਂ 
IFM
ਐਸ਼ ਨੇ ਪੜ੍ਹਾਈ ਦੇ ਨਾਲ-ਨਾਲ ਮਾਡਲਿੰਗ ਵੀ ਸ਼ੁਰੂ ਕੀਤੀ ਅਤੇ ਸੰਨ 1994 ਵਿੱਚ ਇਹਨਾਂ ਨੂੰ ਮਿਸ ਵਰਲਡ ਦਾ ਖਿਤਾਬ ਮਿਲਿਆ। ਐਸ਼ਵਰਿਆ ਰਾਏ ਬੱਚਨ ਨੇ ਆਪਣੇ 12 ਸਾਲਾਂ ਦੇ ਲੰਬੇ ਕਰੀਅਰ ਵਿੱਚ ਲਗਭਗ ਸਭ ਤੋਂ ਜਿਆਦਾ ਫਿਲਮਾਂ ਹਿੰਦੀ ਵਿੱਚ ਕੀਤੀਆਂ। ਕੁਝ ਹਾਲੀਵੁੱਡ ਅਤੇ ਕੁਝ ਖੇਤਰੀ ਭਾਸ਼ਾਵਾਂ ਦੀਆਂ ਫਿਲਮਾਂ ਵਿੱਚ ਵੀ ਉਹ ਨਜ਼ਰ ਆਈ। ਉਹਨਾਂ ਦੀ ਫਿਲਮੋਗ੍ਰਾਫ਼ੀ ਤੇ ਨਜ਼ਰ ਮਾਰੀ ਜਾਵੇ, ਤਾਂ ਜਿੰਨਾ ਯਾਦਗਾਰ ਉਹਨਾਂ ਦਾ ਚਿਹਰਾ ਹੈ, ਓਨੀਆਂ ਯਾਦਗਾਰ ਫਿਲਮਾਂ ਉਹ ਨਹੀਂ ਦੇ ਸਕੀ।
ਸਭ ਤੋਂ ਪਹਿਲਾਂ ਐਸ਼ ਨੇ 1997 ਵਿੱਚ ਇੱਕ ਤਮਿਲ ਫਿਲਮ ਵਿੱਚ ਕੰਮ ਕੀਤਾ। ਅਤੇ ਬਾਲੀਵੁੱਡ ਵਿੱਚ ਪਹਿਲੀ ਫਿਲਮ 'ਔਰ ਪਿਆਰ ਹੋ ਗਿਆ' ਬੌਬੀ ਦਿਉਲ ਨਾਲ ਕੀਤੀ। ਇਸ ਤੋਂ ਬਾਅਦ ਫਿਲਮ 'ਜੀਨਸ' ਲਈ ਐਸ਼ ਨੂੰ ਫਿਲਮਫੇਅਰ ਬੈਸਟ ਐਕਟਰਸ ਅਵਾਰਡ ਸਾਊਥ ਮਿਲਿਆ।
ਐਸ਼ ਦੇ ਕਰੀਅਰ ਦੀਆਂ ਸਫ਼ਲ ਫਿਲਮਾਂ 'ਹਮ ਦਿਲ ਦੇ ਚੁਕੇ ਸਨਮ'(1999) ਜਿਸ ਲਈ ਫਿਲਮਫੇਅਰ ਬੈਸਟ ਐਕਟਰਸ ਅਵਾਰਡ ਜਿੱਤਿਆ, 'ਤਾਲ' (1999), 'ਦੇਵਦਾਸ' (2002) ਆਦਿ ਹਨ। ਇਸ ਤੋਂ ਇਲਾਵਾ ਇਹਨਾਂ ਨੇ ਹਾਲੀਵੁੱਡ ਫਿਲਮਾਂ ਵਿੱਚ ਵੀ ਕੰਮ ਕੀਤਾ। ਫਿਲਮ 'ਬੰਟੀ ਔਰ ਬਬਲੀ' ਵਿੱਚ ਗਾਣੇ 'ਕਜਰਾ ਰੇ' ਤੇ ਲਗਾਤਾਰ ਸੱਤ ਮਿੰਟ ਤੱਕ ਡਾਂਸ ਕਰ ਕੇ ਐਸ਼ ਨੇ ਬਹੁਤ ਵਾਹ-ਵਾਹ ਪ੍ਰਾਪਤ ਕੀਤੀ। ਸੰਨ 2006 ਦੇ ਅੰਤ ਵਿੱਚ ਫਿਲਮਾਂ 'ਉਮਰਾਓ ਜਾਨ' ਅਤੇ 'ਧੂਮ 2' ਰਿਲੀਜ਼ ਹੋਈਆਂ। ਸੰਨ 2007 ਵਿੱਚ ਫਿਲਮ 'ਗੁਰੂ' ਆਈ।
