Feedback
Print
ਸ਼ਰੁਤੀ ਲਈ ਅਭਿਨੈ ਦੀ ਥਾਂ ਕਲਾ ਖੇਤਰ ਚੰਗਾ 
IFM
ਸ਼ਰੁਤੀ ਦਾ ਜਨਮ 28 ਜਨਵਰੀ 1986 ਨੂੰ ਹੋਇਆ। ਇਸ ਅਧਾਰ ਤੇ ਬਣੀ ਸੂਰਜ ਕੁੰਡਲੀ ਦੇ ਅਨੁਸਾਰ ਇਹਨਾਂ ਦਾ ਜਨਮ ਮਕਰ ਲਗਨ ਅਤੇ ਸਿੰਘ ਰਾਸ਼ੀ ਵਿੱਚ ਹੋਇਆ। ਮਕਰ ਲਗਨ ਦੇ ਵਿਅਕਤੀ ਥੋੜੇ ਸ਼ੱਕੀ ਅਤੇ ਘੱਟ ਆਤਮਵਿਸ਼ਵਾਸੀ ਹੁੰਦੇ ਹਨ।
ਲਗਨ ਵਿੱਚ ਮੌਜੂਦ ਬੁੱਧ, ਸ਼ੁੱਕਰ ਪ੍ਰਭਾਵਸ਼ਾਲੀ ਵਿਅਕਤੀਤੱਵ ਤਾਂ ਦਿੰਦੇ ਹਨ ਪਰ ਮਕਰ ਰਾਸ਼ੀ ਦਾ ਸ਼ੁੱਕਰ ਅਕਸਰ ਸਫਲਤਾ ਵਿੱਚ ਬਾਧਕ ਬਣਦਾ ਹੈ। ਸ਼ੁੱਕਰ-ਬੁਧ ਦਾ ਮੇਲ ਕਲਾ ਵਿੱਚ ਸਹਿਜ ਰੁੱਚੀ ਜ਼ਾਹਰ ਕਰਦਾ ਹੈ।ਮੇਖ ਦਾ ਗੁਰੂ ਪਰਵਾਰਿਕ ਸੁੱਖ ਘਟਾਉਂਦਾ ਹੈ, ਪਰ ਮਿੱਠ ਬੋਲੜਾ ਬਣਾਉਂਦਾ ਹੈ। ਗੁਰੂ ਚੰਦਰਮਾ ਦਾ ਦ੍ਰਿਸ਼ਟੀ ਸਬੰਧ ਬਾਣੀ ਨੂੰ ਮਜ਼ਬੂਤ ਬਨਾਉਂਦਾ ਹੈ ਪਰ ਸਿਹਤ ਨੂੰ ਕਸ਼ਟ ਦੇ ਸਕਦਾ ਹੈ।
ਚੌਥੇ ਸਥਾਨ ਵਿੱਚ ਰਾਹੁ-ਕੇਤੁ ਮਾਤਾ ਦੀ ਸਿਹਤ ਵਿੱਚ ਕਸ਼ਟ, ਮਾਨਸਿਕ ਪਰੇਸ਼ਾਨੀ ਜਾਂ ਪਰਿਵਾਰ ਤੋਂ ਵੱਖ ਹੋਣ ਦਾ ਸੂਚਕ ਹੈ। ਇਸੇ ਤਰ੍ਹਾਂ ਆਮਦਨੀ ਭਾਵ ਵਿੱਚ ਮੰਗਲ-ਸ਼ਨੀ ਦਾ ਮੇਲ ਆਮਦਨੀ ਨੂੰ ਅਨਿਸ਼ਚਿਤ ਬਨਾਉਂਦਾ ਹੈ, ਸਫਲਤਾ ਵਿੱਚ ਰੁਕਾਵਟ ਆਉਣ ਅਤੇ ਮਿੱਤਰਾਂ ਤੋਂ ਨੁਕਸਾਨ ਦਾ ਸੰਕੇਤ ਵੀ ਦਿੰਦਾ ਹੈ।
ਵਰਤਮਾਨ ਵਿੱਚ ਸ਼ਰੁਤੀ ਸੂਰਜ ਦੀ ਮਹਾਦਸ਼ਾ ਵਿੱਚ ਰਾਹੁ ਦੇ ਅੰਤਰ ਤੋਂ ਗੁਜਰ ਰਹੀ ਹੈ। ਮਹਾਦਸ਼ਾ ਵਿਸ਼ੇਸ਼ ਫਲਦਾਇਕ ਨਹੀਂ ਹੈ। 2010 ਸ਼ਰੁਤੀ ਲਈ ਕੁੱਝ ਵਿਸ਼ੇਸ਼ ਨਹੀਂ ਰਹੇਗਾ। 2011-12 ਵਿੱਚ ਕੋਈ ਇੱਕ-ਦੋ ਸਫਲਤਾਵਾਂ ਸ਼ਰੁਤੀ ਦੇ ਖਾਤੇ ਵਿੱਚ ਦਰਜ ਹੋ ਸਕਦੀ ਹੈ। ਅਸਲ ਵਿੱਚ ਸ਼ੌਕ ਲਈ ਅਭਿਨੈ ਕਰਨਾ ਹੀ ਸ਼ਰੁਤੀ ਲਈ ਉਚਿਤ ਹੋਵੇਗਾ।ਕਾਰੋਬਾਰ ਲਈ ਇਹ ਖੇਤਰ ਅਪਨਾਉਣਾ ਉਸ ਲਈ ਫਲਦਾਇਕ ਨਹੀਂ ਹੋਵੇਗਾ।
ਇਸ ਦੀ ਥਾਂ ਤੇ ਜੇ ਕਲਾ ਨਾਲ ਜੁੜੇ ਕਿਸੇ ਦੂਜੇ ਖੇਤਰ ਨੂੰ ਅਪਨਾਇਆ ਜਾਵੇ ਤਾਂ ਸਫਲਤਾ ਮਿਲ ਸਕਦੀ ਹੈ। ਅਭਿਨੈ ਦਾ ਖੇਤਰ ਸ਼ਰੁਤੀ ਲਈ ਵਿਸ਼ੇਸ਼ ਫਲਦਾਈ ਨਹੀਂ ਹੈ।