ਐਸ਼ਵਰਿਆ ਦੇ ਪਹਿਲਾਂ ਮਾਡਲ ਰਾਜੀਵ, ਬਾਲੀਵੁੱਡ ਨਾਇਕ ਸਲਮਾਨ ਖਾਨ ਅਤੇ ਵਿਵੇਕ ਓਬਰਾਏ ਨਾਲ ਵੀ ਸਬੰਧ ਰਹੇ ਹਨ। ਇਸ ਤੋਂ ਬਾਅਦ ਉਹਨਾਂ ਨੇ 20 ਅਪ੍ਰੈਲ, 2007 ਨੂੰ ਬਾਲੀਵੁੱਡ ਨਾਇਕ ਅਭਿਸ਼ੇਕ ਬੱਚਨ ਨਾਲ ਵਿਆਹ ਕਰ ਲਿਆ ਹੈ। ਸੰਨ 2008 ਵਿੱਚ ਐਸ਼ਵਰਿਆ ਦੀ ਰਿਤਿਕ ਰੌਸ਼ਨ ਨਾਲ 16ਵੀਂ ਸਦੀ ਦੀ ਪ੍ਰੇਮ ਕਹਾਣੀ ਤੇ ਆਧਾਰਿਤ ਫਿਲਮ 'ਜੋਧਾ ਅਕਬਰ' ਰਿਲੀਜ਼ ਹੋਈ, ਜਿਸ ਵਿੱਚ ਐਸ਼ਵਰਿਆ ਦੇ ਰੋਲ ਨੂੰ ਕਾਫੀ ਸਲਾਹਿਆ ਗਿਆ।
ਐਸ਼ਵਰਿਆ ਰਾਏ ਨੂੰ ਸਲਮਾਨ ਖਾਨ ਨਾਲ ਚੱਲੇ ਉਹਨਾਂ ਦੇ ਅਫੇਅਰ ਨੇ ਖਾਸਾ ਨੁਕਸਾਨ ਪਹੁੰਚਾਇਆ। ਜਦੋਂ ਸਲਮਾਨ ਉਹਨਾਂ ਤੋਂ ਅਲੱਗ ਹੋਏ ਤਾਂ ਉਹਨਾਂ ਨਿਰਮਾਤਾਵਾਂ ਨੇ ਐਸ਼ਵਰਿਆ ਤੋਂ ਦੂਰੀ ਬਣਾ ਲਈ, ਜੋ ਸਲਮਾਨ ਦੇ ਨਜ਼ਦੀਕ ਸਨ।
IFM
ਐਸ਼ਵਰਿਆ ਦੀਆਂ ਹੁਣ ਤੱਕ ਦੀਆਂ ਕੁਝ ਮੁੱਖ ਹਿੰਦੀ ਫਿਲਮਾਂ 'ਔਰ ਪਿਆਰ ਹੋ ਗਿਆ', 'ਆ ਅਬ ਲੌਟ ਚਲੇਂ', 'ਹਮ ਦਿਲ ਦੇ ਚੁਕੇ ਸਨਮ', 'ਤਾਲ', 'ਮੇਲਾ', 'ਜੋਸ਼', 'ਹਮਾਰਾ ਦਿਲ ਆਪਕੇ ਪਾਸ ਹੈ', 'ਢਾਈ ਅਕਸ਼ਰ ਪ੍ਰੇਮ ਕੇ', 'ਮੁਹੱਬਤੇਂ', 'ਅਲਬੇਲਾ', 'ਕਿਉਂ...! ਹੋ ਗਿਆ ਨਾ', 'ਉਮਰਾਓ ਜਾਨ', 'ਬੰਟੀ ਔਰ ਬਬਲੀ', 'ਧੂਮ 2', 'ਗੁਰੂ', ਅਤੇ 'ਜੋਧਾ ਅਕਬਰ' ਹਨ।
2009 ਵਿੱਚ 'ਰਾਣੀ ਲਛਮੀ ਬਾਈ', 'ਰਾਵਣ', ਅਤੇ 'ਐਕਸ਼ਨ ਰੀਪਲੇ' ਆਦਿ ਫਿਲਮਾਂ ਰਿਲੀਜ਼ ਹੋ ਰਹੀਆਂ ਹਨ। 2010 ਵਿੱਚ ਰਿਤਿਕ ਰੌਸ਼ਨ ਦੇ ਨਾਲ ਫਿਲਮ 'ਗੁਜਾਰਿਸ਼' ਲੈ ਕੇ ਐਸ਼ਵਰਿਆ ਦਰਸ਼ਕਾਂ ਦੇ ਸਨਮੁਖ ਹੋਣ ਜਾ ਰਹੀ ਹੈ।